الكل بيسالني عن سر المكرونه اللي بالباشميل اللي بعملها قولت يابت انشري السر ده علي النت عشان كل ما واحده تتعلمها اخد ثواب تعلميها (ههههه) يارب تطلع حلوه معاكم عشان تدعولي كلكم
لتحضير الباشميل 1 لتر حليب كامل الدسم – 4 معالق كبيره سمنه- 4 معالق كبيره دقيق- رشه جوزه الطيب- ملح وفلفل ابيض او اسود – جبنه شيدر مبشوره – فنجان كريمه طبخ (اختياري)- بيضه – جببنه موتزرلا(اختياري)
نص كيلو مكرونه اقلام (بيني)– نص كيلو لحمه مفرومه – 2 بصله متوسطه – 1 طماطم – 1 فلفل اخضر (كله متقطع صغير) – 2 معلقه صلصله- ملح وفلفل اسود
الطريقه
نحط اللحمه المفرومه علي النار مع البصل والطماطم والفلفل ورشه ملح وفلفل اسود ونتركه علي النار حتي تنضج اللحمه وبعدها نحط الصلصله ونتركها 5 دفائق اخري وترفع من علي النار
للباشميل : نضع السمنه والدقيق علي النارونقلب حتي يحمر الدقيق نهدي النار ونضيف الحليب قليلا قليلا مع التقليب بواسطه مضرب سلك ولما تتجانس المكونات نفضل نقلب حتي تغلي وتصبح سميكه ونضيف الكريمه ونقلب ولما تغلي نرفعها من علي النار نضيف الملح ورشه جوزه الطيب والفلفل وشويه جبنه شيدر وموتزرلا مبشورين ونتركها لتبرد
ندهن صينيه بالسمنه
نسلق المكرونه ونصفيها من الماء ولا نغسلها ونتركها تبرد
نضيف نصف مقدار الباشميل او اكتر قليلا للمكرونه ونقلبه كويس معاها نفرد في الصنيه نص المكرونه ونضغط عليها برفق
نضع اللحمه المفرومه وشويه جبنه شيدر مبشوره وبعدين نحط باقي المكرونه ونضغط ضغطه خفيفه عليهم
نضرب البيضه بالشوكه وشويه ملح وفلفل ونضيفها علي باقي الباشميل ونقلبهم مع بعض وبعدها نوزعها علي وش المكرونه وعليها طبقه جبنه شيدر وموتزرلا مبشوره وندخلها الفرن حتي تحمر من فوق ومن تحت (من نص الي ساعه حسب حراره الفرن)
وبالف هنا
ملحوظه
لو لقيتي الباشميل لسه خفيف لما يغلي ذوبي شويه نشا (كورن فلاور) في شويه ميه بارده او حليب وضيفيهم وانتي بتقلبي حتي تتماسك الباشميل وتصبح سميكه
ممكن تجهزي اللحمه والباشميل قبلها بيوم لسهوله وسرعه التحضير
وماتنسوني في الدعاء اللهم اغننا بحلالك عن حرامك واغننا بفضلك عمن سواك
ام نو و مهاب
موضوع: مكرونه بالبا شميل 
29/7/2011, 14:13
