رحلة قلم

رحلة قلم
دفعني يا قلم حبرك أداعب بيك أوراقي
وأكتب قصةٍ وياك بلل حزنها أهدابي
هاجر صاحبي يا ناس وعلى عهده أنا باقي
هاجر للأسف ياصاح و ريحة عطره بثيابي
ودع خافقي هاجر تركني للأسف شاقي
وترك ذكري حزينة لي صورة بصفحة كتابي
رحل يا خل ما يدري دمع بالعين حراقي
وأناادري لو يطول العمر رجوعه ما ني بعابي
رحل والليل في صمته عيا لونه أحداقي
وخيب منيتي في لقاه رجع مكسوف طلابي
ورسايل ما يطرشها مؤكد ناوي فراقي
رجائي لو لقيتونه إسألونه على غيابي
عذب خافقي بهجره تركني للأسف شاقي
رحل والليل في بعده زّود حزنه عذابي
رحل هاجر تركني حيل على عهده أنا باقي
يجي طيفه أجي وألقاه خيالٍ(ن) صوره سرابي
رجيتك لا تكررها مسيرك غيري تلاقي
تري غيرك أنا من لي وتري بعدك أنا ما أبى
أنا بحبي سقيتك غيث و زدتك نور بإشراقي
أنا شمسٍ(ن) أنارت لك وزرعتك عز بترابي
مع أني في ربيع العمر خريفك حاتَ أوراقي
وضاقت فيني الدنيا وسدت أخر أبوابي

اهو العصيان ؟والمداد بحور وكل اشجار الغابات هي الاقلام!!!!
وهل يقرع النسيان كل امواج ذاك المداد قهرا ؟