ليش الشب بعمل حالة غيران على البنت و بتحكم بسلوكها في المنتدى

تذكير بمساهمة فاتح الموضوع :

ليش الشب بعمل حالة غيران على البنت في المنتدى

قضية للنقاش

بلاحظ كثير من الشباب بس يتعرف على بنت في منتدى اول خطوة بقوم فيها بعمل حالة زعلان منها و بعمل حالة شريف الشرفاء قدامها
و بطرق متعددة ممكن يعمل نفسة غيران عليها لانها بتحكي مع شباب بالمنتدى و هو طبعا بكون مقهور لانة شخصية تافهة بحب النجومية و بفكر
انة ممكن يصير نجم بهل طريقة او احيانا بصير يتزعول بحجة تطنيش البنت و طبعا البنت اكيد قلبها رقيق و مسكينة و بتصدق انه ممكن يكون هل
شب بحبها او في شعور تجاها او هو خايف على مصلحتها و هو بالاصل بكون مقهور من شب ثاني بحكي معها و بدة يخرب كل علاقات هل بنت عشان حسدة لنجاح هل مسكينة
بالمنتدى و هو بكون متقن الدور بانة اشرف رجل على الارض >>> لاحضو اني بتكلم عن قضية ضعف شخصية البنت
يعني الخلاصة
مداخل الشب للسيطرة على شخصية البنت هي
بعمل حالة غيران عليها او بعمل حالة خايف عليها او على مصلحتها او من باب الشفقة انة البنت مطنشيتة بالمنتدى و هو يحرام كثير بكون سائل فيها
و من ناحية اخرى
ليش البنت شخصيتها ضعيفة و بتخلي الشب يتحكم فيها و يتحكم بسلوكها اثناء وجودها على النت و حتى ممكن يتحكم كمان بعلاقاتها و بمواضيعها و بردودها على الاعضاء

هل البنت سهل خداعها لهل درجة او انه استغلال الشب لحاجة البنت للحنان و العطف

قضية للنقاش و بانتضار ردودكم

عقيد الشات كتب:: انا شايف الكل حاطين الحق كله على البنت انها شخصيتها ضعيفه ولازم تكون حريصه
ليش ما توجهو كلام للشب اللي بكون مثل ما تفضلتو شخصيه ضعيفه وانا بقول مريضه مش ضعيفه
معروف عن البنت او جنس حوى كله بتحكم فيه المشلعر مش العقل

ليش ما يكون في كلام موجه للشباب ضعاف الشخصيه؟؟؟
وبنفس الوقت توعيه للبنات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
its just my opinion anyway

لانة الشب لو شو ما تحكيلة ما ببطل عادتة

يعني لو قلت لواحد نسونجي بطل اضحك على بنات الناس بالك برد علينا

و الكلام موه للبنت لانها هية الضحية

عزيزي الشب
..

..
...

.......
بالنسبه للغيره
يعني بتعرفها من قبل
وبتحبها وبتحبك

اما انك معجب وبتحب تظهر نفسك

مثلا بتابع افلام رومنسيه كثير
وخاصه فلم تامر حسني

والله الأمر برجع للبنت وشخصيتها ولازم البنت تكون قد حالها لأنك إن لم تكن قويا أكلتك الذئابة <الذئب البشري> وإزا البنت استسلمت لشب فبدل على ضعف شخصية وانها عايشة في جو عائلي ما بسودة الحب والحنان

ليه بنقول ان الولد هو بس اللى كده

كمان فى بنات بتتعرف على شباب من خلال النت
وبتحاول تتعرف عليه ةترسم عليه الاحلام الوردية عشان يتقرب منها
وبعدين تبدأ فى استغلاله
طيب انا سمعت عن واحدة تعرفت على واحد من خلا ل النت وبدأت بعد فترة تقوله مش انا خطيبتك طيب ابعتلى مصروفى فين العيدية وفين وفين
والله العظيم وبيبعتلها بدون ان يكون فى شئ بينهم
لأ
ولماتسأله عن متى سينزل ليخطبها
بيتهرب
وهى عارفة وبتقول يلا انا المستفادة

صح في حب من اول نضره بس اكيد ما في حب من اول كبسة enter

هههههههههههههههه
عجبتني هاي جديده
من اول كبسه
هههههههههههههههههههههههههههههههههههههه

طبعا لكل قاعدة شواذ وفي بنات بستغلو الشباب كمان وبمثلو دور الغيرة والحب وتوصيل لهدف معين ومرات بعيشو الدور على الاخر

hotmail كتب:: موضوع رائع كنج

ما اعجبتني ردود بنات المنتدى ومحاولة بائسة لتحسين الصورة
وفيها مبالغة وتمويه مخالف للطبيعة

ردود الشباب هي دبلوماسية ومحلولة اكثر بؤسا للدفاع عن لا شي

حياكم

مش عارفة لكن حاسة حالي مش فاهمة القصد ههههههههههههههه

طيب اي صورة اللي فشلت بنات المنتدى بتحسينها وتخللتها المبالغة والتمويه ؟؟!! وشو هو الطبيعي برأيك

جاسم انتقدت اراء الصبايا والشباب سوا وما اعرفنا رأيك

السلام عليكم
ردي سيكون بسؤال
هل تحب المرأة الرجل ذو الشخصية الضعيفة ( حبيبا" او خطيبا" او زوجا" )
من من البنات لا تعشق غيرة الرجل عليها ( حبيبا" او خطيبا" او زوجا" )

وان كان لا يغار تختلق القصص حتى يغار عليها والغيرة تعطي المراة ثقة بنفسهاو
بجمالها وان هناك من يهتم بها
حتى لو كانت حبيبة وليست خطيبة او زوجة
والسؤال الثاني لماذا الغيرة ؟
لماذا لا يستغل الشاب طعام الفتاة او سكنها او اي شيء عادي
لان الغيرة خلفها سر لا يعرفة الا من يغار

لذلك كانت ردود البنات مخالفة لطبيعتها

وردود الشباب دبلوماسية على الرغم كل الرجال يحبون السيطرة على المراة
واحتواء ها من الالف الى الياء وهذا ليس عيب لانها تحب هذا وهذه خاصية للرجل الشرقي ولانها شرقية تعرف هذا وتعشق انقيادها دام انقيادا صحيحا مغموسا بالحب
ولا ننسى طبيعةالمراة فهي تحب هذه الامور حتى لو انها لم تصدق !!!

hotmail كتب:: السلام عليكم
ردي سيكون بسؤال
هل تحب المرأة الرجل ذو الشخصية الضعيفة ( حبيبا" او خطيبا" او زوجا" ).......... شو علاقة قوة الشخصية بالتحكم والسيطرة !!!
من من البنات لا تعشق غيرة الرجل عليها ( حبيبا" او خطيبا" او زوجا" )

وان كان لا يغار تختلق القصص حتى يغار عليها والغيرة تعطي المراة ثقة بنفسهاو
بجمالها وان هناك من يهتم بها
حتى لو كانت حبيبة وليست خطيبة او زوجة

الغيرة مطلوبة لكن بالعقل لانه كل اشي بزيد عن حده بنقلب ضده يعني ما توصل الغيرة لدرجة التحكم بها وبتصرفاتها
والسؤال الثاني لماذا الغيرة ؟
لماذا لا يستغل الشاب طعام الفتاة او سكنها او اي شيء عادي
لان الغيرة خلفها سر لا يعرفة الا من يغار

سر لايعرفه الا من يغار لكن شو اذا اصبحت الغيرة مرض وشيء لا يطاق؟!!! هل سيبقى لهذا السر قيمة برأيك

لذلك كانت ردود البنات مخالفة لطبيعتها ..........(الصراحة انا مش شايفة انه ردود البنات كانت مخالفة للطبيعة وخاصة ردود وعد متفقة مع ما ذكرته الى حد كبير لكن يا جاسم ردود الصبايا كانت بوازع ارشادي و توعوي ومن باب النصيحة وتجنب الوقوع بالخطأ)

وردود الشباب دبلوماسية على الرغم كل الرجال يحبون السيطرة على المراة
واحتواء ها من الالف الى الياء وهذا ليس عيب لانها تحب هذا وهذه خاصية للرجل الشرقي ولانها شرقية تعرف هذا وتعشق انقيادها دام انقيادا صحيحا مغموسا بالحب
ولا ننسى طبيعةالمراة فهي تحب هذه الامور حتى لو انها لم تصدق !!! ما شي نحن عرب شرقيين يهوى الرجل فينا السيطرة وتهوى الفتاة منا الانقياد للرجل اللذي اختارته لكن خلينا نركز على انه الحالة اللي بنحكي عنها حالة التظاهر بالحب وعبر النت !!!!! بصراحة (وعلى بلاطة) حالة تبين مدى اصابة مثل هيك شباب بمرض نفسي ونقص وتبين اصابة مثل هيك فتيات بمرض الغباء المطقع

على فكرة انتو خلطتو الموضوع

الي بنحكي عنه في موضوعنا مش قصة حب و سبق و حكيت برد من الردود اذا كان حب صادق هاد بصير قصة مختلفة

بس الي بنحكي عنة مش قصة حب بس هو استغلال عاطفة البنت و انها تكون عايشة على امل انه هل شخص ممكن فعلا يحبها و يتزوجها او هو فعلا خايف عليها و بالحقيقة بكون العكس

موضوعنا عن خداع البنات و استغلال عواطفهم مش عن حب بين اثنين

لا تخلطو بين الحب و موضوعنا

kingsam كتب:

عقيد الشات كتب:: انا شايف الكل حاطين الحق كله على البنت انها شخصيتها ضعيفه ولازم تكون حريصه
ليش ما توجهو كلام للشب اللي بكون مثل ما تفضلتو شخصيه ضعيفه وانا بقول مريضه مش ضعيفه
معروف عن البنت او جنس حوى كله بتحكم فيه المشلعر مش العقل

ليش ما يكون في كلام موجه للشباب ضعاف الشخصيه؟؟؟
وبنفس الوقت توعيه للبنات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
its just my opinion anyway

لانة الشب لو شو ما تحكيلة ما ببطل عادتة

يعني لو قلت لواحد نسونجي بطل اضحك على بنات الناس بالك برد علينا

و الكلام موه للبنت لانها هية الضحية

يدبرو روسهم

احسنتي يا مجد
موضوعنا عن التضاهر بالحب

لكن يا كنج الطرح ان الشاب يسيطر عالبنت

كيف يسيطر عليها او يفرض عليها دون علاقة تحت اي مسمى

اذا الحب هو الرابط

ليس شرطا >>>>>>>>>>في شباب بس من دافع السيطرة والتحكم بالشيء ليس اكثر بامكانك تحكي انه فعلا مرض

اكيد انا بعتبر هادا كمان ضعف من شخصية البنت لانوالبنت لازم
تكون دكية وقد حالها ولا تخلي اي كلام يسيطر عليها او على تفكيرها

ويسلموا كتير على الموضوع الحلووووووووووو

هلا حبائب
والله ياجماعه
البنت مسكينه
يجصو عليهابسرعه
ههههههههههههههه
شو هذا الكلام وهذا الأتهام للولد

البنت ؟؟؟؟؟؟؟؟؟؟؟؟؟

هي تعرف كل مايدور حواليها
وتقدم التنازلات برضاها
لأجل توصل لهدف معين مرسوم مسبقاً داخل مخططها
( مش لسواد عيون الشب )
وفي الوقت هذا يتوهم الشب بأنه هو المسيطر
( وهو ولا شئ )

انا جاي اخر الموضوع بس الي لفت انتباهي بعض التناقد

من فتره كان في موضوع انه لو اجا للبنت عريس عن طريق المنتدى شو بكون رايك

وكان رد الاغلبيه انه ممكن يكون مناسب وممكن يكون فارس الاحلام

وبموضوع اليوم احنا خايفين من هذا الفارس لا يكون نصاب الحب وممثل الغيره

بس اذا ممكن نعرف كيف تميز البنت بين هذان الفارسان مع انه ممكن تتشابه اسلوبهما

حتى يستفيدوا اخوتنا من اجاباتكم ويستطيعن التمييز

كنغ لك كل الاحترام وموضوعك يستحق التقدير

ممكن يكون الشب اناني و عنده حب التملك للشئ فبحب يمارس هوايته مع البنت المناسبة
فبكون اختياره بنت ذات شخصية ضعيفة رومانسية عاطفية
بعدين بتظاهر بالحب حتى تكون طلباته اوامر مع عدم الرفض و القبول التام
حتى لو طلب منها انها تترك عالم النت بتتركه عشانه

ان النساء عاطفتهن غزيره الى الحد الذي قد تغلب معه عقلهن وان المرأه اذا احبت احبت بكل كيانها ووجدانها واعطت محبوبها كل ما تستطيع ان تعطيه له عن طيب خاطر
وان الرجل يحكم العقل في علاقته بالمرأه اكثر من العاطفه

ولعذا نرى ان الرجل اكثر سيطرة على المراة

الافي حالات نادرة تكون المراة اقوى وهي صاحبة القرار

يا جماعة لا تحطه الحق على البنت والشب كمان مو قليل بتمسكن حتى يتمكن

بس لازم نعرف كيف نتعامل مع بعض في المنتديات

جد مرات بكون في نفوس مريضه بالمنتدى وهدفها مو تفيد وتستفيد هدفها اصطياد الفتيات

بس يا ريت كل واحد بدخل منتدى يخاف ربه اول شئ ويتذكر انه اله اخوات مشتركات في منتديات ومتل مو رح يعمل مع بنات الناس ربنا رح يمتحنه مع اخواته

الذئاب البشريه حلوه هاي عجبتني
بس تفسيري ممكن انو الشب بدو يصل لشي بباله
انا بعتقد انو عندو نقص بشخصيته
هاد شي اكيد صح والكل بوافقني

بس كلهم نفس الطبع ونفس الهدف

نا أصلا ما بؤمن بالحب عبر المنتديات ولا التعلق بشخص بمجرد دردشه معه لان ليس كل ما يقال صحيح والبنت لازم كون واعيه وما حدا يتحكم فيها

يا عيني عليك

ليس كل ما يقال صحيح
و اللي بنشوفه يقال يفوق الخيال
بتلاقي الشب شوي بيرفع نفسه لدرجة الملائكة قد ما هو بيتظاهر انه حنين ورقيق وجنتل

كله كلام فاضي وتمثيب حقيقي وعلى الطبيعة بتبين شخصياتهم واهدافهم

الموضوع قلب لحملة ضد الشباب

مع انه نادر ما يقدر شب يناقش او يدردش مع بنت وهي ما بدها

و انه يمثل الحنيه والنعومه والرومانسيه هاي مشتركه بين الطرفين

لانه كمان البنت بتعمل حالها هيك وبالطبيعة بتختلف كليا

مش الكل بس نسبه كبيره جدا

يقول الرسول صلى الله عليه و سلم " النساء ناقصات عقل و دين" و هذا لا لشيء سوى أن طبيعة خلقهن هكذا
لكن اقول لو كان يغار على هذه البنت صح ما يحاكيها على الأنترنت مهما كان
و اقول لو هذا الشاب كانت أخته التي تعمل هذا الشيء و يتحكم فيها اي شاب آخر على الأننترنت ماذا يعمل ؟

ليش هو الانترنت عيب ؟؟

والله يا ياسمين العيب مو بالنت العيب بلي بيستخدم النت لأن كل شي بالحياة إلو حدين ايجابي وسلبي والشخص بقرر كيف يستخدمه حسب مبائه وأخلاقة وايش هو المدى أو الخطوط الحمر يلي حاططهن بحياته

يا جماعة ده للبنات المراهقات ذوات الخبرات القليلة
ربنا يحفظ بناتنا من كل شر
واجب علينا ان نوعيهم وننصحهم لكى يعرفوا الغلط من الصح

الحب هو التي تبحث عنه اي فتاه حتى ولو كان تحكم 8)

kingsam كتب:

دلع المنتدى كتب:: مو لازم البنت تخلي شب يخدعها ويتحم فيها مهما كان

بس شبابنا صاروا يعرفوا نقطة الضعف لدى البنت هي الغيره والحب وبكلام كتير بخدعها بس البنت لازم تكون الها شخصية داخل النت وخارجه حتى ما حد يتحكم فيهاواحتمال على النت تكون بتحس انه مسكين وبتحاول تساعده

كلامك صحيح و المفروض ما تفتح اي مجال للشب بالتدخل بشؤنها لانه لو فتحت الباب بتصير زي اللعبة بين ايدية
و بتصير انسانة عديمة الفائدة هي و قلتها واحد لانها بتصير اتمثل شخصية المتحكم بها
و هو بصير يحددلها مع مين تحكي و مع مين ما تحكي و حتى بيصير يتحكم بتعليقاتها و مواضيعها و اي تصرف ما بعجبة بصير يتزعول على الطالعة و النازلة
و عشان هيك هيه من البداية ما تفتح المجال و انا بايدك بكلامك

دلع المنتدى كتب:: معقول بصير بالمنتديات متل هاي الحالة
وبالاحرى بصير في منتدى اربد
الغلط اولا واخيرا على البنت لانه مهما كانما في شب بغار على بنت ما بعرفها واذا بغار عليها ليش بحاكيها في المنتدى

لا انا ما حددت بس بشكل عام بصير بكل المنتديات او لنحكي المواقع الاجتماعية
بس السؤال لو كانت البنت مصابة بهل مرض و انا بعتبرة مرض ضعف الشخصية بتكون قادرة على التخلص من هذا الشخص ولا خلص حالة ميؤس منها

Jasmine collar كتب:: بصراحة الامر بيرجع للبنت نفسها البنت اللي قد حالها و شخصيتها قوية ما بتخلي مين ما كان يتحكم فيها

بصراحة انا بسمع كتير قصص من هالنوع في شباب بتوصل درجة تحكمهم بالبنت انه بيفرض عليها شو تحكي و شو تعلق و شو تردو شو تنزل مواضيع وشو نوعية المواضيع اللي تنزلها
وازا هو بيميل لشخص هي لازم تميل اله وازا بيكره شخص هي لازم تكرهه وبيحولها لكبش فداء

هو بهيك بيكون منه بيتسلى وبيضيع وقت ومنه بيشبع غروره و رغبته في الانتقام من الناس وهي بالنهاية الخاسر الوحيد لانها بتكون خسرت نفسها و استقلاليتها و بيزيد عليها النقد من الاعضاء

صحيح كل كلمة حكيتيها ياسمين
بس سؤال عشان انحرك الموضوع اكثر
برائيك البنت المصابة بضعف الشخصية بتكون عارفة حالها ضعيفة ولا كمان مش حاسة بحالها ؟

خليل صالح كتب:: البنات ضعيفات رقيقات اي شيء يؤثر فيهم وانا اقول اذا احبت الفتاه فانها تعطي من الحب الكثير وفي متل هذه الحالات الشاب يصيبه الغرور ويحاول ان يكون المسيطر
فهنا نحدر الفتيات منعدم تسليم زمام الامور للشاب
بالعربييييييييييييي
لا تسلميلو الريموت كنترول

جزاك الله الف خير على النصيحة
اخ خليل برائيك ليش الشب بحب يتحكم بالبنت هل هو كمان بحمل لمرض معين في شخصيتة مثلا

Jasmine collar كتب:: في بنات مع الاسف مسلمين الريموت و الريسيفر كله

تحولوا لدمية بيد الشباب على قد ما هم مسيطرين عليهم

طيب شو الحل برائيك للبنت المحكومة ولا ما في الها اي حل لمرضها

theredrose كتب:: البنت ضعيفة لانها بتكون بحاجة لحنان وحب وكلمات غزل وعشان الشب بوهمها بالخوف عليها والغيرة عليها ويعطيها من الكلام المعسول بصير عندها ضعف وبتخاف تخسره وعشان هيك بصير يتحكم فيها ويعرف نقطة الضعف الي عندها

يعني الشب بستغل انة البنت بحاجة لحنان و ببلش معها على ها الوتر و ممكن بالبداية يبلش فيها بالمديح عشان يكون اله باب للسيطرة عليها

jistcoirbid كتب:: اجدت اخي سام بطرح هذا الموضوع ,
نحن بشر ذكر او انثى وطبيعة البشر من اسرار الكون مقدمتي هذه اتت تعليقاً على كلمتان اوردتهما اخي سام في بادية الموضوع الا وهما شريف الشرفاء !! هنا اوقفني هذا لأجد نفسي بالتصدي لعنوان تلك الكلمتان الا وهو الذكر مع ان يجب ان تكون مردفة بكلكمة والعكس صحيح اي للانثى والذكر معاً.
اما استحواذ عضو على عضوة اخرى في المنتدى هذا يأتي بنا الى مساقات كثيرة جداً لا يمكن حصرها بوقت قصير منها وضع العضو داخل اسرتة والحياة الاسرية التي يعيش معاملته مع اهله وبالعكس وامور كثيرة جداً وهذا كله ينتج لدينا عضو لايمكن ان تتأكد لنا صورتة الاخلاقيه والنفسيه وغيرها بالكامل من خلال تواجده بالمنتدى وردودة وتعليقاته الى اخره كذلك ينطبق ذلك على العضوة .
تحياتي

كلامك صحيح هشام و على فكرة ممكن تكون الحالة عكسية بس بالحقيقة حالات نادرة تقدر البنت تسيطر على الشب لانه هو بستغل نقاط معينة في شخصية البنت

انا متفقه معك اخي كلامك مئة بالمئة بس اريد تعقيب بسيط على كلامك
البنت دائما تبحث عن الحنان والحب واذا بادلها الشب اكيد رح تميل له
لانها بكل بساطه غبية مع احترامي للبنات وانا منهم

اولا كل عام و انتم بيخير جمعيا وشكرا لسام على الموضوع الساخن الحلو خوصوصا بعد الفطور زاي القطايف...الله يعطيك العافية .
من وجهه نظري المنتديات هي مواقع للتعارف على الآراء و ليس على الشخصيات والدليل انك ممكن تدخل على المنتدى باي اسم وبأي شخصية مبدئيا بيكون نازل علشان يشارك وجهة نظره مع الناس يعني عارف انه لازم يستخدم عقله ومرات جنانه بس بالتأكيد مش قلبه. وبعدين مابأمن انه في شب ممكن يسيطر على بنت إلا إذا هي حضرتها جايه على المنتدى بالأصل مشان حدا يسيطر عليها او العكس. مافي فرق كبير بين الشب او البنت من حيث حب السيطرة اذا زالت عن قلوب اقنعتها. بعدين لا أوافق بالمره مع من يقول ان الشب اللي بيسيطر على بنت بيكون تافهه إلا اذا كانت هي مثله او اكثر حتى منه من هاي الناحيه. اما اذا قدر فعلا يسيطر على بنت رزينة وعاقلة وما شالله عليها فمعناته فيه اشي فعلا جميل و مميز قدر من خلاله يسطير عليها مع اني استبعد امكانية حدوث هذا من خلال منتدى لتبادل الاراء ممكن بس صعب نوعا ما...
ذبحتو ا قلبي و خليتو ا دموعي تنزل على ضحايا حب المنتديات ... الله يسامحكو تالي هالليل هههههههههههههه

ليش الشب بعمل حالة غيران على البنت و بتحكم بسلوكها في المنتدى

» أيهما أسعد البنت ولا الشب؟
» الفرق بين جواب البنت وجواب الشب
» صحاب الشب ... احسن من صاحبات البنت
» عزيزي الشب اللي بتحكيلك البنت
» شوفوا حالة البنت لاقالوا لها جاكِ عريس