ليش الشب بعمل حالة غيران على البنت و بتحكم بسلوكها في المنتدى

ليش الشب بعمل حالة غيران على البنت في المنتدى

قضية للنقاش

بلاحظ كثير من الشباب بس يتعرف على بنت في منتدى اول خطوة بقوم فيها بعمل حالة زعلان منها و بعمل حالة شريف الشرفاء قدامها
و بطرق متعددة ممكن يعمل نفسة غيران عليها لانها بتحكي مع شباب بالمنتدى و هو طبعا بكون مقهور لانة شخصية تافهة بحب النجومية و بفكر
انة ممكن يصير نجم بهل طريقة او احيانا بصير يتزعول بحجة تطنيش البنت و طبعا البنت اكيد قلبها رقيق و مسكينة و بتصدق انه ممكن يكون هل
شب بحبها او في شعور تجاها او هو خايف على مصلحتها و هو بالاصل بكون مقهور من شب ثاني بحكي معها و بدة يخرب كل علاقات هل بنت عشان حسدة لنجاح هل مسكينة
بالمنتدى و هو بكون متقن الدور بانة اشرف رجل على الارض >>> لاحضو اني بتكلم عن قضية ضعف شخصية البنت
يعني الخلاصة
مداخل الشب للسيطرة على شخصية البنت هي
بعمل حالة غيران عليها او بعمل حالة خايف عليها او على مصلحتها او من باب الشفقة انة البنت مطنشيتة بالمنتدى و هو يحرام كثير بكون سائل فيها
و من ناحية اخرى
ليش البنت شخصيتها ضعيفة و بتخلي الشب يتحكم فيها و يتحكم بسلوكها اثناء وجودها على النت و حتى ممكن يتحكم كمان بعلاقاتها و بمواضيعها و بردودها على الاعضاء


هل البنت سهل خداعها لهل درجة او انه استغلال الشب لحاجة البنت للحنان و العطف


قضية للنقاش و بانتضار ردودكم

ممكن توصل لهالدرجة ؟؟!! والله اذا اه هون لازم هالبنت تعيد النظر بدخولها لعالم النت مش بس للمنتدى

هى طبعا مش قاعدة اساسية
بس البنت بطبيعتها تميل للحنان والحب وخاصة ان كانت تفتقده فهى تبحث عنه فى اى مكان
وبالتالى تحاول بكل الطرق ان تحافظ عليه حتى لا يضيع منها وتبدأ فى البحث من جديد

هيك حال شبابنا جميعا وبس يتعرفو على بنت بحبو يسيطرو عليها ويتحكمو فيها مش بس على النت بكل حياتها وبحبو يمارسو اصناف التحكم وطبعا كله برجع لضعف شخصية البنت وتنازلها وسهولتها

مو لازم البنت تخلي شب يخدعها ويتحم فيها مهما كان

بس شبابنا صاروا يعرفوا نقطة الضعف لدى البنت هي الغيره والحب وبكلام كتير بخدعها بس البنت لازم تكون الها شخصية داخل النت وخارجه حتى ما حد يتحكم فيهاواحتمال على النت تكون بتحس انه مسكين وبتحاول تساعده

majdcs كتب:

ممكن توصل لهالدرجة ؟؟!! والله اذا اه هون لازم هالبنت تعيد النظر بدخولها لعالم النت مش بس للمنتدى

انا كثير بلاحظ هل شغلة و في سيطرة كبيرة بتكون لدرجة انة البنت ممكن تترك المنتدى الي هيه فية عشان ترضي رغبات الشب
في السيطرة عليها و جعلها اداة لمتعتة الشخصية

Princess كتب:

هى طبعا مش قاعدة اساسية
بس البنت بطبيعتها تميل للحنان والحب وخاصة ان كانت تفتقده فهى تبحث عنه فى اى مكان
وبالتالى تحاول بكل الطرق ان تحافظ عليه حتى لا يضيع منها وتبدأ فى البحث من جديد

طبعا اميرة هي مش قاعدة اساسية بس الحالة موجودة
طيب ما هي بتقدر تحب بس بدون ما تكون زي الريموت كنترول بيد شخص ثاني و تكون الها شخصيتها المستقلة
هو بنفعش الحب غير لما تكون محكومة و لعلمك الي انا بحكي فية مرات ما بكون في بينهم اصلا حالة حب ممكن تكون صداقة عادية

theredrose كتب:

هيك حال شبابنا جميعا وبس يتعرفو على بنت بحبو يسيطرو عليها ويتحكمو فيها مش بس على النت بكل حياتها وبحبو يمارسو اصناف التحكم وطبعا كله برجع لضعف شخصية البنت وتنازلها وسهولتها

عجبتني مداخلتك وعد
طيب ليش البنت ضعيفة و ما بتقدر اتميز و بتنخدع بالشب بسهولة

معقول بصير بالمنتديات متل هاي الحالة


وبالاحرى بصير في منتدى اربد
الغلط اولا واخيرا على البنت لانه مهما كانما في شب بغار على بنت ما بعرفها واذا بغار عليها ليش بحاكيها في المنتدى

بصراحة الامر بيرجع للبنت نفسها البنت اللي قد حالها و شخصيتها قوية ما بتخلي مين ما كان يتحكم فيها

بصراحة انا بسمع كتير قصص من هالنوع في شباب بتوصل درجة تحكمهم بالبنت انه بيفرض عليها شو تحكي و شو تعلق و شو تردو شو تنزل مواضيع وشو نوعية المواضيع اللي تنزلها
وازا هو بيميل لشخص هي لازم تميل اله وازا بيكره شخص هي لازم تكرهه وبيحولها لكبش فداء


هو بهيك بيكون منه بيتسلى وبيضيع وقت ومنه بيشبع غروره و رغبته في الانتقام من الناس وهي بالنهاية الخاسر الوحيد لانها بتكون خسرت نفسها و استقلاليتها و بيزيد عليها النقد من الاعضاء

اللهم اعنا على ذكرك وشكرك وحسن عبادتك
اللهم اعنا على الصلاة والصيام والقيام وغض البصر وحفض اللسان
كل عام وانتم بالف خير

البنات ضعيفات رقيقات اي شيء يؤثر فيهم وانا اقول اذا احبت الفتاه فانها تعطي من الحب الكثير وفي متل هذه الحالات الشاب يصيبه الغرور ويحاول ان يكون المسيطر
فهنا نحدر الفتيات منعدم تسليم زمام الامور للشاب
بالعربييييييييييييي
لا تسلميلو الريموت كنترول

في بنات مع الاسف مسلمين الريموت و الريسيفر كله

تحولوا لدمية بيد الشباب على قد ما هم مسيطرين عليهم

اكبر غلط انه الواحد يسلم نفسه لمين كان حتى ولو الغالي اخت ياسمين

طبعا اخي

الاستقلالية و قوة الشخصية من اهم صفات الانسان الناجح

البنت ضعيفة لانها بتكون بحاجة لحنان وحب وكلمات غزل وعشان الشب بوهمها بالخوف عليها والغيرة عليها ويعطيها من الكلام المعسول بصير عندها ضعف وبتخاف تخسره وعشان هيك بصير يتحكم فيها ويعرف نقطة الضعف الي عندها

اجدت اخي سام بطرح هذا الموضوع ,
نحن بشر ذكر او انثى وطبيعة البشر من اسرار الكون مقدمتي هذه اتت تعليقاً على كلمتان اوردتهما اخي سام في بادية الموضوع الا وهما شريف الشرفاء !! هنا اوقفني هذا لأجد نفسي بالتصدي لعنوان تلك الكلمتان الا وهو الذكر مع ان يجب ان تكون مردفة بكلكمة والعكس صحيح اي للانثى والذكر معاً.
اما استحواذ عضو على عضوة اخرى في المنتدى هذا يأتي بنا الى مساقات كثيرة جداً لا يمكن حصرها بوقت قصير منها وضع العضو داخل اسرتة والحياة الاسرية التي يعيش معاملته مع اهله وبالعكس وامور كثيرة جداً وهذا كله ينتج لدينا عضو لايمكن ان تتأكد لنا صورتة الاخلاقيه والنفسيه وغيرها بالكامل من خلال تواجده بالمنتدى وردودة وتعليقاته الى اخره كذلك ينطبق ذلك على العضوة .
تحياتي

بعتقد ان الحب استسلام
والبنت اللى بتكون جديدة فى الحب والنت ما بتقدر تفرق بين الحب والخداع
وهى بتكون فى حالة ريموت كنترول عشان ترضى الطرف الاخر ولو كان حتى صديق
بطبيعة الحال اى كلمة حلوة بتخلى البنت تضعف وتنجذب لاى كلمة حلوة وتستلم حتى تسمعها مرة تانية

theredrose كتب:

البنت ضعيفة لانها بتكون بحاجة لحنان وحب وكلمات غزل وعشان الشب بوهمها بالخوف عليها والغيرة عليها ويعطيها من الكلام المعسول بصير عندها ضعف وبتخاف تخسره وعشان هيك بصير يتحكم فيها ويعرف نقطة الضعف الي عندها

يا سلام عليك هاد هو لب الموضوع

استغلاله لنقطة ضعفها

ما شاء الله صار ردود كثير

جاري قراة الردود اولا

jistcoirbid كتب:

اجدت اخي سام بطرح هذا الموضوع ,
نحن بشر ذكر او انثى وطبيعة البشر من اسرار الكون مقدمتي هذه اتت تعليقاً على كلمتان اوردتهما اخي سام في بادية الموضوع الا وهما شريف الشرفاء !! هنا اوقفني هذا لأجد نفسي بالتصدي لعنوان تلك الكلمتان الا وهو الذكر مع ان يجب ان تكون مردفة بكلكمة والعكس صحيح اي للانثى والذكر معاً.
اما استحواذ عضو على عضوة اخرى في المنتدى هذا يأتي بنا الى مساقات كثيرة جداً لا يمكن حصرها بوقت قصير منها وضع العضو داخل اسرتة والحياة الاسرية التي يعيش معاملته مع اهله وبالعكس وامور كثيرة جداً وهذا كله ينتج لدينا عضو لايمكن ان تتأكد لنا صورتة الاخلاقيه والنفسيه وغيرها بالكامل من خلال تواجده بالمنتدى وردودة وتعليقاته الى اخره كذلك ينطبق ذلك على العضوة .
تحياتي

بس هشام كلنا النا ظروفنا هاد ما بيعني انه نترك مجال لمين من كان يتحكم فينا

وفي ناس بيدعي المثل و الاخلاق ادعاء حتى يوهم البنات و يغرر فيهم

kingsam كتب:

ما شاء الله صار ردود كثير

جاري قراة الردود اولا

لانه الموضوع حساس جدا و كتير بيصير بس قلائل عندهم الجرأة على طرحه

بحييك سام

دلع المنتدى كتب:

مو لازم البنت تخلي شب يخدعها ويتحم فيها مهما كان

بس شبابنا صاروا يعرفوا نقطة الضعف لدى البنت هي الغيره والحب وبكلام كتير بخدعها بس البنت لازم تكون الها شخصية داخل النت وخارجه حتى ما حد يتحكم فيهاواحتمال على النت تكون بتحس انه مسكين وبتحاول تساعده

كلامك صحيح و المفروض ما تفتح اي مجال للشب بالتدخل بشؤنها لانه لو فتحت الباب بتصير زي اللعبة بين ايدية
و بتصير انسانة عديمة الفائدة هي و قلتها واحد لانها بتصير اتمثل شخصية المتحكم بها
و هو بصير يحددلها مع مين تحكي و مع مين ما تحكي و حتى بيصير يتحكم بتعليقاتها و مواضيعها و اي تصرف ما بعجبة بصير يتزعول على الطالعة و النازلة
و عشان هيك هيه من البداية ما تفتح المجال و انا بايدك بكلامك

دلع المنتدى كتب:

معقول بصير بالمنتديات متل هاي الحالة
وبالاحرى بصير في منتدى اربد
الغلط اولا واخيرا على البنت لانه مهما كانما في شب بغار على بنت ما بعرفها واذا بغار عليها ليش بحاكيها في المنتدى

لا انا ما حددت بس بشكل عام بصير بكل المنتديات او لنحكي المواقع الاجتماعية
بس السؤال لو كانت البنت مصابة بهل مرض و انا بعتبرة مرض ضعف الشخصية بتكون قادرة على التخلص من هذا الشخص ولا خلص حالة ميؤس منها

Jasmine collar كتب:

بصراحة الامر بيرجع للبنت نفسها البنت اللي قد حالها و شخصيتها قوية ما بتخلي مين ما كان يتحكم فيها

بصراحة انا بسمع كتير قصص من هالنوع في شباب بتوصل درجة تحكمهم بالبنت انه بيفرض عليها شو تحكي و شو تعلق و شو تردو شو تنزل مواضيع وشو نوعية المواضيع اللي تنزلها
وازا هو بيميل لشخص هي لازم تميل اله وازا بيكره شخص هي لازم تكرهه وبيحولها لكبش فداء


هو بهيك بيكون منه بيتسلى وبيضيع وقت ومنه بيشبع غروره و رغبته في الانتقام من الناس وهي بالنهاية الخاسر الوحيد لانها بتكون خسرت نفسها و استقلاليتها و بيزيد عليها النقد من الاعضاء

صحيح كل كلمة حكيتيها ياسمين
بس سؤال عشان انحرك الموضوع اكثر
برائيك البنت المصابة بضعف الشخصية بتكون عارفة حالها ضعيفة ولا كمان مش حاسة بحالها ؟

خليل صالح كتب:

البنات ضعيفات رقيقات اي شيء يؤثر فيهم وانا اقول اذا احبت الفتاه فانها تعطي من الحب الكثير وفي متل هذه الحالات الشاب يصيبه الغرور ويحاول ان يكون المسيطر
فهنا نحدر الفتيات منعدم تسليم زمام الامور للشاب
بالعربييييييييييييي
لا تسلميلو الريموت كنترول

جزاك الله الف خير على النصيحة
اخ خليل برائيك ليش الشب بحب يتحكم بالبنت هل هو كمان بحمل لمرض معين في شخصيتة مثلا

Jasmine collar كتب:

في بنات مع الاسف مسلمين الريموت و الريسيفر كله

تحولوا لدمية بيد الشباب على قد ما هم مسيطرين عليهم

طيب شو الحل برائيك للبنت المحكومة ولا ما في الها اي حل لمرضها

theredrose كتب:

البنت ضعيفة لانها بتكون بحاجة لحنان وحب وكلمات غزل وعشان الشب بوهمها بالخوف عليها والغيرة عليها ويعطيها من الكلام المعسول بصير عندها ضعف وبتخاف تخسره وعشان هيك بصير يتحكم فيها ويعرف نقطة الضعف الي عندها

يعني الشب بستغل انة البنت بحاجة لحنان و ببلش معها على ها الوتر و ممكن بالبداية يبلش فيها بالمديح عشان يكون اله باب للسيطرة عليها

jistcoirbid كتب:

اجدت اخي سام بطرح هذا الموضوع ,
نحن بشر ذكر او انثى وطبيعة البشر من اسرار الكون مقدمتي هذه اتت تعليقاً على كلمتان اوردتهما اخي سام في بادية الموضوع الا وهما شريف الشرفاء !! هنا اوقفني هذا لأجد نفسي بالتصدي لعنوان تلك الكلمتان الا وهو الذكر مع ان يجب ان تكون مردفة بكلكمة والعكس صحيح اي للانثى والذكر معاً.
اما استحواذ عضو على عضوة اخرى في المنتدى هذا يأتي بنا الى مساقات كثيرة جداً لا يمكن حصرها بوقت قصير منها وضع العضو داخل اسرتة والحياة الاسرية التي يعيش معاملته مع اهله وبالعكس وامور كثيرة جداً وهذا كله ينتج لدينا عضو لايمكن ان تتأكد لنا صورتة الاخلاقيه والنفسيه وغيرها بالكامل من خلال تواجده بالمنتدى وردودة وتعليقاته الى اخره كذلك ينطبق ذلك على العضوة .
تحياتي

كلامك صحيح هشام و على فكرة ممكن تكون الحالة عكسية بس بالحقيقة حالات نادرة تقدر البنت تسيطر على الشب لانه هو بستغل نقاط معينة في شخصية البنت

شكرا الك كتير يا كنغ وشكرا على الانتقاد الحلو على شخصيتي ما قصرت

دمحمد كتب:

دائما ساااااام بدخل مواضيعك الساخنه متأخر

أكيد مالي حظ بالمنتدى هههههههههههههه

والكل مطنشني .

مو مشكله ... خلنا بقضيتك

القضية : لو ما في صبايا بالمنتدى أكيد ما رح يكون ولا شب موجود غيرك

والعكس .. لو ما في شباب ما لقيت صبايا ... هذا صراع عرقي من قدم الأزل نحو أثبات الوجود.

وأنا شايف أنه محاولات الشب البائس فاقد الحنان في أستمالت قلب فتاة بهذه الطريقة

>>> الثقالة والرزانه والخوف على المصلحة الخاصة للبنت والزعوله على قولتك >>>>>

ما هو ألا دليل على ضعف شخصية بالشب والبنت أذا مصدقة الشب .

ليش ؟؟؟

أذا كان الشب بعمل هيك فهو معجب بتوقيع البنت أو الصورة الموجودة بالبروفايل وممكن يكون التوقيع ما بعكس الواقع
وكذالك البنت أذا بادلته نفس الشعور ... وهذا زيف واضح بالمشاعر قد يؤدي بعواقب وخيمة

فأحذروا يا صبايا
وأحذروا يا شباب

وكونوا شباب واعيين ومثقفين ولا فرق بين شب وفتاة في منتدى لانه بالنهاية تواصل محدود.

وأي علاقة بين شاب وفتاة تدخل فيها مشاعر ولا تتطور لزواج فهي حماقة بحت ومضيعة للوقت

وسلامي للجميع

اهلا فيك دكتور
بالعكس انت مش متاخر الموضوع نزل من ساعة تقريبا بس علية اقبال واضح و يمكن السبب هو شعور الاغلبية بوجود هل ظاهرة في المواقع الاجتماعية
مداخلتك التحليلية رائعة جدا بس سؤال في صلب مداخلتك
لو بنت محكومة من شب و قرات هل موضوع ممكن هل موضوع يغيرها مثلا ولا خلص زي الي متلبسها جني ههههههههههه
و سؤال ثاني
البنت المحكومة ممكن تعرف بانها ضعيفة الشخصية ولا ما بتشعر بانها محكومة و بتلبي رغبات الشب الحاكم عليها بدون ما تشعر انها محكومة ؟

اجابة على سؤال هل انه بتعرف انه شخصيتها ضعيفة او لا

لا هي بتعرفش لو بتعرف ما كان سمحتله و الدليل انه عماله بيتحكم فيها وهي مش واعية لحالها انها تابع اله

و الحل لانهاء هاد الاستملاك و السيطرة انه البنت تتوعى ومش غلط ازا شفنا حالة معينة بتعز علينا ناخدها على جنب ونفهمها اللي هي فيه ونعرفها فلان هاد اللي مسيطر عليها شو هو من البشر

Jasmine collar كتب:

اجابة على سؤال هل انه بتعرف انه شخصيتها ضعيفة او لا

لا هي بتعرفش لو بتعرف ما كان سمحتله و الدليل انه عماله بيتحكم فيها وهي مش واعية لحالها انها تابع اله

و الحل لانهاء هاد الاستملاك و السيطرة انه البنت تتوعى ومش غلط ازا شفنا حالة معينة بتعز علينا ناخدها على جنب ونفهمها اللي هي فيه ونعرفها فلان هاد اللي مسيطر عليها شو هو من البشر

انا بخالفك للراي لانه بما انه مسيطر عليها لا يمكن تتقبل من اي شخص النصيحة و ممكن يتحول كمان لهجوم قوي لانها مش بالساهل تعترف انها محكومة
و مسيطر عليها او لنحكي انها مخدوهة الا اذا اكتشفت هذا الشخص من خلال موقف او صار الها توعية بطريقة غير باشرة مثل هل موضوع الي بنحاول فيه انوعي كل اخواتنا
من الاعضاء و الزوار الي رح يشوفو هل تعليقات

طيب فلنفرض انه احدى زائرات عالم اربد دخلت هل موضوع و كانت من ضعاف الشخصية او لنخكي انها مخدوعة كيف ممكن تكتشف خداع هذا الشخص
هل هنالك طريقة ذكية ياسمين ؟

دمحمد كتب:

متلبسها جني ههههههههههههههههههههههه فقعتني من الضحك يا شيخ

بالرقية الشرعية والنصيحة بترجع لوعيها وتتعافه ههههههههههههههه

المهم :

أن وجد هذا الشئ في أي منتدى فأعتقد بعد ظهور كل هذه التعليقات بات الأمر واضح وجلي للعيان
وأنكشف المستور ومن الحماقة الاستمرار فيه .

حاجة الفتاة للحنان والعطف والحب هذا أمر لا يدل على ضعف بالشخصية
بل على العكس هو أساس شخصية الفتاة ولا تكون فتاة أصلا من دون هذه الصفة .

الأمر يعود للأحمق الذي يستغل هذه الأمور فأن دل هذا التصرف على شئ
فهو يدل على مرض نفسي من جهة الشب مع كل الأحترام[/center]

هههههههههههههههههههههه بالرقية الشرعية و البخور

اكيد هذا هدفنا من خلال مواضيعنا و من خلال منتدانا كشف المستور و التوعية
و اكيد الحنان و العطف هي موجودة في جينات كل بنت و ذكرنا انة الشب بستغل هاي النقاط
و بحولها من بنت قوية الي بنت ضعيفة و طبعا بالطرق الي انذكرت و هيه ان كل شوي بتزعول منها عشان يضل شاغل و قتها و هي تحاول ترضية
و بايدك بكلامك هو من الحماقة الاستمرار و من استمرت في هذا فتستحق كل ما يجري لها

مرحبااااا
انا برأيي انو البنت دائما ضعيفه يعني اضعف من الشب اذا حبت لانها بتحب صح
اي بتعطي كل ما عندها لترضي الشب كيف عاد لو يكون الشب بغار عليه وعامل حالو سوبر مان
اكيد بدها اترد عليه لانو بتحس حالها ما في حد قدها



بغض النظر عن بعض الشباب اللي بتلاقيه رامي حالو على البنت وهيا عاملاه متل الممسحه روح هون وتعال من هون
يعني في بنات قويات ومتسلطات على الشباب وفي بنات ضعيفات وبستسلمو بسهوله

يعني اذا كان احد الشخصين ضعيف فأكيد الشخص التاني بدو يكون الاقوى...........


مشكور سام على مواضيعك الرائعه...................

kingsam كتب:

Jasmine collar كتب:

اجابة على سؤال هل انه بتعرف انه شخصيتها ضعيفة او لا

لا هي بتعرفش لو بتعرف ما كان سمحتله و الدليل انه عماله بيتحكم فيها وهي مش واعية لحالها انها تابع اله

و الحل لانهاء هاد الاستملاك و السيطرة انه البنت تتوعى ومش غلط ازا شفنا حالة معينة بتعز علينا ناخدها على جنب ونفهمها اللي هي فيه ونعرفها فلان هاد اللي مسيطر عليها شو هو من البشر

انا بخالفك للراي لانه بما انه مسيطر عليها لا يمكن تتقبل من اي شخص النصيحة و ممكن يتحول كمان لهجوم قوي لانها مش بالساهل تعترف انها محكومة
و مسيطر عليها او لنحكي انها مخدوهة الا اذا اكتشفت هذا الشخص من خلال موقف او صار الها توعية بطريقة غير باشرة مثل هل موضوع الي بنحاول فيه انوعي كل اخواتنا
من الاعضاء و الزوار الي رح يشوفو هل تعليقات

طيب فلنفرض انه احدى زائرات عالم اربد دخلت هل موضوع و كانت من ضعاف الشخصية او لنخكي انها مخدوعة كيف ممكن تكتشف خداع هذا الشخص
هل هنالك طريقة ذكية ياسمين ؟

هي رح تكابر و تنفي لكن داخليا بتكون عرفت حالها قديش هي ضعيفة وخدوعة بس صعب تعترف

طرق كتير و انت ذكرتها بالموضوع

الشب المخادع اله صفات معينة لا تخفى على احد تاخد هالصفات وتحط الشخص اللي مسيطر عليها بالميزان وتشوف :

عندك متلا بيضل يدعي المثالية على طول و شوي بيوصل لدرجة الكمال الا شوي
كتير بيمدح بحاله وبيستعرض بطولاته الخارقة وانه مش مخلي الاخ
بيظهر دائما بمظهر المظلوم و المغلوب على امره و انه العالم كلها ضده لانه انسان منيح
توجيه النصائح والارشادات اللي هو اصلا ما بحياتها عملها
ملاحقة كل شي فيه (ــة ) ههههههههههههههههه كل شي مؤنث يعني
التظاهر بإنه انسان بيخاف الله و كل هدفه النصح و الغيرة

الحق مش عالشاب الحق عالبنت يلي بتسمح لمين من كان تمادى معها ويعطي نفسه الحق يتحكم فيها و يلغي شخصيتها

في بنات يتنازلوا عن شخصيتهم من اجل الشب و هاد الشي غلط اذا ما كانت تقيلة ما بينفع الحكي ترجع لشخصية البنت و بشو تفكر و هي تسمح لحد يتحكم فيها او لا

موضوع رائع كنج

ما اعجبتني ردود بنات المنتدى ومحاولة بائسة لتحسين الصورة
وفيها مبالغة وتمويه مخالف للطبيعة

ردود الشباب هي دبلوماسية ومحلولة اكثر بؤسا للدفاع عن لا شي

حياكم

mayar كتب:

الحق مش عالشاب الحق عالبنت يلي بتسمح لمين من كان تمادى معها ويعطي نفسه الحق يتحكم فيها و يلغي شخصيتها

و اهم اشي تكون واعية لحركات الشباب و خصوصا لما الشب يحاول يلمع نفسة و يعمل حالة بطل الابطال

klam555 كتب:

في بنات يتنازلوا عن شخصيتهم من اجل الشب و هاد الشي غلط اذا ما كانت تقيلة ما بينفع الحكي ترجع لشخصية البنت و بشو تفكر و هي تسمح لحد يتحكم فيها او لا

لا كلام انتي خلطتي الامور ببعضها
موضوع الحب اشي ثاني و مختلف عن الي بنحكي فية

hotmail كتب:

موضوع رائع كنج

ما اعجبتني ردود بنات المنتدى ومحاولة بائسة لتحسين الصورة
وفيها مبالغة وتمويه مخالف للطبيعة

ردود الشباب هي دبلوماسية ومحلولة اكثر بؤسا للدفاع عن لا شي

حياكم

و مداخلاتك دائما رائعة و مشوقة و خصوصا اسلوبك في التعليق

طيب بفهم من كلامك انه كمان بنات المنتدى عندهم قابلية انهم ينخدعو او حد يسيطر عليهم

ارجو منك التوضيح

hotmail كتب:

موضوع رائع كنج

ما اعجبتني ردود بنات المنتدى ومحاولة بائسة لتحسين الصورة
وفيها مبالغة وتمويه مخالف للطبيعة

ردود الشباب هي دبلوماسية ومحلولة اكثر بؤسا للدفاع عن لا شي

حياكم

للطبيعة و الا للواقع ؟؟

بنتظر جواب جاسم على سؤالك سام
بس بنات المنتدى في اي منتدى ؟

اذا الشخص مو واثق بحالوا بطلع منو هيك اشيا، :( :oops: هههههههههههههههههههه

انا شايف الكل حاطين الحق كله على البنت انها شخصيتها ضعيفه ولازم تكون حريصه
ليش ما توجهو كلام للشب اللي بكون مثل ما تفضلتو شخصيه ضعيفه وانا بقول مريضه مش ضعيفه
معروف عن البنت او جنس حوى كله بتحكم فيه المشلعر مش العقل


ليش ما يكون في كلام موجه للشباب ضعاف الشخصيه؟؟؟
وبنفس الوقت توعيه للبنات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
its just my opinion anyway

لانه الغلط يا عقيد دايما من البنت مش من الشب

يعني الشب برايك مش غلطان اذا عمل هيك

يعني ماشيين على مبدأ القانون يعاقب المغفلين بس

القانون لا يحمي المغفلين ما دام الشب مريض ليش تقرب البنت من المرضى وين عقلها ؟.

عقيد الشات كتب:

انا شايف الكل حاطين الحق كله على البنت انها شخصيتها ضعيفه ولازم تكون حريصه
ليش ما توجهو كلام للشب اللي بكون مثل ما تفضلتو شخصيه ضعيفه وانا بقول مريضه مش ضعيفه
معروف عن البنت او جنس حوى كله بتحكم فيه المشلعر مش العقل


ليش ما يكون في كلام موجه للشباب ضعاف الشخصيه؟؟؟
وبنفس الوقت توعيه للبنات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
its just my opinion anyway

لانة الشب لو شو ما تحكيلة ما ببطل عادتة

يعني لو قلت لواحد نسونجي بطل اضحك على بنات الناس بالك برد علينا

و الكلام موه للبنت لانها هية الضحية

والله الأمر برجع للبنت وشخصيتها ولازم البنت تكون قد حالها لأنك إن لم تكن قويا أكلتك الذئابة <الذئب البشري> وإزا البنت استسلمت لشب فبدل على ضعف شخصية وانها عايشة في جو عائلي ما بسودة الحب والحنان

ليه بنقول ان الولد هو بس اللى كده

كمان فى بنات بتتعرف على شباب من خلال النت
وبتحاول تتعرف عليه ةترسم عليه الاحلام الوردية عشان يتقرب منها
وبعدين تبدأ فى استغلاله
طيب انا سمعت عن واحدة تعرفت على واحد من خلا ل النت وبدأت بعد فترة تقوله مش انا خطيبتك طيب ابعتلى مصروفى فين العيدية وفين وفين
والله العظيم وبيبعتلها بدون ان يكون فى شئ بينهم
لأ
ولماتسأله عن متى سينزل ليخطبها
بيتهرب
وهى عارفة وبتقول يلا انا المستفادة

صح في حب من اول نضره بس اكيد ما في حب من اول كبسة enter

هههههههههههههههه
عجبتني هاي جديده
من اول كبسه
هههههههههههههههههههههههههههههههههههههه

طبعا لكل قاعدة شواذ وفي بنات بستغلو الشباب كمان وبمثلو دور الغيرة والحب وتوصيل لهدف معين ومرات بعيشو الدور على الاخر

hotmail كتب:

موضوع رائع كنج

ما اعجبتني ردود بنات المنتدى ومحاولة بائسة لتحسين الصورة
وفيها مبالغة وتمويه مخالف للطبيعة

ردود الشباب هي دبلوماسية ومحلولة اكثر بؤسا للدفاع عن لا شي

حياكم

مش عارفة لكن حاسة حالي مش فاهمة القصد ههههههههههههههه

طيب اي صورة اللي فشلت بنات المنتدى بتحسينها وتخللتها المبالغة والتمويه ؟؟!! وشو هو الطبيعي برأيك

جاسم انتقدت اراء الصبايا والشباب سوا وما اعرفنا رأيك