موضوع: العرس الاردني بكل عاداته وفي المنتدى 26/2/2011, 17:39
تذكير بمساهمة فاتح الموضوع :
مساؤكم / صباحكم ورد وفل وريحااااااااااااااااااان قبل ما ابدا باي شي اول شي هالعرس معزوم عليه كل المنتدى وما بدي احدد اسماء لحتى ما أنسى حد لهيك راح اذكر اسماء الاشخاص الي اتبرعوا يساعدوني ببعض العادات والتقاليد وبتمنى من الجميع ينبسط معنا واي حد حابب يضيف أي عادة او أي شي يا حياه الله هالموضوع للجميع بلا استثناء وطبعا اخوتي تم اختيار العريس اخونا رائد وهو من الاعضاء النشيطين والعروس هي انثى المطر حابه اخبركم انه اختياري لهالشخصين ما اجا عبث العريس عضو والعروس ادارية وهاد دليل لحتى نثبت للجميع انه هون عندنا الكل واحد وما فيه فرق بين أي عضو اوا اداري الكل اخوة النا
رائد يما شلونك يا بنيّه طمني عنك كيف وضعك بالشغل مع ابوك يا هلا يما يا غااالية والله الحمد لله اموري عال العال وما ناقصني غير اكمل نص ديني ودي منك يمه تشوفي الي بنية حشمة من قرايبنا تكون زينة وبنت اخلاقها زينة وانا والله يمه ما ودي راتبها ولا شي ودي بنت حلال انا واياها نعيش على الحلوة والمرة انت يما اشر بيدك وتكرم عينك والله الي يتمننك كثار خليني اشوف خواتك ونشوف الك بنت حلال بعد يومين من المشاروات مع الاهل تم اختيار عروستنا الامورة انثى اه يمة ترى خواتك بقولن فيه بنت ابو محمد (انثى) بنية زينةوحلوة ومتكتكة ويش رايك والله يما زينة الاختيار اتوكلي على الله طيب يما لعاد خليني اخبر ابوك واخوانك ونكد الجاهة يوم الخميس اتصل ابورائد مع ابو محمد يسعد مساك يا اخوي والله تراني اليوم حاب اشرب عندك فنجان قهوة ويش رايك ابو محمد ابشر يا ابو رائد تحي اصلك الطيب شخص ابو رائد بالدشداش والعباية فوقها وزين خصره بالمسدس ولبسوا اخوان رائد وجهزوا حالهم اما رائد فعامل حاله مستحي ( ههههههههههه) لبس دشداش ابيض وعباية مقصبة سودة ومشى ورى الحج ابو رائد الله حيهم الضيوف الله حيهم من ممشاهم لملفاهم هات قهوة يا ولد لعمك الشيخ ابو رائد مسك ابو رائد الفنجان وحطه قدامه وقال الله يمسكم بالخير ترى قهوتك ما هي مشروبة قبل ما اطلع بطلبي وانا اخوك
تفضل واشربها انت ما تنرد يا ابورائد والله انك شيخ ولد شيوخ تفضل واشرب
تراني جيتك يا ابو محمد طالب القرب منك ببنتك المحروسة انثى النشمية الي كلها زين واخلاق وجمال لولدنا الكبير رائد وابشر بالي ودك اياه
له يا ابو رائد ما تعودنا نبيع بناتنا هذه بنتك وانا اخوك وتراها جتك عطية ما من وراها جزية ابشر وانا اخوك تراها جتك عطية ما من وراها جزية وقام احو رائد واعطاها صلية كلاشن لعاد الخميس الجاي يكون العرس ودنا نفرح بيهم على البكير ونشوف عيالهم
( طبعا ممنوع العريس يشوف العروس بس عروستنا طلت من الباب وشاف العريس الحلو) خخخخخخخخخخخخخخخخخخخخخخخخخخخخخخخخخ روح ابو رائد وخبر العشيرة كلها واجتمعوا عنده وبلشت الترتيبات ووزعوا الشغل على كل ولاد عمه لحتى الكل يساعد
طبعا الغداء مناااسف جهزت امه اللبن الجميد ووزعت طحين على كل الجارات لحتى الكل يشرك شرااااك ليوم الخميس وابو رائد وخوانه جهزوا بيوت الشعر وكل العدة اللازمة وهون قال ابوه انا الحين ارتحت والشغل الان على شباب المنتدى يلا يا نشامى هاذ اخوكم وفرجوني كيف فرحتكم بيه
سام وميدو وهشام ويوسف وكلمة حق والكل هدول اتبرعوا يعملوا كل شي ويجهزوا كل العدة الذبايح والسلخ والطبخ وبني البيوت وكل شي
بداية تم بناء البيوت وعلقت الاعلام الاردنية الي ترفع الراااس
[ندعوك للتسجيل في المنتدى أو التعريف بنفسك لمعاينة هذه الصورة] [size=21]وتم تجهيز 100 راس من الخرفان للذبح يوم الخميس وبناء ما يقارب 4 بيوت شعر كبيرة وتم تجهيز الكلاشن والميم 16 بالاضافة الى الذخيرة
خلينا الان نروح شوي عند العروس اهل العروس طبعا ما عليهم شغل سوى انهم جهزوا بنتهم ورتبوا كل اغراضها من ضمن الاغرااااض المدرقة والعصابة والعباية وشوية سمن بلدي وجميدات مونة للبيت يعني راحت ام العريس على بيت اهل العروس ودخلت واطمنت على عروستهم الي كانت خجلانة ووجهها احمر من كتر الخجل وسالت عنها وملت عيونها منها واعطتهم طبعا مصاري لحتى يكملوا جهاز العروس روحت ام رائد ولاقاها رائد على الباب بكل لهفة اه يمة طمنيني شلون عروستي ان شاء الله كويسة غمزت امه وقالت اله كلها كم يوم يا ولد وتكون بدارك على ويش مستعجل هههههههههههههههههههههههههههههه
اجا يوم الاربعاء وغزوا الشباب الرايات وبلشت من العصر الزغاريد بكل الحارة
يوم حناااء العروس الي هو قبل العرس بيوم تجمعت الصبيا عند العروس والليلة ليلة حناااء العروسة
سبل عيونه ومد ايده يحنونه وش هالغزال الذي راح ويصيدونه غزال شارد كيف أهله يتركونه وكل الصبايا اتحنن مع عروستنا القمر وهيك جهزت العروس وبلشت امهاتنا الغاليات يجهزوا الفتات للعشاء وكانت الفتات الرشوف والمجللة المغطية بالسمن البلدي
طبعا هذا عشاء لكل المعازيم الي قبل العرس ولعت الدبكة وشبكوا ابناء الاردن بقيادة ميدو والعريس قعدوه بنص البيت وهو بتفرج عليهم وعليم الله لولا العمر مسكه وخلاه قاعد كان وده يقوم يدبك ههههههههههه وطبعا رشاش ميدو والميم 16 ما وقفن يا عمي الشيخ ولد الشيوخ يطلع اله كل شي والله وميدو ولد شيوخ ابا عن جد لاخر الليل والزغاريد والطخ مولع بكل المنطقة
يوم الخميس يوم فرحة العرسان يوم كل واحد فينا بتمناه سواء شب او بنت يوم بتصير فيه اسرة ببيت واحد وببلشوا يبنوا بيتهم ويكونوا احلى اسرة عريسنا منور متل القمر لابس اجمل الملابس ورافع راسه لفوق لانه اليوم احلى ايام عمره بكل التاريخ بلشوا الشباب يجمعوا الذبايح وبلشت يجهزوا ناس كانت تذبح وناس تسلخ وناس تقطع اللحم الشغل كان منظم جدا وكل واحد عارف شغلته والكل مبسوط وبغنوا وهم بشتغلوا وكانهم كتلة نشاااط واكيد العريس قاعد ويتفرج ومبسوووط على الاخر مع الفجر كانت الذبايح جاهزة واللبن ممروس وجاهز
بلشت الناس تتجمع اهل العريس الكل بالاستقبال طبعا كان هناك بيتان بيت للصبايا وبين للشباب ونوارة الحفلة كلها وعد( طبعا ياعمي مغرورة خخخخخخ) بلشت تهاهي على الشباب وهم يدبكوا وخذوا شوفوا
أويها يوسف يا واحد اويها وهشام يا اثنين اويها والي ما تصلي على النبي اويها تفقد عينيها الثنتين
أويها بنات الاردن ما حدا يقدر يحاكيهن اويها يوكلن ويشربن ويطلعن في علاليهن اويها يا حسرتك يا الشب يوم تلاقيهن اويها يصفر لونك وما تقدر تحاكيهن
أويها ابناء الاردن يا عروق الشجر اويها يا مطلعين المال من تحت الحجر أويها حلفتكو بالله منهو شيخكو اويها شيخنا ابو حسين على الباشا حضر
اويهارائد لابس البدلة والبدلة منين شاريها اويها من حلب والشام والا من ضواحيها اويها واللي تدعي على البدلة وراعيها [size=16]اويها يموتوا غواليها واجي اعزيها
وطبعا الاغاني الوطنية كان الها الدور الاكبر
ميل عالراس الطاقية أردنية أردنية امه دعتله الي سجل واتجند بالعسكرية ميل عالراس الطاقية أردنية أردنية يا يابه اتعلمنا طباعك جيشك قلبك بين ضلاعك واحنا ترباية ذراعك نحلف ونصون الوصية ميل عالراس الطاقية أردنية أردنية يا أردن لايام الساعة بترابك مزروع زراعة حب الجيش رضعته رضاعة دخيلك يا البندقية دخيلك يا البندقية امه دعت اله الي سجل واتجند بالعسكرية اردني من اصلي وطيبي حطوني على الجرح يطيب تدروا من هو حبيبي جندي وعلى راسه على طاااقية ميل عالراس الطاقية اردنية اردنية
يا بيرقنا العالي عبدالله الثاني يا بيرقنا العالي حنا والله سيوفك يا دار اهلنا حنا والله سيوفك يا دار اهلنا هلا هلا هلا حيهم.... [ندعوك للتسجيل في المنتدى أو التعريف بنفسك لمعاينة هذه الصورة] يا بيرقنا العالي عبدالله الثاني يا بيرقنا العالي غالي والله غالي وشعبك يحبك غالي والله غالي عبدالله يا عقيد القوم راعي الهدلة الهاشمية يا وطنا عزك يدوم زغريتيله يا اردنية شباب ونتباهى بقايد وطنا شباب ونتباها وجاهتنا من جاهه والفارس منا شباب ونتباها بالزعتر والحنا وشمنا ترابك بالزعتر والحنا يا بلدنا حنا ارماجك على بوابك يا بلدنا حنا [ندعوك للتسجيل في المنتدى أو التعريف بنفسك لمعاينة هذه الصورة] حنا والله سيوفك يا دار اهلنا حنا والله سيوفك يوم الخيل نطوفك نار واشتعلنا حنا واله سيوفك يا نار مشبوبة بروس الاجبال يا نار مشبوبة والرايات منصوبة وراسانا عالي الرايات منصوبة على الخيل الاصايل حنا اتربينا على الخيل الاصايل مثل السيل وسايل جينا وهبينا مثل السيل السايل
حيو ســـــيدنا حيوه الأردن مـــــا في زيو دير بالك عبــــلادك بــــــــــالعلالي خليها زي ما بتحبولادك جـواة عيـونك خبيها قولوا الله قــــولواالله أردن حلو يا ماشا الله يا عماني ويا زرقـــــاوي ويامعاني ويا بلقاوي يا عقباوي ويا ربداوي ويا كـركي وياماداباوي يا طفيلي ويا عجلوني ويا جرشي ويا مفرقاوي أردنيــــــــــة هاشميةمملكتنا هيةهية هية الحب وهية الخير ودير بالك عليها
تقريبا مع الظهر كانت المناسف شبة جاهزة والشراك مشرك وجاهز اجا ابو رائد للشباب وقال عفي النشامى وان شاء الله نشارككم بفرحكم عفية ولاد بلدي والله يا هيك الصحبة يا بلا والله وذاق اللحمة لحتى يطمن لقيها مستوية والامور عال العال اجت طناجر الرز وكل حبة لحالها طبعا يا عمي طباخات الرز وكلام ومجوووود ونجوى وكل صبايا المنتدى وهن شاطرات وربات بيوت وقال ابو رائد الله حيهن النشميات الي طبخن الرز وامهاتنا كانن مجهزات الشراك وبعتناهم للشباب قال ابو رائد عشتوا يا عيال يلا ودنا الهمة قوية وعااالية وبلشوا قلطوا بالمنااااسف واوعك يا دمع تنقض بحطة اللحم وانا عمك ودي حطة ترفع الراس قال اله دمع له يا عم ابورائد والله ما يصير الا خاطرك طيب بلشوا الشباب تقليط المناسف واللحم مغطيها تغطي الكل اتغدى وانبسطوا وكان الاكل من الذ الاكل
طبعا حمام العريس عند اخونا سام اخذوا الشباب العريس للحمام لحتى يجهزوه وطبعا العطر وكل شي من عند اخونا رجل الجنوب ولد الشيوخ بعد الغداء وبعد هالوليمة الرائعة جهزنا الهودج للعروس وهات يا زغاريد ويا اغاني توجهت الفاردة لبيت عروستنا الامورة دخل ابوها وسلم عليها هو وخوانها ووصاها على زوجها ولبسها عبايته وطبعا نقطها ليرة ذهبية
طبعا وصلنا العروس لبيت العريس والطخ شغاااااااال واتجمعوا الشباب وبلشت زفة العريس من بيت ابن الشيوخ سام ولشوا يغنوا
يا ابو الرشيدة قلبنا اليوم مجروح يا ابو الرشيدة قلبنا اليوم مجروح جرحا عميقا وبالحشا مستظلي جابوا الطبيب ومددوني على اللوج قلت برخاوة ما عاش الي يصلني ظليت انادي واطرق الباب بالسيفِ عيوا يا رائد هيلك يفتحوا الي يا نجم يلي في السما واسمك صقر وان شفت محمد بالله تندهولي قولوا ترى المفتاح بطاقة البيتِ وان ما لاقى المفتاح يندهوا ليّ طلع الزين من الحمام الله وبسم الله عليه اتلولحي يا دالية يا ام غصون عالية اتلولحي عرضين وطلو اتلوحلي ما اقدر اطول يا ام ثويبِ كشكش كشيني وانا بنكش يا ام ثويبي زمزم زميني وانا بنزم يا رائد يا ابو حطة مين صايد هالبطة يا رائد يا ابو العقال مين صايد هالغزال يا ام العريس لاقينا لولا المعزة والله ما جينا رائد الليلة عريس يلا يا نشمية قهوينا رائد الليله عريس على ظهور الخيل شدينا واتلوحلي يا دالية رائد الليلة عريس واحنا رجالك يا عريس
كانت هاي الاغاني الحلوة الي زينت العرس ظلوا الشباب يدبكوا ويغنوا والعريس على اكتافهم اجا ابو رائد وقال يلا يابه عروستك بالبيت تستناك استقبلناهم على باي البيت بالزغاريد والمهاهاة الي ترفع الراس واجت ام رائد ومسكته من ايده ووصلناه للعروس واجا هون دوانا الصبايا نغني عليهم واسمعوا شو عملنا
همي الفوارس اخوانك يا رائد همي الفوارس نور المجالس ببلاد الغربة نور المجالس هما التنين خوانك يا انثىهما التنين هالشمعتينِ يا رب يظلوا هالشمعتين يا تلول الرز خوانك يا رائد يا تلول الرز ابشر بالعز وهم سندك وابشر بالعز لا تقولن غايب غنن لمحمد لا تفولن غايب شدوا الركايب لسود عيونه شدوا الركايب مرشوش بسكر فردك يا نايف مرشوش بسكر بنات البكر بسيفه حاميهن بنات البكر مدهون بزيتِ فردك يا يوسف مدهون بزيتِ بنات البيت بسيفه حاميهن بنات البيتِ
اويها فستانك يا انثى طية على طية اويها طية عربية وطية افرنجية اويها وتقول انثى يا بي ويا خي اويها وانا عند رائدلا تخافوا عليه
اجا عمنا ابو رائد وقال يلا يا به وقت العشاء دخل يلا يابوي انت وعروستك وربنا يتمم عليكم بالخير طبعا من شدة الفرحة كلنا دمعت عيونا وحسينا ناه هاللحظة خلص فارقنا انثى النشمية طلعوا العرسان لبيتهم الي راح يكون احلى بيت بالكون واحنا شمرنا ايدينا وبلشنا نرتب ونعزل ونساعد عمتنا ام رائد والشباب ما قصروا كمان بلشوا يرتبوا وينزلوا البيوت ويرجعوا كل شي لمكانه الله يديم الفرح ببيت الجميع يا رب وعقبال عن الكل
ملاحظة هاامة: هالعرس عبارة عن تمثيل والجميع معزوم بدون استثناء[/size][/size]
كاتب الموضوع
رسالة
Jasmine collar
موضوع: رد: العرس الاردني بكل عاداته وفي المنتدى 1/3/2011, 03:58
ههههههههههههه لللللللللييييييييششششششش
c0n@n
موضوع: رد: العرس الاردني بكل عاداته وفي المنتدى 1/3/2011, 04:00
هههههههههه مبروك انثى المطر
jistcoirbid
موضوع: رد: العرس الاردني بكل عاداته وفي المنتدى 1/3/2011, 04:02
مشكور ميدو ارحت وداعبت فرحنا المفقود من الامس
Jasmine collar
موضوع: رد: العرس الاردني بكل عاداته وفي المنتدى 1/3/2011, 04:08
majdcs كتب:
هههههههههه مبروك انثى المطر
:oops: :oops: :oops:
عقبالك يااااا رب
هو ميدو راح اختار ختايرة للعرس راحت عليهم من زمان كان لازم اختار حدا ينفع هههههههههههههههههههههههه
kingsam
موضوع: رد: العرس الاردني بكل عاداته وفي المنتدى 1/3/2011, 04:09
هو صوت الطخ جاي من العرس و انا فكرتة طالع من القسم العسكري ههههههههههه
Jasmine collar
موضوع: رد: العرس الاردني بكل عاداته وفي المنتدى 1/3/2011, 04:12
> >> >>> >>>> >>>>>>> جاري البحث عن العريس
jistcoirbid
موضوع: رد: العرس الاردني بكل عاداته وفي المنتدى 1/3/2011, 04:15
موضوع: العرس الاردني بكل عاداته وفي المنتدى 
26/2/2011, 17:39
