مصدق جميع كلامك (شعر ليبى)

مصدق جميع كلامكْ .. عارف أنك رايدنِي
مصدق جميع أحلامكْ .. حال غايتك تسعدْنِي
يللي علي ترايفْ .. تحن لي تشتاقْ
من البعد راني صايفْ .. البعد ماينطاقْ
أنريدك قريب أوعدني ...
أصبر حبيبي أشوي .. راجع أنعيد غلاك
خلك معاي وَفيْ .. نا يوم مانجفاك
ماياخذك تفكيركْ .. تبعد بعيد عليْ
مانوالف غوالي غيركْ .. أطمن وكون هنيْ
خلك وفيْ هاودني
أمصدق جميع أحروفكْ .. أمجرب أحساس الوحدهَ
أمصدق مكاثر خوفكْ .. تطوال بينا المدّهَ
ناري طفْتهَا أصفوفكْ
المسطرة بمعرُوفكْ شوق الغلا جَابدنِي
نا نريد في بستانك .. أنعيش ورده فيه
أنكون فرح أحزانك .. نرمي الجفا وماضيه
نجمة أتضوي ليلكْ العطر ف منديلكْ
خلكْ أنت راشدنِي
راجع أنريد أنضمكْ .. أتكون لي بروحِي
أنكسر معاني همكْ .. أنداوي سطير أجروحِي
ياحلمْ أصبح جِدْ ياحن زايد مَدْ
أدْعِي معأي الله لا نفقدكْ ف يومْ لا تفقدنِي

جميل ان نسمع عن الشعر الليبيي

سلمت يداك يا د عبيده

ابدعتي

صح لسانك وعلا شانك