التوبه

يالله ياللي كل خلقك يم بيتك محرمين
يارب ثبتّني على الدرب الصحيح وقدني


يارب تغفركل ذنبي ياإله العالمين
تعبت من كثرالخطاياوالذنوب تهدني


ضعيف مالي غيرعطفك ياكريم ويامعين
تايب لوجهك عن دروب للضلال تصدني


عفوك وغفرانك على مافات من جردالسنين
كنت أحسب إن العمرلذه والشباب يحدني


أقول لاشيّبت أبندم وألتزم والعذرشين
يغويني الشيطان ؤاتمادى ولطفك مدني


الحمدلك يارب ؤاتعوّذمن إبليس اللعين
شفت السعاده بالهدايه والحياة تشدني


صوت المؤذن لاسمعته ينشرح صدرالحزين
ماهوبصوت الاغنيات( وبدهامابدني)


لاجيت للمسجدوشفت الراكعين الساجدين
أدعيك يالله يوم الحشرالكون معهم عدني


والمجلس اللي فيه حلقة ذكربين المهتدين
أخيرمن مسرح طرب للضايعين يردني


مليت من شوف النفاق ودرب ناس غافلين
مافيهم اللي لاعبس وجه الزمان يسدني


مليت من زيف أمنيات الوقت ؤاحلام اليدين
تفك بيدينك تطير وبالجهل تضدني


ماعادءابرجع للندم وأسلك طريق الجاهلين
يارب لامن مت للجنه طلبتك ودني


يالله ياللي كل خلقك يم بيتك محرمين
ياسامع التوبه دعيتك للهدايه قدني

تسلم يا عيوني انت الاروع