كتبت الشعر مو لجلك ولكن فاض بي بركان
ولا انتي فلا تسوين قصيدة في نظر عيني
حلفتي لي تصونيني إذا صار الزمان خوان
وأول ماعثر حظي على دربك خذلتيني
كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني
خسارة كيف حبيتك ؟؟ نعم والله أنا ندمان
غبي أدري نعم ادري مدام انك سكنتيني
ثلاث سنين من عمري وانا في لعبتك غرقان
أشيل الشوك من دربك وجرحي كان يدميني
وكنت أبكي إذا تبكي وأكون لبسمتك فرحان
وكنت أقرب من رموشك لعينك يوم تبغيني
عرفتك للأسف صحرا وحولتك الى بستان
وشلتيني غصن اخضر وفي صخرك زرعتيني
حفرتك داخلي ظني تصوني عشرتي أزمان
وكنت احفر قبر موتي على ساحل شراييني
على كف الشقى نامت جروحي والالم سهران
يحطمني ... يبعثرني ...وفي صحارك يرميني
ولكن عزتي تفرض اكون ....بدنيتي سلطان
وإن ظنك أجي أركع لرجلك ....ماعــرفتيني
أنا مو من عادتي أشحت من أمثالك رضا وإحسان
أموت بعزتي أرحــــــم ولا ذلك ....يـــغطيني
ومادام الوفاء عندك يدور له على عنوان
بدور لي على قلب يصون الحب وسنيني
ولو قلبي ذكر حبك بولع فيه بالنيران
وبكسرها أنا رجلي إذا صوبك توديني
ولو دار الزمن ضدك وجيتي تطلبي الغفران
وجبتي الشمس في كفك لعندي ما بتلقيني
تقول الناس في وصفك جميلة مثل عود البان
وأنك أجمل و أحلى بشر مخلوق من طيني
وانك غالية واثمن من الياقوت والمرجان
يقوم الكون من شانك وتقعد لك بلاديني
حساااااااافه غرهم شكلك وياماتخدع الالوان
عموما قد بقت كلمة اخيرة لك وسمعيني
إذا كنتي بنظر غيري ملاك في شكل إنسان
قسم بالله ماتسوووين قصيدة في نظر عيني
للشاعر : سلطان العلوي
[b]
موضوع: نزعتي الرمح من صدري وفي ظهري طعنتيني ..// 
15/3/2010, 00:49
