1-شرح مبسط لكيفية حدوث التكيس:
اللي بيحصل ان الغدة النخامية ترسل الامر رقم 1 للمبيض لانضاج البويضة وبدلا من ذلك يحدث خلل فى المبيض فتبدأ عدة جريبات فى النضوج بدلا من واحدة وبالتالى ولا واحدة تصل للحجم المناسب للخروج.
الغدة النخامية تصدرالامر رقم 2 لخروج هذه البويضات وتبالغ فى كمية الامر لخروج هذا العدد من البويضات لكن الموظف المهمل ( المبيض ) لن يستطيع انجاز العمل بسبب ان البويضات غير مستعدة للخروج لأنها صغيرة فيبقى الوضع على ماهو عليه ... الهرمون اف اس اتش قليل لأن الغدة النخامية تعتقد ان هناك بويضات فى المبيض اخذت فى النضوج وتحتاج لهرمون الال اتش وليس هورمون الاف اس اتش...
طبعا ولا عشرة يقدروا يفهموا المدير العامانه فاهم غلط فالحل ايه بقى .... نقول للمدير متشكرين وندير الشركة من برة بأوامرجاية من مدير وهمى وهى عبارة عن هرمون الFSH اللى ينضج البويضات...ولكن مهلا؟؟؟؟......
مريضة التكيس لو اخدت تنشيط بدون علاج بعقار الميتوفورمين بيحصلها فرط تنشيط ليه بقى ؟؟ علشان البويضات الصغيرة اللى عندها ومش قادرة تكبر حتلاقى ضالتها فى الهرموناللى جايلها من برة وتبدأ كلها فى النضوج وده يعمل طبعا مشاكل مرعبة للست المتكيسة لأنها فى الحالة دى جسمها حيحبس مية كثير قوى ويحدث لها استسقاء وجسمها يورم وفى بعض الحالات ممكن لاقدر الله يحدث الوفاة ....
نرجع بقى لآليه علاج التكيس:
هو فى الواقع مش علاج ... لأن فيه خلل ( سوء تفاهم ) بين الموظف والمدير ... احنا حنسيبهم فى سوء التفاهم بتاعهم ونحاول نظبط الآثار المترتبة على ذلك ... العلاج حيحفظ توازن الهرمونين فلما يحصل تنشيط ممكن يحصل حمل بدون مخاوف فرطالتنشيط .... طيب ليه المريضة تستمر على العقار حتى بعد الحمل فى الشهور ال3 الاولى ... ده علشان هورمون الال اتش ميعلاش مننا ونحافظ عليه قليل فلا يسبب اجهاض فىالاثناء التى يعتمد فيها ثبات الحمل على الهرمونات ... لكن بعد تكون المشيمة ممكن نوقف العقار ...
ليه زيادة الوزن بتبقى عدو الخصوبة؟
لما الواحدة وزنهابيزيد والدهون تتراكم حول المبيض بتعمل فيه حاجة غريبة قوى ... احنا قلنا الموظف دهقاعد مستنى امر المدير رقم
1 ( هرمون الاف اس اتش ) علشان يبدأ فى انضاج بويضة لكناللى بيحصل لما الدهون تبدأ تحاصر المبيض اللى هو نسيج رخو ... يبدأ المبيض المحاصريبقى عامل زى الموظف اللى مش عارف يشوف شغلة من مجموعة ناس بتغلس عليه وتشتت تركيزه ... فيكون النتيجة بدلا من انه ياخد حصة الاف اس اتش وينضج بويضة واحدة ... لا يقومبتوزيع الحصة على اكثر من بويضة فيبقى عامل زى الجرسون اللى جاب طلب غدا وبدل مايأكل زبون وزع الطبق على 10 فبالتالى ولا زبون شبع .... من هنا بيحصل التكيس ...
تشخيص التكيس:
يتم تشخيص التكيس عن طريق عمل تحاليل هرمونات ال LH و FSH فى أول أيام الدورة بدءا من اليوم الثانى وصولا لليوم السادس.....
و لا بد ان يكون هرمون FSH ضعف هرمون ال LH حتى نجزم أن المبايض سليمة و ما عدا ذلك يشخص تكيس مبايض....و هنا يجب أن نذكر انه لا يعنى عقم أو عدم القدرة على الإنجاب و إنما فقط هو يؤخر الحمل عن الطبيعى و علاجه من أسهل العلاجات و نسب نجاحه عالية جدا ول ا تحتاج لعمليات و خلافه...
أعراضه:
- تراكم الدهون فى منطقة أسفل البطن
- ظهور شعر زائذ فى الجسم
- فى بعض الحالات يرتفع هرمون ا لبرولاكتين
- ضعف التبويض
علاج التكيس:
لأن التكيس يظهر عن طريق ارتفاع ال LH...كما أنه يعبر فى بعض الأحيان عن سوء استعمال الجسم للأنسولين ....فبالتالى فإن العلاج الأول للتكيس هو
- تناول عقار الميتفورمين...وله فوائد عديدة
تحسين توظيف الجسم للأنسولين و بالتالى تحسين آداء المبيض.
الوقاية من فرط التنشيط عند البدء فى تناول المنشطات.
عند حدوث الحمل الاستمرار فى تناوله يقى من ارتفاع ال ال اتش
و بالتالى تقليل مخاطر الإجهاض.
- فقد الوزن....و أهميته لا تقل أبدا عن تناول الدواء
- المرحلة التالية....تنشيط جيد للتبويض و لمدة تصل لستة أشهر متواصلة ...مع مراعاة زيادة الجرعات تبعا لاستجابة الجسم
- آخر و أصعب مرحلة فى علاج التكيس...وفى حالة عدم حوث الحمل بعد ما سبق....تكون المنظار....و غالبا ما يتم فيه تثقيب المبيض...للمساعدة على حدوث التبويض....
أخطاء شائعة فى تشخيص و علاج التكيس:
1- التكيس يظهر و يشخص بالسونار ...(معلومة غير صحيحة)
لا يجب الاعتماد على السونار فى تشخيص التكيس لأنه أساسا خلل هرمونى يظهر بالتحاليل..و كثيرا ما يخدعنا السونار فيظهر مبيض سيدة سليمة و كأنها متكيسة...كمان أنه فى أحيان عديدة يظهر مبيض المتكيسة و كأنه سليم تماما....الفيصل هنا هى التحاليل.
2- ان التكيسات ممكن تتشال بالمنظار....(مقولة خاطئة)
لان ده خلل هرمونى...والتأثير اللى ساعات بيعمله هو إنه بيخلى البويضات تكبر لكن متوصلش لحجم النضج اللى يخليها تخرج من المبيض...و إنما تفضل فيه و تفضل تتجمع جواه......و ده نتيجةللمرض...مش ان ديه التكيسات و بتتشال.....و كمان التكيس ساعات بيبقى بسبب سوء استخدام الجسم للأنسولين ...يعنى بسبب خلل فى مستقبلات الأنسولين...و بالتالى ده ساعات بيعمل سمك فى قشرة المبيض و يمنع التبويض....
و الجراحة الوحيدة اللى سمعت عنها فى علاج التكيس هى تثقيب المبيض بالمنظار علشان يساعد الجسم على حدوث تبويض...بس ديه بتكون آخر الحلول...لان الحلول الأولى للموضوع ده هى فقد الوزن و أخد الميتفورمين و تنشيط التبويض......و حالات قليلة أوي هى اللى بتحتاج للجراحة....و دول الى مش بيستجيبوا للعلاج خاصة ان العملية دي ليها اثار سلبية منها انها ممكن تعمل التصاقات في المبيض خطيرة قد تؤدي لعقم دااااااااااائم و العياذ بالله....
حاجة كمان ... لما يكون مرض عبارة عن خلل هرمونى....احنا لو اتدخلنا بالجراحة و شلنا تأثيراته...و سبنا الخلل الهرمونى زي ما هو.....هنبقى كده عملنا حاجة؟.....و لا لازم نعالج اصلا لموضوع علشان نستريح....؟
3- الكلوميد بيعلى ال LHكما أنه يمكن التخلص نهائيا من التكيس (مقولة خاطئة)
الصح ان الكلوميد فى أوقات بيبقى هو علاج التكيس لسبب مهم....و
هو ان التنشيط الصحيح بيتسبب فى حدوث تبويض و ده معناه خروج البروجسترون بشكل سليم و كمية كافية....و اللى قريته فى أكتر من موقع إن البروجسترون بيتناسب عكسيا مع ال LH....يعنى البروجسترون لما يعلى ال LH بينزل......و ده مش معناه ان ال LH بينزل و يرجع طبيعى و إنما معناه ان لو فيه تكيس فاحنا بناخد الأدوية علشان نحجّم آثاره السلبية و بناخد تنشيط علشان نحسن التبويض اللى التكيس بيضعفه....
ملحوظة: زيادة مستوى هرمون البروجيستيرون في الدم يؤدي إلى نقص مستوى هرمون ( LH). "...ده من أحدالمواقع الطبية الموثوق فيها"
موضوع: شرح مبسط لكيفية حدوث تكيس المبايض 
22/10/2011, 18:40
