جحا وابنه والحمار

احكيلكم قصه ظريفه و مفيده لجحا

جحا لمن لا يعرفه هو شخصيه غير حقيقيه لرجل حكيم له قصص طريفه يقدم من خلالها الدروس والعظات

قصه اليوم عن جحا وابنه والحمار

ذهب حجا و معه ابنه الى السوق كى يشترى حمارا وبعدما اشترى الحمار ركب عليه هو و ابنه راجعين للبيت فإذا ببعض الناس يقولون :

شوفوا جحا و عمايله

راكب هو و ابنه على الحمار هو مافيش رحمه ولا انسانيه ولا يعنى عشان الحمار مش هايقدر يتكلم و يشتكى

مالوش حق جحا

فلما سمع حجا كلامهم نزل من على الحمار و ترك ابنه راكبا

فإذا بقوم من الناس يقولون

شوفوا جحا وعمايله

مركب ابنه على الحمار وماشى هو على الأرض هو خلاص مفيش أدب بقى الصغير

يركب والكبير هو اللى يمشى هى دى التربيه

مالوش حق جحا

فلما سمع جحا كلامهم نزل ابنه من على الحمار و ركب هو

فإذا بمجموعه من الناس بيقولوا

شوفوا جحا و عمايله

يركب هو على الحمار و يمشى الواد الصغير هو مفيش رجمه الواد الصغير يمشى

والكبير يركب

مالوش حق جحا

فلما سمع جحا كلامهم نزل هو و ابنه من على الحمار ومشيوا جنب الحمار

فاذا بمجموعه من الناس قالوا

شوفوا جحا وعمايله

اشترى حمار جديد وماشى هو و ابنه جنبه بدل ما يركبوه امال اشتروه ليه

مالوش حق جحا

فلما زهق جحا من الكلام بتاع الناس

قام شايل الحمار على ظهره ومشى

ولما الناس شافوه قالوا لا حول ولا قوه الا بالله اتجنن جحا

الخلاصه

قصه ظريفه مش كده

تصدق انك ممكن تكون انت جحا

يعنى تحاول ترضى كل الناس تعمل اللى يرضى الناس وانت مش مقتنع

مش بس كده لأ انت كمان ممكن تشك فى نفسك لو عملت حاجه الناس استغربتها منك وتحاول تغيرها وانت بتقول اصل مش الناس كلها غلط وانا الصح

يعنى لو حاولت ترضى زوجتك أو زوجك أو ابنك أو مديرك عمرك ما هتقدر ترضيهم كله

م مش بس كده ده انت عمرك ما هترضى نفسك طول مانت شايل هم الناس هايقولوا ايه طيب هايفكروا ازاى

من النهارده حاول تختار اما ان تكون جحا اللى طلع فى الأخر مجنون

واما هاتكون ابنه اللى بينفذ كلام ابوه وخلاص

لازم تعمل اللى يرضى ربنا قبل كل جاجة

قصة حلوة وبتضحك

هذا ما نتمناه .... ان تنال اعجابكم ...


وشكرا لكم على المرور

قصة جميلة ذو حمكة مفيده
مشكوور

العفو ... وشكرا على المرور