موضوع: عشرين الف دينار لكل شاب اردني !!! 15/10/2010, 09:19
تخيلو معي في صباح يوم من ايام اردننا الحبيب نصحى من النوم انلاقي طلع قرار انه كل شب اردني راح ياخد مبلغ عشرين الف دينار هديه ما من وراها جزيه فقط عشان الشباب الاردني بستحقو هاي الهديه لكن بشرط اي شاب يثبت انه ما عم بدرس او ما بده يشتغل وبده يضل عاطل عن العمل راح يسحبو منه العشر الاف وتكه وراح يدفع غرامه عن كل يوم قعد فيه عاطل عن العمل .
خلينا بحلمنا الخرافي انه بحالة كل شب صار معه هديه عشرين الف دينار شو ممكن نعمل الي بدرس راح يكمل دراسته ويشتريلو سياره زعره او ميني والي بشتغل بشتري سياره وبتجوز والي بده يساعد اهله ابوه بياخد منه المصاري وبحلقلوا . او ممكن اذا ما بدهم يعطونا المبلغ هديه ممكن يخلوه قرض يدفع على قسط شهري 50 دينار شهري لكن ما عليه اي ارباح ربويه ومش بس هيك كمان اي شب بعمل اي عمل خيري مثل زراعه الاشجار او لم الزباله عن الطرقات او ببوس ايد امه كل يوم الصبح، او بياكل المنسف بأيده مش بالمعلئة (بالمعلقة) راح يكون اله تسهيلات بالدفع .
معلش يا شباب خدوني على قد عقلي والعبو معي جاهزين غمضو عيونكم وفكرو شو ممكن تعمل بهاد المبلغ لو اجاك شو اول اشي ممكن تعمله هل ممكن تشتري سياره ولا ممكن تتزوج او تخلص دراسه او تفتح مشروع صغير يجيك منه دخل او راح اتضيعهم على الهماله وتروح على فرنسا تصرفهم باسبوع على البنات الشقر وترجع ؟؟؟؟؟؟؟؟ يلا شباب خلصنا لعب وخلصنا الحلم الخرافي هاد ونرجع لواقعنا وخلينا بالي احنا فيه فاي شب بتوقع انه يوم من الايام حد يوقفه ويعطيه مبلغ من المال بس عشانه حليوه او عشان سواد عيونه لازم يفيق من الحلم الي هو فيه ويشتغل ويتعب، راح يطلع بدل العشرين الف عشرات الألوف وكتير سمعنا عن قصص نجاح ابتدت من الصفر ساعيتها ابتقدر تعمل كل الي بدك اياه بتعبك وجهدك بدون جميله اي حد.
التقيت مره مع مليونير عربي حكالي : انا يامحمود ممكن اعطيك هلأ 100 الف دولار ولا بنقص من رصيدي اشي !!!!!! لكن مارح تحس فيهم الا لما تتعب بكل قرش بتجيبه والمليون الي بيجيك بساهل اعرف انك راح تخسره بالساهل والدينار الي ابتتعب لتجيبه بيجيب دينار ثاني والدينارين بيجيبو اربعه والاربعه بيجيو الثمنيه والاف بيجيب الالفين والمليون بيجيب مليونين لكن اهم شي تتعب بكل قرش عشان تحس بقيمته والعمر ما بستنى حدا.
KLIM
موضوع: رد: عشرين الف دينار لكل شاب اردني !!! 15/10/2010, 09:25
فعلا ما في متل القرش لما تتعب فيه بركة فيه
kingsam
موضوع: رد: عشرين الف دينار لكل شاب اردني !!! 15/10/2010, 09:30
موضوع: عشرين الف دينار لكل شاب اردني !!! 
15/10/2010, 09:19
