وصفه رائعه لتفتيح والتعطير

لما تلاقي وصفه شوفي مكوناتها وفايده كل مكون عشان تعرفي الوصفه دي فعلا هتجيب نتيجه معاكي ولا لا اصل بصراحه ساعات بلاقي خلطات غرييييييييييييييبه رجل فرخه على ديل نمله وحاجات عجيبه مش عارفه بيجيبوها منين مش كل ما حد يقول حاجه نروح نشتريها ونجربها وخلاص وطبعا مش هنلاقي نتيجه
طبعا هتقولولي بطلي رغي وهاتي الوصفه
حااااااااااضر ادي الوصفه وفايده كل مكون فيها كمان

1- هتجيبي صابونه الحمام اللي بتستخدميها اي نوع
2- هتبشريها وتخلطيها بماء ورد لحد ما يكون سمكها كريمي معاكي
3- هتبيتيها لمده 24 ساعه
4- هتحطيها جوه حمام ميه يعني هتحطي ميه في حله وتسخنيها على النار وهتغمري فيها الخلطه اللي عملناها
5- هتقلبيها وهتضيفي لمونه كبيره تعصريها
6- 4 معالق زيت زيتون
7- 4 معالق جلسرين
طريقه الاستخدام
هنقلبهم مع بعض كويس وندهن بيهم الجسم قبل ما ناخد حمام باربع ساعات
ولو نقدر ندهن بيه الجسم بليل ونصحى الصبح ناخد الدش يكون احسن
طبعا هتدهني على جسمك بحركه دائريه لحد ما الجلد يمتصه هندن الجسم مرتين او تلاته في الاسبوع وطبعا هيبقى عندنا كميه كبيره ممكن نخزنها في التلاجه وناخد منها وقت ما نحتاج


الفوائد

اولا الصابون فيه صودا طبعا بتساعد على التفتيح
الليمون طبعا لا يعلى عليه في التفتيح وكلنا عارفين
ماء الورد ترطيب وغلق المسام
زيت الزيتون تفتيح وترطيب
الجلسرين ترطيب
وكماااااااااان لما هنخزن الوصفه دي في التلاجه وندهن بيها البروده بتاعه الكريم هتساعد في شد الجسم
هتتخلصي من ريحه العرق ولو عرقتي هتلاقي ريحتك هي ريحه الوصفه اللي عملناها
والمفاجأه ان الوصفه دي بتقلل ظهور الشعر لو عملتيها بعد ازاله الشعر
وفي مفاجأه تانيه ان الوصفه دي تنفع تفتح المناطق الغامقه اللي كلنا عارفنا وبنعاني منها
بس ساعتها هنجيب صابون بدون رائحه لان ممكن الرائحه النفاذه تعمللنا التهابات واحنا مش ناقصين