مااطول عليكم .. عندي موضوع كثير مهم ويثيرني بصراحه واللي هي ان اغلب البنات الحين يلبسون عباية كتف .. واغلبهم عباية راس
وش الفرق مابينهم وايهم استر واحسن !!
قبل سنوات طويلة كانت المرأة تلبس العباية على رأسها وتعتبره مطلب شرعي يأمر به الدين ومن النادرإننا نشوف وحدة تلبس العباية على الكتف لكن بعد فترة إنتشرت عباية الكتف وصارت غير مستغربة بعض النساء يلبسونها من باب الجمالية وبعضهم يشوفون إن عباية
الرأس موضة قديمة ماتناسب الوضع الحالي خاصة الشابات لكن الكبيرات يلبسونها على الرأس
الفتوى الشرعية كانت توجب عباية الرأس وتنهى عن عباية الكتف لكن ظهرت فتاوى تسمح بلبس عباية الكتف بشرط السماكة والإتساع ولذلك ممكن نلقى الأم تلبسها على الرأس لكن بناتها مختلفات منهم اللي تلبسها على الرأس ومنهم اللي تلبسها على الكتف وأحياناً مثل أمهم
بعض الشباب ما يخطبون البنت اللي تلبس العباية على الكتف ويعتبرونها متحررة ومخالفة للشرع ويفضلون البنت اللي تلبسها على الرأس حتى لو كان الشاب نفسه متحرر وبعضهم مايهمه شكل عباية البنت ويعتبرها حرية شخصية .
انا اذكر احد من خوالي .. قال: يازين عباية الكتف قلت له لييش !
قال بس تعجبني واحلى شيء الوسيعه عباية الفراشه ايام اول
يعني تخيلو وشلون وصلت الدرجه هذي هذا وهي وسيعه بعد !!
عاد سألته وش تتمنى بنتك او خطيبتك تلبس قال اكيد عباية راس
وغصبآ عنها
وزوج خالتي يقول وبعضهم : لا وش عباية راس !! اللي بتلبس عباية راس لاتمشي وراي كأنها خيمه وملبس خالتي وبناته عباية كتف
يعني يتفشلون من عباية الراس
وأحب أطرح بعض الأسئلة وأتمنى الإجابة بصراحة :
للبنات ..
هل تلبسين العباية على الرأس ولماذا ؟
هل تلبسن العباية على الكتف ولماذا ؟
لو إشترط خطيبك إنك تلبسينها على الرأس هل توافقين؟
لو إشترط خطيبك إنك تلبسينها على الكتف هل توافقين؟
للشباب ..
هل تحب أن ترى احد قريباتك او اختك بعباية كتف ؟
مالذي يثير انظاركم عباية الكتف حتى لو هي وسيعه
ام عباية الراس ؟
زوجتك او اختك تلبس عباءة راس هل سوف تسمح لها بعباية الكتف
بالسفر الى الخارج ؟
لكم المايك ..
وشكرآ لكم
موضوع: هل تلبسين العباءة على الرأس أم على الكتفين ؟ 
18/1/2013, 00:28
