خواطر انسانة

انسانة انسانة بس في هيك ولا فقط بالشعر

ولا كلنا شايفنا حالنا هيك والحقيقة غير او يمكن موش قادرين نعرف اخطاْنا

حلوة جدا تسلمي

نحن بشر بكل ما نحمل من اخطاء و ذنوب و خطايا

صح لكن ليش ما بنصلح ونحاول نغير مشكلتنا دائما بنشوف حالنا مضلومين ولهيك ما بعمرنا راح نتصلح الا ادا كنا واقعيين مع حالنا

في مشاكل مالها حل ايمان
بتوقع ع راسك وانت لا الك و لا عليك

لا بس اكيد احنا السبب فيها من بعيد او من قريب وممكن تدخلنا الغير صح او اقحام حالنا في مشكلتنا غيرنا وهي ما في حدا مسؤول عنها غيرنا صدقيني

احيانا بتتدخل بدافع الانسانية و الرغبة الشديدة بمساعدة الناس

بس شوفي لوما رحمتي حالك وفكرتي بمصلحتك ما في حدا راح يرحمك

انا موش ضد انو نرحم بعض لا بالعكس الرحمة حلوة بس موش ع حساب حالنا لانو لما نتعب والحمل بتقل راح نحكي ونلوم وسعتها راح نخسر صحتنا واجرنا في نفس الوقت صدقيني

جميل جدا ورائع .................. فعلا ياسمينو مثل ماحكت ايمان الجميع بشوف نفسه بهالكلمات وهالخاطرة والاغلب مابعرف اذا ماكان هو هيك فعلا او انه بحب يكون هيك ومن الداخل بشوف نفسه هيك ............ كلنا بنشوف حالنا مظلومين وبننسى انه وبنفس الوقت في ناس بشوفونا ظالمين وقاسيين

ماهو اساس اي مشكلة احنا السبب فيها بقصد او من غير قصد

بس الصح هو ان نتعلم ثقافة الحوار مع انفسنا قبل ان تعلمها مع الاخرين وادا حورنا حالنا محاورة صحيحة وبدون مجاملات ممكن احاسيسنا وتصرفاتنا تكون اروع حتى من ها الانسانة

كلام سليم وصحيح ايمان لكن (احنا غافلين ) عن النقطة المهمة اللي ذكرتيها وهي "اساس اي مشكلة احنا سواء بقصد او بدون قصد" الانسان بشوف حاله دائما مظلوم وبشوف نفسه بهالصورة المثالية المذكورة بالخاطرة وبنسى انه يتعلم فن الحوار الصحيح وفهم مقصد الطرف الاخر

المشكلة عنا احنا كعرب صراحة النقاش حتى مع حالنا صار بيعمل الف قضية

والله يا مجد ان اساس كل المشكلات الاسرية والاجتماعية والعاطفية هي قلة الحوار وغياب ثقافة التنازل والاعتدار صراحة