يا ريت ارجع طفل

يا ليت أرجع طفل ميت إحساس
عمر الدهر يا الشرقاوية ما صفى لي..

مدري و لكن..

حزني أكثر من الناس..

عانيت و دروبي مشيتها لحالي..

كني غريب

و غربتي مالها ساس..

جاريت وقتي و غدرت بي الليالي..

و عيبي أشيل هموم

و إنسان حساس..

كثر البكاء ما ريح اليوم بالي..

زاد البكا فيني

على الهم هوجاس..

أليا ذكرت أيام وقت" مضالي..

تشيب عيني

و أشعل الشيب بالرأس..

نومي طفل

و أسبح و ألعب و سالي..

و أنام كل الليل

مدري عن الناس..

في وسط حظن أمي

وحيد" لحالي..

كني ملكت الكون

و أهله و الأنفاس..

و أصبح و أدور لعبتي بإعتجالي..

و أقول هاتوا ترى بكسر الكاس..

و كلن بيرضيني

بقولة: يا غالي..

خلاص لا تبكي و تزعل و تحتاس..

و اليوم"يا يمه"طوى الهم حالي..

"يمه" تعاااالي
و إمسكي مفرق الراس..

شوفي عناي

و حسي اللي جرى لي..

خايف و يلعب مع الخوف وسواس..

يا ليت لي قلب مريح و خالي..


و يا ليت أرجع طفل ميت إحساس!!

الله يبعد عنا الحزن و يسهله علينا
مشكور خالد

الوحدة هي العذاب البطيء

الوحده قاتله