عشر قصائد سياسية أردنية سياسية ساخرة

يا أردني حكيك ذَهبْ

بعده ببالي ماذَهبْ

من غير ما يزعل حَدى

حقي على إبلادي وَجبْ

هذا البلد ما تنتهي

منه بعد قصص العَجب

لا بدّ أن يلقى الجزا

واحد على شعبك نَصب

سرقوا المواطن شلةٌّ

واحد ورى الثاني هَرب

في كل حاره بالبلد

تلقى بها شرطة شَغب

لاقيني مره يا وطن

من دون أي كلمة عَتب

حُبكْ على الدنيا إنتصر

حبك على قلبي غَلبْ

قصص الهَوى المكتُوبةُ

بدهُم عَليها حق عَربْ

لو كان ما فيها حرج؟

حقق لنا هذا الطَلبْ

نفسي ولو مره أعش

من غير ما ألقى تََعبْ

ليش المواطن للأسف؟

محروق دمه والعَصبْ

ماكل على الأغلب زفت

من دون تهمه أو سببْ

يا أردني حكيك حلو

طعم الحكي سُكّر قَصبْ

إبني وبنتي ما دروا

أَني مواطن مُستَلبْ

فسق الحكومه يا ولد

كله لنا ألله وهبْ

بعدك ولا يمكن أبد

أضحك وغنّي في طَربْ

هذا قضائي والقدر؟

هذا على القلب إنكتبْ؟

طايش على جرحي كما

طايش على الماء الخشبْ

يا أردني أعذرني إذا

جاوزت في نقدي الأَدبْ

جفراا…هي يا إلّربع يا مين إيهنيها ؟؟

بيّاع ما ني شاري يامين يشتَريها ؟

يا ويلي يا أردنيه طبّ إلعجز فيها

مجروحه جُرح الوطن يا مين إيداويها ؟

ياخوفي منهم كلهم مغلولين علينا

عرصات ..سرسريه..حاميها : حراميها

لطير ..طير الصاروخ …من هون لهناكا

لو أعرف وين السمرا ؟؟..صارت أراضيها

جفرااا..هالأردنيه ..!!! قلبي واقع فيها

بس يامين.. مثلي شاعر يفهم معانيها ؟؟

باعوا الوطن وهويتي..باعوا أهالينا

باعوا كلشي من أرضي حتى أمانيها

ون عاش الشاعر فيها : ياويله ياليله

لوعاش فيها (قحبه) : كل الدعم ليها

فقير ..عايش وشريف …ومؤلف ومثقف

لو إني واحد هامل : لسكن أعاليها

ونسيت إني فيها لامنظر ولا مَحضر

ونسيت إنهم جابوا عاليها واطيها

يا حيف على إبلادي : كل يوم تحرق فينا

بروحي وقلبي وإحساسي طربت غوانيها

كل يوم إبيطلع لينا واحد يلعب بينا

زي زي مابده الهامل …على كيفه بفتيها

على كيفه على مزاجه : ما كل فيها إحقوقي

بدي حقي يرجعلي من أقدم: ماضيها

من يوم ما فصلوني من يوم ما ظاموني

من يوم ما شفنا فيها أول مآسيها

جفرا اا…هي يا الربع روحي وروحَك طلعن

يا ويل مالي والي يحييني ؤ يحييها

يا نهر الأردن دخلك ظلك سارح فيها

إنت بتسرح في فكري وبعروقي ترويها

جفراا… يا أردنيه بَكره أي قمعيه

بَكره عمري وحياتي لو جابوا طاريها

كان كان ياما كان

في الإردن عايش ثعبان

صفته من صفة الإنسان

مش إنه واحد حيوان

ببلع إربد وقراها

مابهمه شو ماكان

95%
من الشعب العربي هَلكانْ

والحريه السياسيه

مش ماكل منها جُوعانْ

*****************

كان كان ياما كانْ

كان شاعر يعشق عمانْ

كل المسؤولين إهناك

حلفوا ع كتاب القرآنْ

قالوا إحنا الوطنيين

مابدنا بالوطن إجنانْ

منهم صارت كل الأردن

مافيها غير الحيتان ْ

أكلوني مره ونا نازل

صدفه على شفا بدران ْ
*********************
حتى نعرف وين إنروح؟

صرنا نفتح بالفنجانْ!

أدبي وكفاحي وشبابي

في الأردن كله خَسرانْ

الوطن العايش ع ترابه

إرجاله ما ليها أمان
****************************

كان كان ياما كان

كان واحد فاتح دُكان

شو ما بدك ببيعك

حتى لو بدك نسوانْ !!

لو بدك لبن العصفور

لو بدك لبن الأوطانْ

أنا عندي أطفال إزغار

أطفالي مثل الصيصان

كان كان ياما كان

في الأردن شاعر فنان

يا أم الُزلُف يا بو الزُلُفْ

أُزلُف على الأردن زَلُفْ

نايم على جنبي اليسار

برجف من الرعبه رَجُفْ

أصبحت ساري من الصُبُحْ

َبكتُبْ وبرسل للصُحُفْ

ما في صحافه بالبلد

تقبل لنا تنشر حَرُفْ
*********************

عاداتنا حرق الكتب

عاداتنا صارت عُرُفْ

ما في محرر: أردني

إلا نتف ريشي نُتفْ

قصة حضارة موطني

منجوفه بالبترا نَجفْ

****************
طول عمري أحلم بالعَطفْ

طول عمري عايش بالعُنُفْ

ثقة المواطن بالبلد

نازعها واحد مُنْحَرفْ

**************************

يا أُمْ الزُلُفْ يابو الزُلُفْ

ظهري إنحنى…ريقي نشفْ

ساهر على جرحي القديم

بعزف على جرحي : عَزفْ

في صحتك بشرب ودوخ

وغرف من إدموعي : غَرُفْ

بكذب على نفسي وقول

بكره الحكايه.. ب …تنكشفْ

*********************

لو بدي أوصف موطني

مثله ولا بلقى وَصفْ

بسأل مصارف البلد

وين السعاده تنصرفْ

********************

نايم على ظهري بطح

والغيمه فوق راسي سَقُفْ

عاشق من الأردن بنت

لحقوها عمدن بي أَلفْ

ناديت يا ناس إسمعوا:

ما هي شَلَف ْما هي شُلُفْ

*******************

بتمنى يا راعي الدار

يرجع لينا الإستعمارْ

لو كان شاف الإستقلال

ما ناضل (عمر المختار)

أنا بصنع أدبي من ألمي

من وطني بصنع أشعارْ

خانق روحي الإستقلال

مابده مني إعمار ْ

نجوم الليل بعز الظُهرْ

شفناها مثل الأقمارْ

لا قادر أفرح ولا أحزنْ

ولا قادر أقطف أزهار ْ

شو اللي عمله الإستقال؟؟

حرق الحريه بالنارْ

بدفع للبقتل بمُثقفْ

بالدولار …وبالدينار

من قصص الشرق المنسيّه

لابس على خصري زنّارْ

صوت الحُزن العربي صارْ

أعذب من صوت القيثارْ

أنا أصلا زلمه ماركسي

كادح في وطني مُنْهَارْ

إحكو لحقوق الإنسان

دايمن ماسكني الرادارْ

أنا معجب بالجسم العَربي

بالوطن إلجسمه منشارْ

وانت صاير مثلي كمانْ؟

تعشق وتعانق وتغارْ؟

الحزن الساكن ببلدنا

بمساحة مليون هكتارْ

مُضطهدٌ جدا في وطني

وبعاني من أي قرارْ

الوطن العربي المعطاءْ

كاذب في فكره فشّارْ

والأدب العربي مُنحازْ

لمرابي أصله سمسارْ

ما بحكي عن وطني أكيذ

بحكي عن كل الأقطارْ

الأدب العربي بالذات

في جسمي عامل أضرارْ

شو هذا الأدب المتعالي ؟!

لغته وكلامه …أسرار!!

والأدب الشعبي الممتاز

مدقوق إبنعشُه مسمارْ

جفرا هي ..يا ..إلّرّبع: صاير أعرف أرقَُصْ

خصري إلتوى مع قلبي, من أي حركه برقُصْ

ما بدي إنك تنجح , بدي إنك تسقَطْ

ومن الفاسد والواطي بدي الليله : أخلَُصْ

مليون واحد في الأردن في تقريره بيكذب

مليون واحد ببلادي في كلامه بخبُص

جفرا هي يا إلّربع صاير كلشي أعرف

مابدي أسقط فيها بدي أعرف :أملص

بدي أحكيلك عن وطني, وشو بدي أحكي؟

الفاسد طبعا : بزداد…. ولا مره إبينقَصْ

قاعد مش سائل عني , ولا عُمره بسأل

وجهه السافل والبارد, أبّرد من جبهة قُبرص

جفرا هي يا الرّّّبع طول العمر بعرف

إنه الحيه والأفعى تحت التبن : إبتقرُصْ

وتراب الأردن غالي تحته نايم حُبي

لو مره يصحا ويشوف , كيف الراقص : برفُصْ

يا ليل زاد القهر يا ليلي يا عيني

بطني منهم بوجعني بطني كله حُمُّصْ

عا الميجو …يا ابو الميجو… يا أبو الميجنا

الجهل ليكم , والثقافه حظّنا

المال ليكم والمناصب والذهب

وحنا الثقافه والسياسه تضرنا

كلمه أخيره للوطن بنقولها
إحنا الخطايا ياوطن واشهد لنا

يلعن أبوها كل حلوه واقفه
في سقف حلقي بدها تحرق قلبنا

بين المعارض والموافق , لا فرق
هذا الفساد الأردني ..ؤهذا : أنا

ضحكت علينا نائبه متغندره

وجها الحقيقي مثل : وجه إحمارنا

بعد ما صارت تحت القبه جالسه

مثل الحكومه ولا سئلت : ما لنا ؟

في البرلمان الأردني ما في حدى

قلبه علينا أو على أولادنا

فرحه كبيره في الشوارع كلها

مجلس الأمه مجتمع من شاننا !!!

إحنا دفعنا للوطن أبنائنا

وانتوا قهرتوا في الوطن أكبادنا

ما عنّا نائب وجهه زي وجه الشعب

لا شكله شكله …ولا زي إشكالنا!!!!

ما في معارض أو يساري أردني

يحكي ويوصف للحكومه حالنا

تنتقد الوضع
الإجتماعي العربي المتردي .
ْشوفوا ما أحلى الحريّه

في القصيده الشعبيّه
ْْيا عمي يا طاغيّه
إلطاق طاقين وقمعيّه

ْهي هي هايه ها هيّه
هاي سيرتنا إلشعبيّه

سيرتنا على كل إلسان
ْبالساحات إلدوليّه

عفن وجهل وإستبداد
ْفي البيوت إلعربيّه

رق وذل واستعباد
ْوهذي أحدث رجعيّه

فقر وجوع وهذي إلناس
ْبتغنيلي جوبيّه
وقلبي أدمن ع إلإرهاب
ْعلى إلحبوب إلنفسيّه
أدوات إلقمع إكثار
ْبيجن ألفين و100ميّه
أكثر من دعم إسرائيل
للأبحاث العلميّه
ما في أدوات بتطلع
ْغير بتتجرب بيّه
ْبين إلناس وبين إلكاز
ْأكبر فجوه رقميّه

ْكل ما بطلع من خازوق
بلبسوني قضيّه

شعب إتخزق والخازوق
ْصناعه إرهابيّه

مصلوبين ومقهورين
ْمن فقد إلعمله إلنقديّه

من مية مجاري إشربتي
ْيا حبيبتي إلغربيّه

يا عيني يا ليلي ياعين
ْعلى إلأوساخ إلعربيّه
حشش وسكر يا جهاد
ْمع شلة زعرنجيّه
هذي حياة إلأبطال
ْعمال إلبرجوازيّه
هاي بلادي أرض إلشام
ْوهمومي أردنيّه
بلاد أمي وبلاد أبويه
ْولهجتنا حورانيّه
في عندي شوية أفكار
ْبتمشي بدمي إلوطنيّه
أبطال برفع إلأسعار
ْمن إلأردن لسعوديّه
من أصغر مسؤول إهناك
ْلكبيرهم :حراميّه
وبيحكوا هاي إلدنيا
ْحكمة رب إلبشريّه
قالوا : هذا رزقه بالقنطار
ْوهذا رزقته وقيه

قل أعوذ برب إلناس
ْمن رزقة لمرابيّه

قل أعوذ برب إلناس
ْمن حبيبتي إلشرقيّه
ءمليون عربي ديكتاتور
ْ١٠٠مليون إلخطيّه
يعني إحنا معترفين :
في كل منزل طاغيّه

ْيعني إحنا بعالم قهر
في كل شارع قهريّهْ
من أول ما نصحا من إلنوم
حتى أنام بعُجبيّهْ

من أكبر مكتب بتفوته
ْحتى رئيس إلبلديّه
مبروك :إلأسعار علينا
ْؤزغردي يا :عربيّه
مين يقدر على كيلو إلخبز ؟؟؟؟
ْبعد إلكذبه إلنفطيّه
ْسا محني يا عمي عشان :
ْإنت مش حاسس بيّه
ْإنت أمرك في إيدك
ْبس آنا مش في إيديّه

ْإنت بتشرب من دمي
ْما عندك إنسانيّه

إنت بتسكر كل ليلهْ
ْمن تعبي ومية عينيّه

ْومسؤلين إكبار إكبار !!!!!
ْكل ليله بكلاجيّه

ْبتهموني زور وكذب
ْما عندي تهمه سياسيّه

ْتنافسهم ليل ونهار
ْتيصيدوا أجمل صبيّه

ْصيدتهم على كندشنات
ْمراوح يابانيه

مشاكلهم ما إلها حدود
ْقضاياهم كيديّه

ْوإنت دبساتك جاتوه
ْأنا دبساتي ميّه

بتقضي ليلك سرحان
ْفي إلأحلام إلجنسيّه

ْبتقضي عمرك سكران
ْبسياره ألمانيّه

ما إنت سائل عن هاإلناس
ْعمال وطوبرجيّه

ْبس بتسأل عن حالك
وين إتقضي إلصيفيّه ؟؟؟؟

ْوالشمس بتحرق وجهي
ْمن إلصبح للعصريّه

ْبمشي كل ليله من إلدار
ْللشونه إلشماليّه

ْأنا سجني أرحملي
ما ألقى ليره أُردُنيّه

أرحم من إبني وبنتي
ْفي : مبره خيريّه
ْبدي لإبني : مرجوحه
ْأو طياره ورقيّه
ْوبمدرسته يتعلم :
ْإلماديه إلتاريخيّه

ْبدي لحبي ضمة ورد
ْبدي لأمي عيديّه

ْبدنا نلقى وردة حُب
في عيد إلحبيبيّهْ

وإلقصيده إلحره إطير
وتطيرني بحنيّه
يا:ظالم ,يا : دركولا
ْينصر رب إلحريّه
وين ما بنمشي في طاغي
ْإرهابي وإرهابيّه

في مدرستي كان طاغي
ْيقرص إذني بعصبيّه

قال على شان يعلمني :
ْإلعلوم إلطبيعيّه

ْوبجامعتي كان طاغي
إشاعاته قويّه

بتسلح بغباء إلناس
ْرعويين وقرويّه
************ ****
ْومن كل قلبي بحق إلحُب
ْحبيت إلسمرى إلعربيّه

حُب وحَرب ؤجدل ؤكبت
ْوقصتنا حقيقيّه

لن أنسى لون إلشانيل
ْلون عيوني إلعسليّه

كل ما بتمشي ٣إشبار
ْبترقصني جوبيّه

جسمي بتخلل ميزانه
ْمثل :إلوحده إلعربيّه

ْأيوه بعدك يا سمرى
ْبقلبي مثل إلشبريّه

ْأيوه بعدك على إلساني
ْأحلى وأجمل غنيّه!!!!
ْإلطغاة إلناس إكثار
ْعملوا علينا دوريّه
ْمسكوني إلناس معايه
ْأحلى قصيده غَزَليّه

كل ما بذكرها بغيب
ْعلى إلبوابه إلغربيّه

قالوا : تحرش بالنسوان
بس أنا نصير إلنَسويّه

يا عيني ياليلي ياعين!!!
ْيا عيني ع إلآداميّه
إلقلب إلحبك معذور
ْعُذره :إنت إلعُذريّه
ْوبقريتنا في طاغي :
ْبضرب مَرْته ليليّه
ْبعده بمارس إلعنف
ْفي فراش إلزوجيّه

ْووالد حبيبتي زمان
ْكان طاغي وبعده طاغيّه

ْيا يسوع!!خلصنا يا رب
ْهللولي هللوليّه

ْإتأخرت علينا إكثير
ْإسلام ومسيحيّه

ْمصلوبين ومقهورين
ْمن إلحكومات إلدمويّه
ْعمّري ضيعته بالضيم
ْما ضل بي إشبوبيّه
ْكان في عنا في قاع إلدار
ْقصة حب رومنسّيه

ْبعدى بتحلم في تغيير
ْإلعادات إلزراعيّه

ْإلناس بتمشي يا عمي
ْعلى إلعادات إلقبليه

ْإحنا أمة محرومين
ْمن إلأعمال إلثقافيّه
شوفوا ما أحلاني لما!!
ْتعشقني إلسمرى إلعربيّه
بنت وشب وشب وبنت
ْوكل نشمي مع نشميّه
سامحني يا عمي بس
ْتسمع مني إلمرثيّه
لا بسدني ولا بسيؤل
ْجبنا كاس وذهبيّه

ثقافتنا كلها عهر
ما في قضيه فكريّه

بدي أنادي بعالي إلصوت
ْْيا به يابه يابيّه!!!!!!!!!
ْيابه يابه يا بيه

ْحمولي الكف إشويّه

ْطلعت بعد الإستعمار

ْالموضات الإسلاميّه

************

شكرا ..على الثوب الجديد
شكرا …على العيد السعيد!!!


شكرا …إذا ما في حدى

يعرف ويفهم بالقصيد

قلبك طلع فيه العشب

قلبي طلع يه النشيد

خايف على الأردن إذا

مثلي ولا يسعد بعيد

ما في علينا مشكله

لو عشنا في الأردن عبيد

هذا الوطن ما له ثمن

سعر الوطن مليون شهيد

عايش على تراب الوطن

عايش على ترابه شريد

بمشي على ترابه كما

بمشي على سطح الجليد

أنا مواطن أردني

ما بدي أنقص أو أزيد

بعد الوطن ما في وطن

إلا وطن يوم الوعيد

نبقى إذا جار الزمن

إيدي وإيدك بالحديد

إن متنا في حب الشعب

روحي قبل روحك أكيد

إفرح إذا فرح الشعب

لا تبقى في الفرحه وحيد

يا أردني لا تنهزم

خلك على طبعك : عنيد

أثبت على حب الشعب

لا تبتعد عنه بعيد

وان ضاع في حبك أبد

لا تنتظر منه بريد

أنا صارلي عايش بالقهر

من عمر عاصمة الرشيد

صاير على حبك أموت

تسكن بروحي والوريد

يا حسرتي يا بلوتي

لمين أقدّم شكوتي؟؟؟

طال الصبر …بعد الصبر

بدي أفجّر …غنوتي

يامن ترى ..يامن درى !!!

ترجع بعينك صورتي؟؟؟

يامن ترى ..يا دنيتي!!

عمان تشرب نشوتي؟؟؟؟

وقعد معاها بالخلا

واجعل هواها : خلوتي

وسهر معاها للصبح

وشرب معاها قهوتي

وكتب على الباب الخشب

أدخل وشاهد ثورتي

أنا ثورتي ما هي حجر

عشق الثقافة ثورتي

أنا ثورتي ثورة ورق

كلمه…وصوره..شهوتي

طبّع الحرامي الأردني

يكره مجرد صورتي

أو أي فاسد بالبلد

بتمنى يكشف عورتي

أنا مهنتي حب الأدب

وقصيدتي هي : نزوتي

****************

جدي جدي …يا جدي

ماعرفوا مزحي من جدي

بكره بتسمع من هإلناس

ليش الحكومه ضدي؟

مع إني إنسان إكثير

رائع مشهور إبودي

بسمع عن حالي أشياء

عمرا ما كانت عندي

حبيتك يا بنت الناس

أجمل منك ما بدي

أغلى من وطن الأحرار

حطّت إيدك ع زندي

حبك قدري ما بنساه

قدري مكتوب بيدي

حبك عندي روح وقلب

حبك مش تنك مصدي


ناشر رسمك بين الناس

حتّى في دار الكندي

سارح في فكري والناس


حاطط إيدي ع خدي


حطّت إيدي ع خدي

ليها معاني عندي

معناها إني مظلوم

معناها حقي :بدي

لون الزهري ع شفافك

وخدودك مثل الورد


والشعب العربي مسطول

من منظر خصرك والنهد

بحكي عن حالي والناس

بحكي عربي مش هندي

ريتك يا أم الفستان

مايبوسك حدى بعدي

تبقي ملفوفه في ثوب

أبيض مقبوره حدي



جدي جدي يا جدي

بان الغضب ع جلدي



الدنيا بعناها زمان

بعناها شندي بندي

سارح في فكري والناس

حاطط إيدي ع خدي

متخيل حالي سلطان

مش شايف حدى قدي

بمشي في الشارع أستاذ

بحكي مثل الأفندي

جدي جدي يا جدي

ليش الحكومه ضدي؟

في الواقع لو بدي أقول :

ما بعرف مين المسؤول

والظالم حالي وحوالي

يا ماما :جندي مجهول

الوضع الراهن ببلادي

بصراحه ما هو مقبول

لاسائل ولا مسؤول

الشعب العربي مصطول

لابرسل ولا بستقبل

في رجه براسه مهبول

لابفهم ولا بستفهم

عقله من راسه مشيول

تايه في شتى الأفكار

عالفاضي باله مشغول

فاشل في كل الأدوار

بمشي في الشارع مفتول

عارف حاله بالنهضه

لا هو فاعل …ولامفعول

لو سألوا الزنجي الأمريكي ؟؟

ما بقبل في هيك إطبول

والشعب الساكت والراضخ

كله…. ما بسوى حبة فول

هاي الأمه العربيه

حالتها صعبه على طول

عندها السائل والمسؤول

مثل العله والمعلول

والوضع الراهن يا: ماما

لاهو طبيعي ولا معقول !!!!

ليش الحكومه بتكرهني

شاعر مثلي !….!ما هو غول

الحكم الصارم قامعني

سيفه على راسي مسلول

متأكذ هالمره يا ماما

لازم في واحد مغلول

كيف الإنسان المحروم

ببلاده ماشي مذلول؟؟؟؟؟؟؟؟؟

بدي أحكي بدي أقول

أعطوني واحد مسؤول

بدي أحكي بدي أقول

بس أعرف مين المسؤول!!

عيوني م الصبح بتشتي

مثل المطر الهطل : إهطول

بدي أعرف يا طرطور

مين فينا العقله : مغسول؟؟؟؟

لو نحكي جمله شعريه

من الرعبه بنصير إنبول

حتى النهضه العربيه

ببلدنا ما ليها إإصول

الشعر الساخر من قلبي

وبإيدي راسي محمول

من وطني الإنسان الساقط

بطردني بكلام معسول

يا أردنيه هلا شلونك؟؟؟

وشلون الكحله على عيونك؟؟؟

لا تنسي أولادي وحياتك

بس بكره أعفن بسجونك

الكحله على وجهك سالت

من فوق رموشك وخدودك

وبليلة عرسك يا حنونه

كلهم طع …طع …. طع ….طخولك

يا أردنيه إذا الواطي

صاير عمّي…وخالي …وجوزك!!!!!!

بالكذب ال ما بقلي بيضه

كلهم طب… طب …طب ….طبخولك

وحياة إترابك وجبالك

والدم الطاهر بعروقك:

والدم الفاسد ما بنزف

من بين ضلوعي وضلوعك

آنا ….وكتابي طحنوني

مثل البسكوته …بكفوفك

يا أردنيه أنا الكلمه

إبتنزف من جرحي …وجروحك

إلجرح إل ما بشفا أبدا

من كثر فنونك وظنونك

يا أردنيه أنا إبحبك

شبره ..حطيني ..ع قرونك

أنا أهلي وأمي وإخواني

بكره من إربد…بجولك

صدقيني رجالك قهروني:

بفساد معشش ببيوتك

يا أردنيه أنا بعرضك

وبشرف رجالك وبطولك:

مش قادر أكره أعمالك

ولا قادر أحيا من دونك

أنا كلمه أخيره بكتابك

وقصيده حلوه على حدودك

مش واحد بشهدلي بعشقي

كلهم عن عشقي بحكولك

يا أردنيه على حسابك

إربد …والزرقا …والشوبك

يا أردنيه أنا عيونك

نحروني برمش من رموشك

والدمع الصادق بعيوني

صادق وبعمري ما بخونك

ودفنا الماضي بالماضي

والحاضر جاهز..ت يشوفك

أعطيني فرصه ت أحكيلك

عن أوضح عيب من عيوبك

الواطي واطي ولو إنه

بالنجم العالي قالولك

العيشه بالأردن مِره

إبتقصف أجلك بالمره

ببلادك عايش ع السخره

ببلادك : لغيرك عبره


بالأردن إيدك على قلبك


زي إللي إيده على جمره






كله على شان إنت مثقف

مش شايف ببلادك زهره




يا عايش بالأردن ضايع

دور على غيره من بكره


أنا عايش فيها ؟كيف عايش؟



أنا عايش أوطى من الشفره

ما شفنا يوم مسعد فيها



عشناها كلها بالحسره


عيشتنا ولا نكله بتسوى



لا ميه فيها ولا خضره


والشاطر بده يوكلنا

وكإننا اولاد الضره



ببلاد إجدودي وعمامي

كلهم بقفولي ع الزقره




ممنوع أكتب….ممنوع أقرأ

ممنوعه الكلمه والنظره




مش قطعوا عنّي المعونه

على شان لا أمشي ولا شعره


والنايم متعبط مرته

مش مثل إلمتعبط شجره




حارتنا كلها حراميه

كلهم بدهم: رشوه وشهره


خليني أشرحلك وضعي:

وضعي ولا بسمح بالمره






بالأردن صارت آخرتي

عايش ع الصدقه والفطره






والكاتب شعره من ذاته

مش مثل الكاتب : بالأجره






قالوا بالأردن حريه

هههه: ما عندي ولا فكره

لا رحنا ولا جينا

ولا من الدنيا روينا

يا صندوق المعونه

كافينا شرك كافينا

خصموا من الراتب 100

والراتب ما بكفينا

غاب القط إلعب يا فار

دخلك لا تلعب بينا

كل ما بنيجي ت نضحك

يا أردن بتبكينا

لو بنفوت المستشفى

ما بقبل يداوينا

كلّه من البلاوي

اللي حطوها فينا

كل ما بنيجي ت نصرف

وصفه لينا ومش لينا

ما بنلقى بالمستشفا

ولا حتى REVANENA

عطشانين وجوعانين

ما في حكومه تسقينا

يا الله أعطينا دوله

زي العالم ترضينا

لا عشنا ولا كنا

إذا إنسينا ماضينا

إذا إنسينا الظالمنا

الل قطع قرامينا

ما بنكسب في الاردن أبدا

لا دنيا ولا دينا

والشعب الكادح منهوك

ليله بنهاره موصول

لا تعيدي فيها ولا تزيدي
قلبي مش كتلة حديدي

أبوكي عاداته قديمه
بعده في عصر الحديدي

قلبي شحمه ولحمه ودم
ذايب من ماء الآسيدي

لا تقولي كاني ولا ماني
لا تقولي طبعك عنيدي

يا ألله إهديني على ديني
يا ألله إهديني على إيدي

يا سارح جنبي بخيالك
أأمرني ,حاضر يا سيدي

أنا ساكت صارلي عشر سنين
متسكع عايش شريدي

مش قادر آخذ أنفاسي
قلبي بتنهد تنهيدي

قلبي : ما أسرع دقاته!!
بركض في عظمي ووريدي

من وين ألقى حتى ألقاها
دنيا بتنكد تنكيدي

ماأجمل ما نقلتي يا اميرة

قريتهم كلهم وطبعا الي حكاهم محروق من الداخل بس يا ريت يا اميرة اقدر اعرف مين الي كتب هالقصائد

هلا وعد
كتبهاجهاد علاونه

جهاد علاونة معقوووووووووووووووووووووووووووووول؟؟؟ والله رهيب وتفاجأت بقصائده

بس كلمات قوية