حبيبي ناظر عيوني عسى تلقى جواب اسرع
عسى الدمعة على خدي تقول اللي عجز ينقال
حبيبي تصرخ الدمعة على خدي تقول ارجع
ولا تبعد ترى طول على قلبي عنى الترحـــال
حبيبي من ورى الغيمة بدى نور القمر يصدع
ولا منه نظر وجهك رجع يبكي بضيقة بــــال
سمعته يصرخ ويبكي ويقول ان حسنك الاروع
سمعته يشتري ودك يبي يشكي عليك الحـــال
وسمعت النجم من بعده وانا جالس بعد اسمع
يقول اشعار في حسنك يقول اروع حكم وأمثال
وحتى الشمس بالمشرق غافيه وما تبي تطلع
تقول وش فايده تطلع وترجع تختفي بجبـــال
وشفت الورد يتراقص على اغصانه يقول اقطع
يقول انه على يدك يبي يشنق يبي يغتـــــال
حتى الغيم لاشافك من عيونه يبي يـــــــدمـــع
على وجهك همل دمعه وغرق غرتك والشــــال
وحتى الليل لاشافك على اقدامه يبي يخضــع
يقول الليل تناثر على اكتافك مثل شـــــــلال
وسمعت الطير في عشه حزين ومستحي يسجع
سمع صوتك تغني جلس يبكي على الــــــمــــوال
وجاك الطير من عشه يبي يسمع بعد مـــقــطـــع
وشفت الدمع من عينه نزل مثل المــــــطر ينهال
حبيبي مد لي يدك غدى دربي خيال اوســــع
تعال وشمل ارموشك على الونيس تصير اضلال
حبيبي داخلي شاعر ترى عمره ابد ما أبـــــدع
ولكن بس لعيونك نزف شـــــــــعر وغلا واهـبال
.
موضوع: حبيبي شوف عيوني 
1/7/2011, 08:08
