بقلم رامى محمد زين
[ندعوك للتسجيل في المنتدى أو التعريف بنفسك لمعاينة هذه الصورة]راجع مرة من شغلى
لقيت زحمة على بياع
قولت أروح بسرعة أجرى
وأشوف أيه اللى بيتباع
لقيت كراتين محطوطة
والبياع بينادى قرب يابيه
تعال اشترى كرتونة الأوطة
فيها تلاتة كيلو بخمسة جنيه
مكدبتش خبر
وقولت يا حلوة تعاليلى
بس اتفاجأت لما لقيت اتحفر
ع الكرتونة اسم شركة إسرائيلى
ساعتها لاقيتنى مش قابل
ونفسى ما بقتش جيبانى
وأتحولت الأوطة ف عينى لقنابل
وقولت هدخّلها إزاى على عيالى
وسألت نفسى كمان
إزاى لبلدى كان دخولها
وإزاى أدّى الأمان
لحاجة من إسرائيل وبنفس أكولها
ولو اشتريت هبقى بشارك
بدفع الفلوس
ف تجهيز إسرائيل للمعارك
وقتل النفوس
فقررت أنى مااشتريهاش
وأخد بعضى وأمشى
حتى لو هيديهالى البياع ببلاش
مش هاخدها وهقوله ما انحرمشى
ياللى هرّبت التقاوى وف بلدى زرعتها
عملتك رافضها ملايين
أنا رأيى تأكلها لوحدك كلها
لأنى مش هدفع فيها مليم
موضوع: أوطة إسرائيلى 
27/6/2011, 10:27
