تحليل نفسي للطالب الجامعي

هذا تحليل نفسي لطالب الجامعة ,عزيزي الطالب احضر ورقة وقلم واكتب رمز اجابتك حتى تحصل على التحليل باخر الموضوع

والأن إليكم الاسئلة:


أحضر ورقة وقلم وجاوب على كل سؤال بإختيار الرمز أ ، ب ، ج ، د ... ثم قارن إجاباتك بالحل الموجود بالأسفل.


1 - داخل المحاضرة تحس بــ :
أ) نعاس شديد.
ب) أفكار مبدعة.
ج) حيوية ونشاط.
د) ملل.



-2 كلمة Break تعني لك :
أ) الذهاب لتناول الطعام في الكافتيريا.
ب) الجلوس مع الاصدقاء.
ج) حل الواجبات.
د) راحة من المحاضرات.



-3 دخلت على المحاضرة متأخر وحكالك الدكتور لا تدخل:
أ) بتطلع وأنت مبسوط 'أجت منه'.
ب) بلاش، فوق ما جاي تحضر!
ج) بتتأسفله وبتناقشه عشان يفوتك.
د) بتفوت ولا كأنه في حدا.


-4 إذا رن موبايلك بالمحاضرة :
أ) بتجاوب ولا كأنه في حدا بالمحاضرة.
ب) بتنعجق وبصير وجهك أحمر قبل ما يحكيلك الدكتور شي.
ج) ما بتنتبه انه إلك وبيضل يرن.
د) بتسكره وبتعمل حالك ولا إلك دخل.



-5 أكثر مكان بتقضي فيه وقتك في الجامعة:
أ) في ساحة الجامعة.
ب) في مكان هادئ.
ج) في المكتبة.
د) الكافتيريا.


-6 بآخر ربع ساعة من المحاضرة بتكون:
أ) نعسان لدرجة انك مش شايف الدكتور.
ب) سرحان بتفكر بكل شي ماعدا موضوع المحاضرة.
ج) بتظل مركز مع الدكتور.
د) جوعان او زهقان.


- 7تراودك فترة الامتحانات الأحلام التالية:
أ) كوابيس انه الامتحان أجا وانت مش دارس.
ب) انك مبسوط ومش فارق معك الامتحانات.
ج) انك بتحل معادلات وبتجمع وبتضرب بس الجواب مش طالع معاك.
د) ولاشي .. بتنام وبتصحى ولا كأنك نمت.


-8 أعطاكم الدكتور واجب:
أ) بتعرف قبل المحاضرة انه اليوم عندك تسليم الواجب .
ب) قبل المحاضرة بتروح على المكتبة وبتحاول تحل أي شي.
ج) بتكون حاله من البيت وعامل أحلى غلاف.
د) ما بتسلمه للدكتور لأنك مطنش ومش هامك.



-9 بتصل فيك صاحبك وبحكيلك طالعين بالليل وبكرة عندك امتحان صعب:
أ) ما بتطلع وما بتدرس بس بتربط المنبه على 3 الفجر عشان تدرس بس ما بتصحى.
ب) بتطلع وطول الليل بتسهر تدرس.
ج) بتدرس وما بتطلع مع اصاحبك.
د) بتطلع ومابتدرس للامتحان.


-10 في مادة نازلة عند دكتور بفهم كثير بس أسئلته صعبة وفي دكتور ثاني ما بفهم بس أسئلته سهلة ، وين بتنزلها:
أ) ما بتعرف لأنه صاحبك نزلك برنامجك.
ب) طبعا عند الدكتور الثاني بدون تردد.
ج) عند الدكتور الأول لأنك بتكون متشجع أول الفصل وتتفاجا بالرسوب في اخر الفصل.
د) وين ما بتنزل تنزل ما بتفرق معك.



أكثر إجاباتك (أ) :
انت شخص دخلت على الجامعة بالغلط ، بتحاول تدرس وتنظم وقتك بس مش زابطة معك
وغالبا معك وقت لكل شي إلا الدراسة ، ولما تزبط معك وتلاقي و
قت تدرس فيه بتسرح كثير وما بتدرس.


أكثر إجاباتك (ب) :


انت شخص عندك قدرات بس مش مستغلها ، مش كثير مهتم بالدراسة ،
بتدرس قبل الامتحان بساعتين وبتجيب علامة مش بطالة ،
بنهنيك على صمودك بس كمان حاول تأخذ الجامعة بجد أكثر.


أكثر إجاباتك (ج) :
انت شخص بتحب كثير الدراسة ، بتنام وبتصحى وانت بتفكر شو بدك تدرس ،
طبعا هدا الشي بخليك تتخطى سنين الجامعة بسهولة.



أكثر إجاباتك (د) :


انت شخص ولا إلك دخل بالدنيا ، بتيجي على الجامعة وبتروح
بدون ما يتغير عليك اشي ، بس بتحضر رفع عتب ومعدلك تقريبا بين 60 – 65
ومش مفكر ترفعه