زريبة وحميرها كتير ماشيين يجُرُو ف حناطير ملهمش كلمة ولا سؤال ون سألو يقولولهم ...
العهد معقود بالكلمة والكلمة ف حروفها الحكمة والحكمة خارجة من الحاكم والحُكم دايما بيسالم والسِلم قولو عليه نعمة بدل زواله بنار .. حمرا تاكل عيالكو وحناطركو خليكو بس ف مشاغلكو و ف لعبة دايرة ودوارة بفانلة من فوق .. حمرا
وهو انتو بس اش فهمكوا! من امتى وانتو بتعترضوا! وبتتسائلو بأنهي أمَارة لا انتو لعيبة ولا حُكام سيبو القضية هتبقى تمام
طول ما القرد مع الخنزير الخرفان عددها كتير قادرة تلَجِم فيكو يا حمير وكل حمار بيهمو التِبن بيغمسه مع حبتة جُبن كل حاجة هتبقى تمام
القرد هيلعب دوره بهمة الخروف اهو لابس عِمة والخنزير اللي ما يتسَمى بيدوس على كل اخضر بيقابله ببجاحة لا ف قبله ولا بعده وما بيلاقي حد يقابله واللي يفكر مرة يعانده يسمع مليون كلب ينادي نعمل قمة وتنعقِد القمة تَنفَض القمة من غير ولا كلمة تنفع رد يداوي البقع الحمار اللي ف قلبي
حمرا ...
theredrose
موضوع: رد: قصيدة تعبيرية حمرا 2/6/2011, 02:30
يااااااااااااااااااااااااااه معبرة جدا وهاد هو الواقع
موضوع: قصيدة تعبيرية حمرا 
2/6/2011, 01:37
