عشق ممنوع هذا، أم زنا محارم؟

هو عشق ممنوع و ليس زنا محارم
عشق ممنوع لانها متزوجة

و رسولنا الكريم قال الحمو الموت حذر رسولنا الكريم
من الاقارب
المسلسل صراحة كان فاشل

موضوع قوي نبيل احييك عليه .............. والله لا الوم القناة التي تبثه ولا الوم الاتراك حتى لانهم هيك اصلا لكن الوم المشاهد العربي

والله كله ينبثق من قلة وعي وقلة دين ........ اكرر شكري لك اخي الاكبر مسائك سعيد

هو فاشل بكل ما تحمل الكلمة من معنى

المقصود هنا كلام زنا محارم انه في النهاية زنا
وفي من زوجة العم
والتقارب الكبير في العيش في بيت واحد
وهو محاربة للدين وهذا ما يسعى له المسلسل في الدرجة الاولى
لن اطيل عليكم احتى اسمع باقي الاعضاء في رأيهم

هلا دكتورة مجد
عساك بخير وبافضل صحة من الله
وان تكون دراستك ممتازة
مجد نعم لا يوجد عندنا رقابة من الاهل وهم المسوؤلون في الدرجة الاولى
وكأن هذا المسلسل شي عادي
كم من الشباب تفاعل مع تلك المسخرة وكم حالة ارتكبت بعد هذا المسلسل من مما شوهد
مصيبة وطامة كبرى ما يحصل في بيوتنا
وتدمير لديننا

الحمد لله ما بتابع هيك مسلسلات هابطة وسخيفة وما في لا قصة ولا حوار واصلا متابعته تدل على هبوط الذوق العربي

تم النقل

والله يا نبيل اكيد اذا ما كان في رقابة داخلية اولا ورقابة من الاهل رح يصير كل اشي مباح

لكن والمصيبة انه كثير من الاهالي بتابعوا هالمسخرة المعروضة وامام اطفالهم حتى

شيء مخزي والله واصبح الذوق العربي هابط

اشي جميل انك ما تابعي هيك مسلسل
لانه فعلا هابط
ولا يستحق المشاهدة لما يحمل وما يعني
مسلسل لضياع الشباب والصبايا

والله وعد المصيبة ان الاهل يتابعو قبل الاكل ويجتمعو على هذا
المسلسل وكأنه درس ديني والعياذ بالله
الى متى هذا التسيب في متابعة اطفالنا وشبابنا

وفعلا يا نبيل الصغار متابعينه قبل الكبار وعارفين تفاصيل المسلسلات التركية وتفاجأت انه بتروح تسهر عند ناس وبحطو على المسلسل وممنوع حدا يحكي ولحتى تنتهي الحلقة وكله فراغ فكري للاسف

والله وعد تعالي عنا في الشارع وقت المسلسل لا تجدي حدن

والله مصيبة في الفكر والعادات والتقاليد والاهم الدين الذي ابتعدنا عنه كثيرا

ما اختلفنا يا مناوي بس على القليلة يعملو منه مسلسل عربي
مش تركي و البنات الي بالمسلسل على طول الحلقات مزلطات و مشلحات
و بعدين ما في حد متابع القصة الشباب متابعين تشليح البنات
و البنات متابعين بياخة هذا الي اسمة مهند

الواقع انه مجتمعنا فيه كتير اشياء مخفية و اتوقع انه عنا عشق ممنوع و زنا محارم
فليش نعمل مجتمعنا انه نظيف و شريف مع انه بصير فيه بلاوي متلتلة
و طبعا فيه كتير ناس كويسه و محترمة
و الا بيوت الدعارة شو مشغلها بالبلد برايكو
بالنسبة للمسلسل الاب والام كانوا بحضروه قبل الاولاد
فمين بدك تلوم والا مين
اذا الحجات و الختياريات كانن بحضرن مهند فما بالك بالصبايا

والا الزوجات الي زوجها ما بعرف يبوس مثل بوسة مهند

هذا المسلسل يمثل الواقع التركي الذي هو بالأصل يقلد ويحاكي الواقع الغربي ولا يمت للواقع العربي بأي صله
عادات وتقاليد علمانيه بعيده عن الإسلام لا يعرفون الدين إلا عند الموت يقرأون الفاتحه على الميت غير هيك لم أرى أي معالم إسلاميه
في هذا المسلسل
أما إن كان هذا زنا محارم أو لا فما الفرق أليس في كلا الحالتين.... زنا

ليش تبتعدواعن الموضوع و بتنكروا و بتحكوا انه مش موجود عنا
بدي اسال سوال جرائم الشرف اللي فعلا بتثبت انه جريمة شرف بقرار من المحكمة مع اثبات الادلة
شو بكون سببها
الانحلال الاخلاقي الموجود بالمجتمع العربي فليش نعمل الغرب علاقة لاخطاءنا
و ليش التقليد الاعمى

يا اخوان القصه لا تمثل الواقع الفعلي زي ما تفضلوا بعض المعلقين.....هؤلاء اصحاب الثراء الفاحش واغلب تفاصيل حياتهم هكذا في جميع انحاء العالم ......وعلى فكره في اقاليم بتركيا متدينه اكثر منا....لكن الفرق الوحيد بتركيا هو التداخل بين هذه الفئلت.....يعني على مستوى مدينه اسطنبول تقدرتقول القسم الجنوبي اسلامي محافظ وتشوف الكل بلبس اسلامي ..,و...و وتشوف القسم الاخر مغاير اله تماما على سبيل لمثال....
فالتركيبه المعقده بالمجتمع التركي قد تعطي انطباعا خاطئا للوهله الاولى ولكن عند معايشة الواقع والاختلاط فيه تتبين الحقائق بصوره اوضح

بعدين يا علي فيه كثير مسلمين لا بصلوا ولا بصوموا و لا حتى بيقروا قران
مسلمين بس بالهوية

انا ما عندي اي مشكلة مع القصة و بتفق مع زين لانها ممكن تكون في مجتمعنا
بس بختلف مع الاداء و تحويلة من القصة الى فلم اباحي و ليش ما يكون من انتاج عربي كامل

وشيء ثاني و دليل على انة مسلسل فاشل فيه 260 حلقة تقريبا و كلهم ممكن ينجمعو بخمس حلقات
يعني مسلسل تجاري و اباحي ولا معنى منه

معك حق king sam انا ما حضرته بس كنت اشوف دعاياته يعني اشي بخجل و اللي بخجل اكتر كيف العيلة بتكون قاعدة سوا و بتتفرج كأنه المناظر الاباحية اللي فيه و قليلة الادب صار اشي عادي الله يحمينا و يحمي المسلمين

اللي ما بصلي في مجتمعنا بفهم بالدين أكثر من المتديينين عندهم
يا زين

شكلك مش عايش بالبلد يا علي و لا شايف اشي انا عن جد بعرف كثير ناس اجانب
كثير روعة و بفهموا بالاسلام مع انهم مش مسلمين
بعدين عنا الناس متدينين على بعض الاشياء
ابسط مثال اللباس الي بناتهم بطلعن فيه بخزي و مفصل كل اجسامهن بس ايش اهم شئ انها لابسة حجاب
بكفي انه المراة الاجنبية لما تشهر اسلامها بتلتزم بالاسلام اكثر منا
ولو بدنا نظل نحكي بالموضوع ما رح انكمل فخلي هالناس تتفرج و الله هو الذي يحاسب

برضه يا زين اللي مش ملتزم بالدين بمجتمعنا بيفهم أكثر من المتديينين عندهم
أنا مصرّ إصراراّ وإلحاحاّ

يا سيد علي السولافه مش بالاصرار والتزمت .....احنا نتكلم وقائع والاراء الشخصيه والاصرار عليها ما ياثر عالواقع عدم المؤاخذه ....وتركيا فيها من العلماء والمتدينين والعباد لا يعلمه الا الله فلا يصح التعميم على بلد كامله بضعف الدين والايمان (مع العلم اننا العرب بعيدين كل البعد عن الدين رغم ان الدين بلساننا) فقط من مسلسل تلفويوني .....اتقوا الله يا اخواني

صباح الخير اولا
ما دام انه بيفهم زي ما بتحكي ليش ما يطبق الاسلام على اصوله
بعدين مش كل الغرب سيئين في هيك و هيك و انا ما اقتنع بكلامك

العلماء في أي بلد هم دعاة إصلاح يا balshorman
وطبيعي إنهم يكونو ملتزمين والطبقه الفقيره أيضا عندها إلتزام نوعا ما بالدين
أما الطبقه الغنيه وخاصه في تركيا فهم لا يعرفون شيئا عن الدين
وشاهدنا بالمسلسل كيف شرب الخمر كما هو شرب الشاي عنا على الموائد
بجوز إنها خمره حلال بدون كحول
هههههههههههههههههههههه

أنا الحمد لله ما حضرت وما بحضر أي نوع من المسلسلات الإباحية لأن فيها تحقير من نفسي أما بالنسبة للمسلسل فهو ساوى ضجة كبيرة وواطفال كتير تابعته بس نحن أكيد مو لازم نحط الحق عالأطفال ولا عالمسلسل ولا عالقناة نحن منحط عالأهل لان الإباحة موجودة من زمان بس زمان كان في أهل يربوا ويهتموا بس هلأ للأسف معظم الأهل بهدن ترباية اللهم إني أسألك العفو والعافية

صح لسانCH سوسنه

والله يا عمي مختصر الحديث ان المسلسل هذا ارباحه وشعبيته عنا اكثر بكثييييير من تركيا يعني معناته اللي بحضره موافق عالحكي هذا ومش معارض اذا اصبح حسب كلامكم لا فرق بيننا وبينهم (حسب اعتقادكو) طبعا شو احنا المدينه الفاضله يعني ما حدا يشرب ويحشش ويزني بالمره قطط مغمضه ما شاء الله ههههههه
فالاولى يا اخوي اصلاح المجتمعات اللي احنا فيها وبس نخلص نبلش بتركيا واوروبا و ...و...و
ان الله لا يغير ما بقوم حتى يغيروا ما بانفسهم
ونهي الغير عن منكر نقوم (كمجتمع)به فهو اثم

عجبني كلامك يا براق و انا متفقة معك بالراى

أنا مش متفق معكم كلكم
والله يصلح حال الجميع
بس لا تنسوا إنه إحنا أهل الإسلام!!!

امييين الله يصلح حال الجميع وزي ما اتفضلت ام زين عنا بلاوي مصبره بس احنا نتغاضى عنها وكانها مش موجوده والاسلام اصبح اسلام هويه وجوازات فقط للاسف الشديد نسال الله ان يعيد امجاد الاسلام والمسلمين الى سابق عصرها يا الله

الموضوع حلو ومهم كتير

أنا بتزكر جملة مو متاكدة مين قالها من الممثلين الأتراك في مسلسل لميس ويحيى أول مسلسل لهم
صارت مقابلة وقالو فيها انه الممثلين والمسلسلات التركية ما انشهرت عنا قد ما انشهرت وجمعت عدد كبير من المشاهدين عند العرب,,

يعني انه المشاهد العربي ما سدء ويعرضو مسلسلات هابطة متل هيك كلها وساخة وقلة حيا,,,
وعيون كل البنات والمراهقين مفتحة عليه

المسلسل كله ع بعضه ماله قصة وفاشل مع اني كنت أحضره ام بي سي
ماحسيت فيو شي حلو واللي اسمه مهند هاد مخنث اصلآ وكل البنات مبسوطين عليه ليش؟؟ مو فاهمة

عم ينقلو لبيوت المسلمين والعرب قذارتهم
بس انصدمت لما شفته عم ينعرض ع قناة عربية مصرية اللي هي ميلودي
عم ينعرض كامل مكمل متل ماهو بالتركي بكل قذارته ووساخته

ليش توصل معهم لهالدرجة

اخواني واخواتي شكرا على الطرح لكن المسلسل من البداية الى النهاية حرام في حرام فالامر لا يقتصر فقط على العلاقة المحرمة التي تجمع بين ابطاله فالحرام ممتد الى مشاهد الخمر و طريقة شربه و كأنهم يشربون الماء بلا خجل و لا حياء ياريت كان الامر متوقف فقط على العلاقة الغير شرعية وصولا الى وجود شخص اجنبي يعيش في بيت واحد مع ابنة عمه كما تقول قصة المسلسل هذا بحد ذاته تجاوز للحدود و الآداب حدث و لا حرج عن باقي المشاهد التي لا تناسب عاداتنا و تقاليدنا ضاربين بعرض الحائط مشاعر و عواطف المشاهد العربي(المسلم) عندما تخرج (نهال)مع ابن عمها قبل الزواج و تجاوزهم للآداب و الاخلاق العامة....و الحديث يطول في هذا الامر
وعندما قلنا زنا محارم
قلنا حتى تصل الفكرة وقصدنا ان في النهاية وجود زنا وهو امر لا يقبله احد على نفسه
اذا قلنا ان هذا الشخص قد ربى هذا الطفل وكانه ابنه
لذلك كان القصد ان اطفل اصبح ابنه
ومع ذلك تعدى كل حدود التربية والاخلاق
مع الزوجة وابنة العم قبل الزواج
اجمالا موضوعي كان المسلسل وما يحدث فيها من قلة ادب وتجاوز كبير في المناظر الاباحية التي لا نرضى بها
وكم ابعدنا عن اخلاقنا
هذا المسلسل وغيره من المسلسلات الاباحية والتركية مصيبة كبرى ودخيلة على مجتمعنا العربي والاسلامي
فتيات بعمر الورد نهبت عذريتها بسبب هيك مسلسلات
عداك عن المتزوجات التي اصبحت كل وحدة تريد شخص تافه كا مهند
وكم حالة طلاق حصلت بسبب تلك المسلسلات
والبقية عندكم

من كلام الجميع عن هالموضوع حاسة انها الدنيا توقفت عند هالمسلسل
انا متاكدة انه الكل حضر المسلسل اذا مش كله نصه او حتى كان يشوف دعايته
فيا جماعة اذا ما بدكم تحضروا هيك برامج ليش تركبوا الديجيتال من الاصل
و المسلسلات العربية افضع بكثير من التركية و الافلام و الاغاني
حتى افلام الكرتون التى تعرض لا تناسب الاطفال كلها رعب و قتل

لا اختي ليش ما نركب
في النهاية راجع الاختيار لنا
وبما نراه من برامج
هناك برامج فيها الفائدة وحتى مسلسل حتى قد يكون فيه الفائدة
اما نسبة من تابع هذا المسلسل اكيد كثيرة
واكثر من الاتراك نفسهم
لا ننا نهوى كل شي ممنوع ولذلك تري المتابعين كثر
ولكن نسأل الله الهداية للجميع
والرجوع الى الدين الذي يحرم علينا تلك الفتن
انا والله استغرب حين شخص يدافع عن هيك مسلسل تافه

انا ما بدافع عن المسلسل بس الواقع هيك

الواقع مرير
اذا بقي على هذا الحال
وننحن نناقش قضية مهمة لنا جميعا
وحتى لا نقع في مثل هيك امور
امر ما من وراها الا خراب البيوت

لا يغير الله ما بقوم حتى يغيروا ما بانفسهم ....
يا اخوان الاصلاح يبدا بالنفس ثم الاقرب فالاقرب فالمجتمع ما ما نقدر نقول بدنا نمنع اشي من ساسه لراسه مره واحده .......يعني الحل بسيط لهاي المسلسلات ما بحضرها وخلصت فكت ....وفعلا لو انه الكل قاطعها وما حضرها لما عرضت على شاشاتنا وباعلى النسب فالافلام هاي والمغريات موجوده من زمان .......

لا اريد ان ادخل معك في نقاش طويل في زنا المحارم
ولكن سوف اترك تلك العبارة
واركز على كلمة زنا في النهاية وهي اكبر من اي كلام
يعني اخدت كلمة كنا نحاول ان نقرب فيها كم هي مصيبة ان تعيش في بيت
وتاكل وتشرب وفي نفس الوقت تخون
تخون من اعتبرك ابنه تخون من حماك من الضياع
الا يجوز من باب الاحترام ورد الجميل على الاقل ان تصون بيت عمك
وان تكون من يدافع عن شرفه بدل العكس الشنيع
هذا ملخص كارثة اختي في مسلسل دخل كل البيوت
وزرع فيها اسو الامور التى هي بعيدة كل البعد عن ديننا