لوعة المشتاق

أبيات جديدة الطرح لكم وأتمنى لها القبول


،

يا ليت الذكريات العابره ما تحيي الأشواق
ولا يطري بقلبي لك غلا لا رحت متناسي
أنا مليت من صبري وأنا مقوى هجر وفراق
ولالي كود ليلي والقصيد وزفرة أنفاسي
حبيبي يعلم الله وش غلاك وتشهد الأوراق
ويشهد لك وفاي ودمعتي من فوق قرطاسي
أنا ساهر لجل عين الصباح وطلعة الإشراق
وأقول بخاطري يمكن يزيل الصبح وسواسي
ولا أدري كيف أجامل وأتحمّل حمل ما ينطاق
ولا أذكر لي فرج بعد الله إلاّ عجزي وياسي
أبيك تروح عنّي يا سبايب لوعة المشتاق
وأبيك تروح يمي يا هناي وغاية إحساسي
غريبه ضيقتي والأغرب إنّي في هواك أنساق
مع إنك فيك من طبع الحجر ما تشعر وقاسي
أنا لي في هواك سنين ما هي فبركة سرّاق
أحبك كثر ما أشوفك حبيبي في وسط كاسي
تحياتي لجل عمرن قضيته واللقا بعناق
إلين أقفيت منّي في بحر الأوهام غطّاسي

كلمات رائعة

اشكر لكم مروركم الغالي شرف لي ان ارى ردكم يتالق ويضيء مقالي