عقبال ياماخذ فؤادي مية عام
ضيعتني منك وانا ما اهتديتك
لا مانسيتك كيف بنساك مادام
ذكرى الفراق تهزني لو نسيتك
حبك قدر وانا على دين الاسلام
مكتوب في وجهـ الجبين ورضيتك
ولك منزلٍ في نايف القلب وخيام
وذود الغلا ترعاه ولاشكيتك
يفطر عليك القلب وان فارقك صام
والله لو انك شوك سدرة كليتك
القلب طيرٍ لادعى للهواء حام
والا انت وكره من كثر ماهويتك
كن العيون من النظر عقبك ايتام
وكني ماريت الا انت من يوم ريتك
وكنك معي وانا فقدتك من اعوام
مع الخيال القاك كني لقيتك ..
من صعب وصالك ماا تهنيتك احلاام !
لا جابتك فزيت ( شوووق ) و محيتك !
يعني وصالك صعب واهدافي اوهام
يعني زرعتك للقدر ماجنيتك ؟
صبرك يقولون العرب كل الأيام
يومٍ عليك ويوم لاجاك | جيتكـ’
و يا قلب ياللي ورثك جروح والآم
بليتني ماهو أنا اللي بليتك
ولعتني من عادني بالهواء خام
واسرفت بي وانا اخطأ منك عطيتك :/
طعتك وزبدة طاعتك هم وهيام
مالله كتب لي , واستخرت وعصيتك !
لو للقلوب اسواق بايع وسوام
لا ابدلك وان جيتني مااا شريتك !
والا انت ياللي جيش عينيك مقدام
لا اقنعت منك والرجاء مارجيتك
كني سجين بين افراج واعدام
وكنك [سجن وانا بـ نفسي بنيتك]
وعقب الوصال اللي على عين من لام
قد هو يكفيني عن الوصل صيتك
وقدني اذا مريت بالشارع العام
لديت مما في الضمير ودعيتك
ادري ان -صوتي ماقطع عشرة اقدام !
وادري بي اعوّد الى من نصيتك
يآ شينهآآآ يا محني راس الابهام
مقدر على شوفك وانا عند بيتك ..!!
موضوع: وصالك صعب 
27/4/2011, 03:17
