قصيدة تمتمة فرقاك

علامك تسأل عيوني اذا انها بدلت مسراك
وانا تهت بجنون الشوق يوم ٍ جيت قدامي
تأمل يا الغلا فيني تشوف انك معي و اهواك
تشوف القلب يخضع لك و حبك مجمل احلامي
تغيب شهور عن عيني واذا انك جيت يا حياك
ارحب بك و اهلّي بك و ابيّن حبك السامي
تعال انثر لك اشواق ٍ بكت من تمتمة فرقاك
تبي تحظن دفا صدرك و تروي قلبي الضامي
تعال إلبس هوى ثوبي اذا ثوب الهوى يزهاك
تزيّن لي وانا اْتزين غرام و شوق مترامي
بعوض كل ما فاتك و بنهي كل ألم يشقاك
بنسيك الحزن و الهم و اْبري جرحك الدامي
حياتي تحتظن حلم ٍ تمنى يبتدي وياك
يعيش العمر بعيونك وينفض غبرة ايامي
يزين الليل بحضورك و اغازل روعة محياك
واحاول قد ما اقدر أخبي لوعة آلامي
تفنن و احرق اعصابي انا كلي وله يفداك
حلالك دام لك مديت قلبٍ ذبحه اسلامي
أبصبر وان غدى دربك عسير وتخدشه الاشواك
لأني مستحيل ارضى بديل ٍ يسكن الهامي
عسى طول الهجر يبري جروحي يا الغلا والقاك
يزيل الشوك عن دربك و ابدل زلّة اوهامي

الزمن كفيل بمداواة الجروح اخي

دآإئمـاَ تَـبهَـرٍوٍنآآ بمروركم

أإلتي تَفُـوٍح مِنهآ عَ ـطرٍ أإلآبدآع وٍأإلـتَمـيُزٍ

لك الشكر من كل قلبي