قصيدة منحوس

الى متى يا حظ بتضلّ منحوس
لك يا النصيب سْنين لازلت نايم
كل ما سريت بْدرب القاك معكوس
ما اظن تمطر وان غدى الجو غايم
ناس ٍ من اعماق البحر صادت عْروس
حوريةٍ ما مثلها من غنايم
وانا مع سنارتي جبت لي قوس
و جفّ البحر من يوم ما جيت عايم
وشلون تضبط دام هالوجه معبوس
دوم انت ضدي ما كفتْك الظلايم
الجوع جاب الويل و القحْط ملموس
الزاد عندي واغلب الوقت صايم
احفظ من كْتاب الزمن بعض الدْروس
دونتها في منهجي لي علايم
المنزله ما تنبني بْملك الفلوس
لكن رخوم اليوم صاروا عظايم
والنخله اللي هدها الضيم و السوس
وش عاد نرجي من ثمرها قسايم
واصل الشجاعه ماهي بْكسر الضروس
حلم الذكي بيْبيْن وقت الهزايم
واذا شعرت انك من الخلف مرفوس
هذا دليل انك على العز قايم
احذر يصير الجاه في كل ملبوس
يمكن تصير ارخص من لْباس حايم
لاتشتري لك سلعةٍ باعها نْجوس
تنغش وانت بْسوق بايع و سايم
السيره الحسْنه بها الطيب مغروس
تبني بها دنياك و تْدوم دايم
يا شينها لو يصبح الحلم كابوس
لا بوه حظٍ ّهدّ حيل العزايم
يا حظ قلي وين تنباع بفلوس
عطني مكانك بسّ وآجيك هايم

هههههههههههههههههههههههههههههه المنحوس منحوس
يبدو ان صاحب الكلمات صاحب حظ سيء

دآإئمـاَ تَـبهَـرٍوٍنآآ بمروركم

أإلتي تَفُـوٍح مِنهآ عَ ـطرٍ أإلآبدآع وٍأإلـتَمـيُزٍ

لك الشكر من كل قلبي