أسئله ترفع الضغط
زي:-
انت الحين بغرفتك منسدح بفراشك ومطفي النور فجأه يخش عليك اخوك او اختك ويفتح الباب
ويقولك بتنام ؟؟؟
(لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- هااا بتطلع؟؟؟؟؟
!!
(لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(هاا قاعد تدرس؟؟؟؟؟ !!
(لا افرش اسناني !! يعني ماسك الكتاب شسوي اكيد ادرس)
-----------
انت الحين بالكافيه صدفه شفت واحد من الربع او الاهل .. قالك هاا شتسوي هنا؟؟؟[size=25] !!
(ابيع مويه) !! لا تعليق
--------------------
لا وتعالو شوفو قنواتنا العجيبه هم واسئلتهم !!
مثلا بالعيد بيقابلوا واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- اش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو الاطفال , , ,
يقول المذيع للطفل :- أنت تحب ماما وبابا ! ! !
(( لا احبك إنت ووجهك)) سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك؟؟؟
(يعني انت داق على مطعم تبي تطلب بالله ؟؟؟!! من زود الأتكيت يعني)
--------------------
يعني اسئله غبيه مثل هالاسئله ماشفت
يالله في أمان الله والله يحفظك من الأغبياء!
موضوع: أسئله ترفع الضغط 
20/1/2010, 23:33
