لا شفت وقتك صاير فيه مافيه,,,
اصبر على المقسوم خيره وشره,,,
ترى الدهر مهوب ولدك تربيه,,,
مهما حصل لك من برده وحره,,,
وان شفت حظك منسدح لاتوعيه,,,
يقوم من نومه وينحاش مره,,,
خله بنومه وأطلب الله يشفافيه,,,
يكمن يحصل له علاج يسره
---------------------
يقطعك ياحظ له أسنين منكوب
لاجيت أعدل فيه قام يتثنى
خلاني مثل اللي من العقل مسلوب
ولاتركني بالرقاد أتهنى
عزالله أنه ماخذ فيني أذنوب
وعزالله أنه مع زماني تجنى
ياعمري اللي راح لوعات وكروب
جداي أرتجي وأهوجس و أتمنى
------------------
با لغلا والود يسعدلي مسـاك
والوفا والحب للعاشق رصيـد
قلبي اللي كل ما يذكـر غـلاك
يذكر اللي فات يالضبي الفريـد
أسعد الايام يا عمـري معـاك
يوم أشوفك عيد يالعيد السعيـد
لأ ذكرت التوت من مبسم شفاك
أشعل شموع المودة من جديـد
ياهوى قلبن تولع فـي هـواك
أرحم اللي مات في حبك شهيد
-----------------
استبد الليل وارخى سدوله مستميت =حط سبع المستحيلات وانبتها نبات
ازرع احلامي بصبري وهذا ما جنيت =ضاعت ايامي والاحلام خلتها شتات
ما كتبت اصعب من الحلم وايضا ما قريت =ولا مشيت اسهل من الدرب درب الامنيات
لا تعاتبني تراني بمقدوري وفيت =والعتب نظرات قسوة تسوي بي سواة
للزمن وقفه وللحزن دمعه والف بيت =خلنا نبعد ويمكن يجمعنا الممات
وضع ماهو بختياري وانا والله دريت =من فراقك صار قلبي يا محبوبي فتات
لو بقى للوصل دربٍ يوصلني مشيت =ضاع مجدافي ولا فادني طوق النجاة
لا متى وعيوننا ترتجي حلم المبيت =في حضن ليلٍ تعدى ولا ينوي مبات
ادري الحظ الردي صار يهدم ما بنيت =وش نسوي دامه الحظ غارق في سبات
لك وعد مني لاصون المحبه ما حييت =يمكن الفرصه تجي فالسنين المقبلات
موضوع: الحظ الردي 
5/4/2011, 06:58
