حبة ملح

حَبِّة مِلِح


أهَون عَلَيِّي النّار والمَيِّي
أجيكي حامِلهن بإيديّي
وأهون عليكي تيجي وِتروحي
تْرُشِّي المِلِح بيدِكْ على جروحي
هاتي المِلِح ، كَمْشِه
من قبل ما امشي
وْرُشِّي المِلِح
عا قلبي وروحي!!
وبوحي !
ولا تْبُوحي !!
وْكِرْمال لِمحبِّه
عَ الأرض لَو وِقْعَت ولو حَبِّه
رَح أحبي عإيديِّي وإجريِّي
وألِمّ حَبِّة هـَ المِلِح ،
بِرموش عينَيِّي !!

مواضيعك رائعه جدا اشكرك على اختيارك المميز