مين الراجل دة ؟
[ندعوك للتسجيل في المنتدى أو التعريف بنفسك لمعاينة هذه الصورة]
الراجل
دة إسمه ( هارى هودينى ) ( HarryHoudini ) فنان من رواد فن الخدع والحيل
فى العالم , يكفى إنى أقول إنه أستاذ كل من جاء بعدة فى هذا العالم زى
ديفيد كوبر فيلد مثلا , ولد هارى هودينى فى بودابست , لأسرة يهوديه , ولا
يعرف بالظبط تاريخ ميلادة , إلا أنه بعد وفاته عثر على شهادة ميلاد قديمه
له , وفقا له فهو من مواليد مارس 1874
عمل
هودينى فى طفولته وشبابه فى صنع الأقفال , ومن هنا إتعلم كل حاجه عن
الأقفال , وقال بعد كدة إن مفيش قفل فى الكون ميقدرش يفتحه , وكان دايما
معاه مفتاح لكل قفل , والقفل الى ميرضاش يتفتح كان بيخبط عليه خبطات معينه
فى أماكن معينه عشان يتفتح ...
بعد
كدة إشتغل هارى هودينى فى الشغلانه الى هتطلق إسمه لأفاق الشهرة مدى
الحياه .. وهى العروض السحريه ... كان هارى هودينى عندة موهبه هى موهبه
الهروب ... هارى هودينى يقدر يهرب من أى مكان , ويفتح أى قفل ويفك أى عقدة
حبل , وأى سلاسل أو جنازير يتربط بيها , وكان بيقدم عروض شيقه جدا منها على
سبيل المثال لا الحصر :
الهروب
من السجن , ودى اللقطه الى فى اول التدوينه هنا , وبيظهر فيها هودينى
مربوط بسلاسل وأقفال , وفى زنزانه سجن , لكنه بيقدر يتخلص من الأقفال ويفك
السلاسل ويدهن جسمه بالبترول أو الزيت ويهرب من بين فتحتات الزنزانه الضيقه
!
الدفن حيا ..
تم دفن هارى هودينى فى تابوت ولفه بالأكفان ومن ثم لفه بسلاسل وأقفال ,
ودفنه تحت عمق كبير فى الأرض , إلا إنه بيفك كل الأغلال دى ويستغل نفق معد
مسبقا ويطلع تانى للأرض !
ربط
هارى هودينى بسلاسل وأغلال وكلابشات , ورموة فى الميه ... أى إنسان بيحترم
نسفه يموت فى صمت تحت الماء , إلا أن هودينى فك قيودة تحت الماء , وخرج
بهدوء !
[ندعوك للتسجيل في المنتدى أو التعريف بنفسك لمعاينة هذه الصورة]ومن
أهم أعماله , الهروب من علبه اللبن الضخمه , ودى خدعه مات كتير من السحرة
أثناء عملها إلا أن هودينى العظيم ( زى ماكان بيحب يسمى نفسه ) قدر ينجز
الخدعه دى بنجاح ...
سحر أم فن ؟
البعض
قال إن هارى هودينى بيحصل على مساعدة من قوى خفيه , من خلال إستعمال السحر
والتواصل مع الأرواح , إلا أنه بنفسه أنكر الكلام دة , وقال إنه بيعتمد
على الكثير من خفه اليد , وسرعه الحركه , ودراسه طرق فتح الأقفال وأخفاء
المفاتيح فى كل أنحاء جسدة , وكان معروف عنه خدعه عجز عن أداءها كل سحرة
العالم حتى اليوم , وهى إنه يبلع كميه كبيرة من الإبر , وبعدين يبلع خيط
طويل , وبعدين يطلع الخيط من معدته بعد ما ( يلضم ) الأبر فى الخيط جوة
معدته !
بيعمل كدة ليه ؟
[ندعوك للتسجيل في المنتدى أو التعريف بنفسك لمعاينة هذه الصورة]
مفيش
إجابه معروفه للسؤال دة ... لكن فى أسباب مشهورة , زى الفلوس والشهرة ,
والإحساس بالتفوق الذاتى ... أنا أقدر أعمل الى ميعملوش أى إنسان ... فى كل
حيله تحدى جديد , وفى كل تحدى شهرة جديدة ...
وكان
لهارى هودينى خبرة فى تحضير الأرواح , حاول فيها أحد السحرة إيهامه بتحضير
روح أمه ( لامؤاخذة ) إلا أن التجربه فشلت , وأعلن هارى هودينى عدم إيمانه
بتجارب تحضير الأرواح , رغم إيمان صديقه اللدود ( أرثر كونان دويل ) مبتكر
شخصيه شيرلوك هولمز بتجارب تحضير الأرواح ...
ولما
مات هارى هودينى ظهرت إشاعات كتير إنه كان جاسوس , وإنه إستغل عروض
السحريه لقاءة بأشهر الشخصيات العالميه فى عمله التجسسى , لكن طبعا كعادة
عالم الجاسوسيه منقدرش نتأكد من شىء ...
ليه إهتمامى بهارى هودينى ؟
[ندعوك للتسجيل في المنتدى أو التعريف بنفسك لمعاينة هذه الصورة]
الراجل
دة فرض نفسه عليا مؤخرا , قريت عنه فى أكتر من مكان فى أوقات متقاربه ,
إستفزتنى القصه , جبت فيديوهات وصور وتحقيقات , ثم كتبت التدوينه دى فيها
خلاصه كل دة ...
وفاه هارى هودينى
بعد
إبداعه فى أحد الفقرات , قابله فى الكواليس شابين , وسأله واحد منهم هل
يقدر يتحمل أى قدر من الضربات فى معدته ؟ وكان هارى هودينى مشهور بعضلات
معدة فى صلابه الحديد , فأجاب الشاب إنه يقدر يتحمل أى عدد من الضربات ,
وكان هودينى مسترخى على الكنبه و ( مش مدى خوانه ) وفجأه هجم عليه الشاب (
وكان بطل ملاكمه ) وضربه 4 أو 5 بوكسات فى بطنه بكل قوة ... هارى هودينى
ظهر على وشه الألم لكن تحمل , وقال للشاب إن كدة غلط لإنه كان لازم يكون
واخد إحتياطه قبلها عشان يقدر يجهز عضلات بطنه ....
وفى
مساء نفس اليوم أصيب هارى هودينى بألم شديد ونقل للمستشفى وتبين أصابته
بثقب فى الغشاء البريتونى فى المعدة نتيجه الضربات , ومات بعدها بأيام ...
هى دى كانت قصه هارى هودينى ... إيه رأيكم فيها ؟