ــا قلــب .. ما مــرّك حبيبــي وتكلّـــم... ؟؟؟
يا قلب .. ما مرّك حبيبي وتكلّم ؟
أوّل بخل "بالشوف"..والحين "بالصوت"
فرصتك يا قلبي .. تعيش و تعلم
إن الهوى و العشق نزوة و بتموت
أجمع سنينك للفراق .. وتولّم
واضحك عليها .. كلّ مافاتك الفوت
ياسيّدي .. و الليل غطّا .. و ظلّم
وأنا صحيت .. وفي يدي سبعة كروت
كتبتها لك .. يوم كنت اتحلم
في شوفتك .. والشّوق مرمر و ياقوت
عليك .. صبري بين الأضلاع علم
وعليك .. شوقي داخل القلب مكبوت
وأنا الوحيد .. اللي بقربك تألم
تعطيني السّكين .. و اعطيك انا التوت
أكلّمك .. و العذر ( غالي و أسلّم )
و إلا الصراحة جد .. ( مشتاق لك موت )
أمانتك .. لا ضقت مني .. تكلم
وأنا أوعدك .. ماعاد أسمعك هالصّوت
موضوع: يا قلب ما مرك حبيبي 
20/3/2011, 02:07
