اجمل ماقيل في الغزل والعتاب

الدمع مرات مو بس حزن يعني
ثكيل وبس عليك الجدم يعني
كتلة شلونك وكال يعني
ومعنى اليعني مالك غرض بية
...............................
سلالتكم نسب يوسف نسبها
والدنيا بغير نظراتك نسبها
جمال الناس بالمية نسبها
بس نسبت جمالك سبعمية
...............................
فرصة انطيني ومهلني لعلماك
ؤخاف اتكول ماادري لعلماك
انا السارية الواكف لعلماك
ومن أطيح.اطيح خركة علا الوطية
................................
بقى غامض سؤالي وياك منحل
ؤجسمي من السهر والنوح منحل
ابشرك صرت بين الناس منحل
العسل حصتك ونا السعات بية
................................
يدنيا خف عزم روحي وكلبي
ؤبيدج دفتر اهاتي وكلبي
أبمحبتة يشهد الساني وكلبي
ودمع عيني وصفار الوجه بيه
.................................
اناشد وين حاديهم سراباك
هواي ومن شحم ريتي سراباك
غشيم وصدكت عيني سراباك
حشاك انت الذنب مو بيك بيه
.................................
زبد ياملمس الوجنة من الحر
وخاف اتموع من تمشي من الحر
ابنادم صورك ربك من الحر(الحور)
ونا اشايل سكم هاي الاذية
.................................
اود افهم قصوري وين شجرة
ؤدفنتك بالكلب سباح شجرة
غشيم ؤعفت طيري فوك شجرة
بغابة وظاعت الشجرة علية
..................................
عفينة وماعرفنة سباب شطاك
وعطشنة وماشربنا ماي شطاك
دكلي الوهدناك اليوم شطاك
وشخذ منك ثمن جرمك علية
...................................
انا الواضح ولمبين ولاصاك
ؤمنهو الغيرك عني ولاصاك
ونا الماكاتل ابئيدي ولا صاك
وبسب حبك كمت اكتل وصك بثنين ادية
......................................
وهذا البيت الاخير اهداء مني الى كل من يقرء المشاركة
هاك الكلب بيدك حيل طحنة
امس فوك النجم واليوم طحنة
ياوسفة بشر ظلام طحنة
غشمة وتعودنا عل الاذية

للتنبيه
الكلب هنا تعني القلب
الكلمات عراقية اتوقع

اشكرك على مرورك