بكيتك ليلة البارح ولا أدري ويـش بكانـي
سريت الليل من شانك أدورلك معه جره
ولا أدري وش بلا قلبٍ على الأشواق صحاني
ولا أدري وش بلا شخصٍ جمال عيونه يغـره
تركني سافر لحاله مع الضيقات خلاني
وأنا زوله ليا قفا يهيضني مـن الحــره
بقاله في حياتي طيف ذكرى باقي أحزاني
وبقالي في حياته شي ماينساه بالمـره
مدام ان الزمن يمشي مدام ان العمر فاني
أبا أبكي لين أحس ان الدموع تفك الأزره
ألا وش حيلتي لامن حظي طاح وأشقاني
ماعندي حيلتن ياكود طاروقٍ لي أجره
بعيش اللي بقالي من سنين العمر وحداني
أببعد عن طريق الحب وأترك خيره وشره
ولاظنيت عقب الحب الأول بقبل الثاني
هذاك الحب عقبه ما أعيش الحب بالمره
موضوع: بكيتك البارحه 
14/1/2010, 14:55
