رت سنه وأنا من الصوت محروم
لاوصلني صوته ولاشفت زوله
كني سجين(ن) عاش فالسجن مظلوم
أعفو خطا الظالم وهو ماعفوله
ظامه زمانه وإقتنع قال مقسوم
وصار الحزن فالصدر صوله وجوله
وش حيلته لا حارب عيونه النوم
وشهي سواته لا احترا مالفوله
ياكثر ماعنده من أسرار وهموم
من قو صكات الزمان وميوله
يخفي همومه داخل الصدر ويشوم
مايشتكي للناس لو هم شكوله
واليوم كني بالحزن صرت ملزوم
عقب الفراق اللي تغنت طبوله
لفراقها بالصدر طعنات وسهوم
ولانيب ناسي ذكريات الطفوله
رغم الفراق وحبها دايم الدوم
دوم يتزايد وسط قلبي وحوله
ماكنت أظن إنه يبا يمر بي يوم
تبعد عن دروبي خطاوي رجوله
وخابت ظنوني فيه وأصبحت محروم
لاوصلني صوته ولاشفت زوله
موضوع: مرت سنه 
14/1/2010, 14:53
