د.امجد قورشه يسأل البخيت :

موضوع: د.امجد قورشه يسأل البخيت : 5/2/2011, 07:23

كتب د.امجد قورشه -

[ندعوك للتسجيل في المنتدى أو التعريف بنفسك لمعاينة هذه الصورة]

د.امجد قورشه يسأل البخيت : إذا كان الذي في القفص هو حبة القمح فهل يجوز أن يكون القاضي دجاجة ؟؟

دولة الرئيس ... لن أبارك لك .... بل سأقول أعانك الله على الحمل الثقيل الذي إن أنت قررت فقد يأخذك إلى الفردوس وإن لم ... فهي الأخرى والعياذ بالله

سيدي دولة الرئيس

كان الله في عونك لأنك جئت في زمن صعب... جئت والحكومة السابقة قد فتحت أبواب جهنم على من سيأخذ الحمل بعدها

جئت والشعب الأردني قد أزداد وعيه أضعافا مضاعفة وأصبح أكثر قدرة على فهم أصول اللعبة والاهم أصبح قادرا على إحداث التغيير الذي يحلم به ولو جزئيا... واكبر دليل مجيؤك خلفا لدولة الرفاعي والكل يعلم أن اكبر سبب كان وراء التغيير هو الرأي العام والضغط الشعبي

سيدي دولة الرئيس هناك ثلاثة ملفات تقف أمامك كل واحد منها عقبة كالجبل ... لك ربما في اثنتين منها بعض العذر ولا عذر لك -وسامحني- في الثالثة

الأولى : عقبة الكازينو والأثر الخطير الذي تركه في نفوس الأردنيين وتعلمون دولتكم أن الاتفاقية قد تمت في عهدكم!!! فإن لم تكن يا دولة الرئيس مستعدا لمواجهة الناس بهذا الملف فأظنك في وضع صعب جدا ولقد تناهى إلى مسامعي أن دولتكم تنوون المصارحة بهذا الملف وكنت قد علمت أن الأمر كان أكبر منك لذا أقول التائب حبيب الله وليست المشكلة بالذنب إنما في الإصرار عليه

الثانية: ملف تزوير الانتخابات وأعلم أنكم لستم مسؤولين عنه لكنكم تعلمون من هي الجهة المسؤولة عنه وكم هي حجتهم في التزوير ضعيفة وتتنافى مع أبسط بديهيات الزعم بأننا دولة حريات وديمقراطية وأعلم أنكم تنوون المصارحة بهذا وبيان أو توضيح من الذي يتحمل المسؤولية في هذا فإن فعلتم فلكم جزيل الشكر وقد تكون لكم نقطة مضيئة في سجلكم إن تم على أيدي دولتكم انتخابات نزيهة إن شاء الله

أما الثالثة والتي لا أظن أحدا سيسامحك بها وأعتقد أنك ستكون كمن غرست خنجرا في صدر كل أردني شريف عاقل محب لوطنه وأمته ألا وهي سعيك للجلوس والمشاورة مع النواب حول الحكومة الجديدة..... سيدي هل يمكنكم اعتباري أخا صغيرا لكم يحب لكم الخير ويلفت انتباهكم إلى أن الغالبية الساحقة من الأردنيين يعتقدون أن الغالبية (ولا أقول الكل) من مجلس النواب قد وصلوا للمجلس وفق اليات دارت حولها الكثير من علامات الاستفهام وأن القانون الذي أوصلهم قانون ظالم لا قيمة له عند غالبية الأردنيين فهم لا يمثلون الأردنيين في غالبهم (إلا من رحم ربك وقليل ما هم) فكيف سيتقبل الأردنيون فكرة أن رئيس حكومتهم سيستشير مجموعة من النواب بتشكيل حكومة يفترض فيها أن تحل أول ما تحل مشكلة النواب الذين جاؤوا ب(..)!!!! وتخيل دولتكم حجم الصدمة التي ستصدمنا بها لو أنكم اخترتم من هؤلاء النواب وزراء في الحكومة!!!! عندها يؤسفني أن أقول لكم سيدي دولة الرئيس أن مصداقية الحكومة قد سقطت قبل أن تتشكل.

ولعله يحسن بي سيدي الكريم أن ألفت انتباه دولتكم بأن كتاب التكليف السامي قد شدد على ضرورة السعي لوضع قانون انتخابات عصري منصف بعد التشاور مع القوى الوطنية وهذا محال أن يكون بوجود وزراء من مجلس نواب غالبيته برأي الأردنيين قد وصل بالتزوير .

فهل تعتقد سيدي أن الذي اشترى ذمم الأردنيين بماله أو اشترت الحكومة السابقة ذمته بشئ من الدنيا قليل سيحرص على السعي لقانون انتخابات منصف وعادل؟؟؟

إنك يا سيدي إن فعلت فستكون كمن وضع حبة القمح في القفص ظلما ثم قرر أن يخضعها لمحاكمة عادلة فقرر أن يكون القاضي هو الدجاجة!!!!

والنتيجة التي أتوقعها إن حصل هذا أن يكون وضع حكومتكم يا سيدي أصعب بكثير من وضع حكومة دولة الرفاعي

ودمتم فاعلين للخير

والله من وراء القصد

د. أمجد قورشه

موضوع: رد: د.امجد قورشه يسأل البخيت : 5/2/2011, 07:34

اشكرك لك موضوعك المميز

موضوع: رد: د.امجد قورشه يسأل البخيت : 5/2/2011, 07:48

العفو ياخالد وحياكم الله اخونا الكريم

موضوع: رد: د.امجد قورشه يسأل البخيت : 5/2/2011, 07:50

تسلم

موضوع: رد: د.امجد قورشه يسأل البخيت : 5/2/2011, 07:52

ممكن يكون دجاجة
عنا بالعالم العربي كل شي بيصير

موضوع: رد: د.امجد قورشه يسأل البخيت : 5/2/2011, 07:55

لعله خير......... والصراحة مسؤوليته كثير كبيرة ورح يكون اول اهدافه ارضاء الشعب ->LOOOOOOOOOOOOOOOOOOL<-

موضوع: رد: د.امجد قورشه يسأل البخيت : 5/2/2011, 07:57

وما رح يرضا

موضوع: رد: د.امجد قورشه يسأل البخيت : 5/2/2011, 07:57

فعلا اجا بموقف عصيب جدا واذا كان قد الحمل رح يتحمل ويغير واذا ما كان رح يسوء الوضع اكثر واكثر واصلا موضوع الكازينو كان على ايامه لما كان رئيس وزراء وتانشوف يا معروف شو رح يطلع معك

موضوع: رد: د.امجد قورشه يسأل البخيت : 5/2/2011, 07:59

والله يا محقق كونن احنا شعب ما برضينا العجب العجاب

موضوع: رد: د.امجد قورشه يسأل البخيت : 5/2/2011, 08:31

يمكن احنا شعب صار فوق راسنا اشي كثير واستوطوا حيطنا اكثر من اللزوم وفاض بنا الكيل ......مطالبنا عادية لكنها اصبحت كثيرة وكبيرة لانه من زماااااااااااان كثير مارفعنا صوتنا وحكينا خلص بكفي

موضوع: رد: د.امجد قورشه يسأل البخيت : 5/2/2011, 08:34

في احصائيات بالعالم العربي احنا الدلوه ال3او4 في ترفيه المواطن

موضوع: رد: د.امجد قورشه يسأل البخيت : 5/2/2011, 08:47

بحكيلك كيف اعرفت انها كذبة قال من كبرها !!!!!! احصائيات كاذبة ومابدها تفسير

موضوع: رد: د.امجد قورشه يسأل البخيت : 5/2/2011, 08:48

اكيد احنا شعب بتمحن كثير بس والله طفح الكيل

موضوع: رد: د.امجد قورشه يسأل البخيت : 5/2/2011, 08:50

يمكن احنا بنتمحن كثير لكن تمحينا على اشياء من حقنا ومش طالبين اكثر من حقنا

موضوع: رد: د.امجد قورشه يسأل البخيت : 5/2/2011, 08:59

صح وحتى ابسط الحقوق وطالبين نعيش زي اي مواطن على وجه البسيطة عايش بابسط ظروف الحياة

بس مجد بعدي المسدس عن عيوني بخاف منه ههههههههههههههههههههههههه

موضوع: رد: د.امجد قورشه يسأل البخيت : 5/2/2011, 09:01

ههههههههههههههههه حبيبتي وعد انتي مابنرفع بوجهك الا الورد والياسمين حتى تتعلم هالورود الجمال من روحك ياغالية

موضوع: رد: د.امجد قورشه يسأل البخيت : 5/2/2011, 09:05

حتى لو مسدس الموت لاجل عيونك بكون شهادة يا غالية وعلى قلبي احلى من العسل

موضوع: رد: د.امجد قورشه يسأل البخيت : 5/2/2011, 09:09

حبيبتي وعد بعيد الشر عن قلبك ياغالية وتنكسر ايدي اذا بدي افكر بيوم من الايام اجرح ارق وردة بالعالم ولو حتى بصورة

انتي الك مكانة جدا كبيرة وغالية عندي

موضوع: رد: د.امجد قورشه يسأل البخيت : 5/2/2011, 09:10

ايش الي بتطلبوه من الاردن وما قدمتهعنجد احنا بنتهبل
في بيت بالاردن ما عندو سيارتين و5 موبايلات على الاقل
وبتشكو من العيشه
والله الي بمس الاردن بشعره لخلي امه ما ولدته

موضوع: رد: د.امجد قورشه يسأل البخيت : 5/2/2011, 09:13

mido كتب:: ايش الي بتطلبوه من الاردن وما قدمتهعنجد احنا بنتهبل
في بيت بالاردن ما عندو سيارتين و5 موبايلات على الاقل
وبتشكو من العيشه
والله الي بمس الاردن بشعره لخلي امه ما ولدته

اها حلو ..........ردي عليك بكلمة وحدة (انا أردنية)

موضوع: رد: د.امجد قورشه يسأل البخيت : 5/2/2011, 09:15

وانا اردني حر من خوفي على الاردن حكيت
لو بطالعي الاخبار بتشوفي انو الاردن حطينها بعد مصر لتغير النظام
انتي بترضي بهذا الواقع
ممكن اجابه لكل من بقراء ردي ؟
والله لافدي الاردن والملك باخر قطره من دمي

موضوع: رد: د.امجد قورشه يسأل البخيت : 5/2/2011, 09:22

شو فكرك يامحمد رح نعمل انقلاب على الملك مثلا >>>>>> اكيد لألألألأ

النظام اللي سعوا اغلب الاردنيين لتغييره هو الحكومة الوزارة اللي مصت دم الشعب حكومة الرفاعي

موضوع: رد: د.امجد قورشه يسأل البخيت : 5/2/2011, 09:25

تغير الرفاعي ولسا مو راضي فئه من الشعب
لو يعمل الملك متل ما بده الشعب راح يطلب الشعب بكره اشي كبير
وانتم مو عاجبكم اشي لا الحياه وبتحكو محرومين من الحريات
بدهم تكسير راس متل هيك [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: د.امجد قورشه يسأل البخيت : 5/2/2011, 09:28

[ندعوك للتسجيل في المنتدى أو التعريف بنفسك لمعاينة هذه الصورة]
جاجة كونن وايدوه اليمين

موضوع: رد: د.امجد قورشه يسأل البخيت : 5/2/2011, 09:40

اسمع هالقصة لأحكيلك يا محمد :

هاي كان يامكان في اب مهنته تربية الصيصان [ندعوك للتسجيل في المنتدى أو التعريف بنفسك لمعاينة هذه الصورة] وبيعهم ومن ورا هالمهنة ربّا ولاده وكبرهم وعلمهم (المهم وبلا طول سيرة) بيوم من الايام تعب الاب كثير وحس انه خلص رح يفارق الحياة فنادا ابنه الكبير ليحكي معه ,فعلا اجا الولد الكبير وسمع لأبوه وبنهاية الحديث طلب الاب من الاب انه يجيب قفص مليان بالصيصان على الغرفة وفعلا جاب الابن القفص ,فطلب منه الاب انه يفتح باب القفص ففتحوا الابن وطبعا طلعت الصيصان وصارت تركض بكل الغرفة وهون طلب الاب من الابن انه يجمع الصيصان مرة ثانية ويحطهم بالقفص فصار الابن يلحق بالصيصان ويحط واحد بالقفص ويفلت منه 2 وضل على هيك اكثر من ساعة وتعب كثير واستسلم ماقدر انه يرد يجمع هالصيصان بالقفص .....طبعا الاب هون طلب من ابنه يجيب قفص ثاني مليان بالصيصان ,فجاب الولد قفص ثاني مسك الاب القفص وقد يهز فيه ويرجه وصوت الصيصان علا كثير وبعد شو سكتت كل الصيصان وفتح الاب باب القفص وماطلع منه ولا صوص ........فحكى لابنه :"شفت يابا ريحهم بدوشوك (من دوشة او ضوضاء) وادوشهم بريحوك"

وهيك بتكون خلصت قصتنا وبنكون اعرفنا انه النظام المستخدم معنا كشعب اردني هو (ريحهم بدوشوك وادوشهم بريحوك)

موضوع: رد: د.امجد قورشه يسأل البخيت : 5/2/2011, 09:45

مدام انهم مريحينا ليه ما نريحهم
الصيصان تعب عليهم وراح يكبرو ويتاجر فيهم
اذا كانو مناح تجارته رابحه واذا غير هيك
ما حد راح يطلع فيهم
بالاخر احنا لازم نعرف الاردن وما لديها تعطينا
الاردن ما عندها اي خيرات ترتكز عليها
احنا الشباب مصدرها ليه لنخرب فيها

موضوع: رد: د.امجد قورشه يسأل البخيت : 5/2/2011, 09:49

مريحينا !!!!!!! قول داوشينا بحكيلك ااااااااه

المهم محمد بحترم فيك حبك للاردن وهاد الشي متأصل فينا كشباب اردنيين ولكن مطالبنا لاتعني التخريب والتعدي على الاردن

وكلنا الاردن

موضوع: رد: د.امجد قورشه يسأل البخيت : 5/2/2011, 09:52

ما راح اتناقش اكتر من هيك يا بطه
بس بوعدك لما اصحصح من الرشحه تاعتي راح اقطعك
ههههههههههههههههههههههههههههههههههههههههههههههههههههه
تسلمي يا قمر المنتدى

موضوع: رد: د.امجد قورشه يسأل البخيت : 5/2/2011, 10:08

mido كتب:: ايش الي بتطلبوه من الاردن وما قدمته عنجد احنا بنتهبل
في بيت بالاردن ما عندو سيارتين و5 موبايلات على الاقل
وبتشكو من العيشه
والله الي بمس الاردن بشعره لخلي امه ما ولدته

انا معك يا محمد بيلي حكيته صحيح انه ما فيه شي كامل والكمال لله بس احنــــــا والحمد لله احسن من غيرنا بكتير وربي يديم الملك فوق روسنا غير رئيس الوزراء متل مابده الشعب يعني بالمختصر نحمد ربنا على الملك ..والله الاعلام بزودها كتير وخاصه الجزيره بدها تطلع الاردن فيها فوضه بس الشعب شايف وعارف

موضوع: رد: د.امجد قورشه يسأل البخيت : 5/2/2011, 17:51

شكرا كتير على الدعم والمؤازره اخي \اختي
علينا ان نحمي الاردن من عيون الطامعين فيها

موضوع: رد: د.امجد قورشه يسأل البخيت : 5/2/2011, 20:01

majdcs كتب:: اسمع هالقصة لأحكيلك يا محمد :

هاي كان يامكان في اب مهنته تربية الصيصان [ندعوك للتسجيل في المنتدى أو التعريف بنفسك لمعاينة هذه الصورة] وبيعهم ومن ورا هالمهنة ربّا ولاده وكبرهم وعلمهم (المهم وبلا طول سيرة) بيوم من الايام تعب الاب كثير وحس انه خلص رح يفارق الحياة فنادا ابنه الكبير ليحكي معه ,فعلا اجا الولد الكبير وسمع لأبوه وبنهاية الحديث طلب الاب من الاب انه يجيب قفص مليان بالصيصان على الغرفة وفعلا جاب الابن القفص ,فطلب منه الاب انه يفتح باب القفص ففتحوا الابن وطبعا طلعت الصيصان وصارت تركض بكل الغرفة وهون طلب الاب من الابن انه يجمع الصيصان مرة ثانية ويحطهم بالقفص فصار الابن يلحق بالصيصان ويحط واحد بالقفص ويفلت منه 2 وضل على هيك اكثر من ساعة وتعب كثير واستسلم ماقدر انه يرد يجمع هالصيصان بالقفص .....طبعا الاب هون طلب من ابنه يجيب قفص ثاني مليان بالصيصان ,فجاب الولد قفص ثاني مسك الاب القفص وقد يهز فيه ويرجه وصوت الصيصان علا كثير وبعد شو سكتت كل الصيصان وفتح الاب باب القفص وماطلع منه ولا صوص ........فحكى لابنه :"شفت يابا ريحهم بدوشوك (من دوشة او ضوضاء) وادوشهم بريحوك"

وهيك بتكون خلصت قصتنا وبنكون اعرفنا انه النظام المستخدم معنا كشعب اردني هو (ريحهم بدوشوك وادوشهم بريحوك)

مجد انت فخااااااااااااااامة

موضوع: رد: د.امجد قورشه يسأل البخيت : 5/2/2011, 20:07

عجبتك القصه مقدمه مني الك

موضوع: رد: د.امجد قورشه يسأل البخيت : 5/2/2011, 20:15

ميدو لانه هاد اللي عم بيصير معنا
و اللي بيصير بالاردن من احتجاجات حق مشروع
انت بتحكي ما في بيت بالاردن الا عنده سيارتين ووو

طب شو رأيك انه الي بالوظيفة 8سنوات و راتبي ما تجاوز ال340د مع كل هالزيادات و للان عاجزة عن شراء سيارة ب4000 لانه الراتب بيطير من بداية الشهر
يا رجل و الله والله في عالم عنا عايشة عالعتمة و البرد في ناس اكل ما لاقيه
لي انا اعيش بالقل و غيري بيتبغدد بهالملايين ؟ ومن وينله اصلا وهم بيحكوا عن حالهم انهم عانوا و انهم كانوا اولاد حراثين؟

موضوع: رد: د.امجد قورشه يسأل البخيت : 5/2/2011, 20:19

سنة الحياه وقدر الله وزع الرزق على العباد لما لا نرضى بما هو مقسوم لنا

موضوع: رد: د.امجد قورشه يسأل البخيت : 5/2/2011, 20:21

سنة الله العدل مش الظلم و الجور و الفساد و الرشاوي ووووووو
امن الاردن و استقراره خط احمر غير هيك من حقنا نطالب بأبسط حقوقنا مش طالبين شي كتير

موضوع: رد: د.امجد قورشه يسأل البخيت : 5/2/2011, 20:41

صدقيني هاد الله ما قسمه النا وغير هيك ما بعرف شيء
طيب انا وصل راتبي هاد الشهر 400 ومش قادر اغير موبايلي
عادي

موضوع: رد: د.امجد قورشه يسأل البخيت : 5/2/2011, 20:48

ميدو فعليا و بذمتك و ضميرك مين اللي بيستحق اعلى الاجور اللي حاط رجل على رجل بمكتبه وبيداوم ربع دوام و الا اللي بيطلع من طلعتها و ما بيرجع ع بيته الا ع غيبتها و بيتشحطط بالمواصلات و بيتحمل تلطيش و اهانات ووووووو ؟

موضوع: رد: د.امجد قورشه يسأل البخيت : 5/2/2011, 20:55

راح احكيلك قصه
صارت معي شخصيا
بيوم بيطلب الرئيس احصائيه بطلب شغلها تقريبا 5 اشهر
على مستوى جميع الجامعات الحكوميه بالاردن
طبعا من مكتبنا
الكل طلع من الموضوع ووقعت براسي
المدير فرغني لهاي المهمه
بس المهم اخذت الشغل
سلمت الشغل خلال شهرين الكل تعجب
طبعا كتاب الشكر اجاء للمدير
المكافئه اجت لمكتبنا المدير 400
نائب المدير 350
ورئيس الشعبه 300
وانا اجاني 250
تخيلي الموضوع
انتي
بس هاي رزقتي

موضوع: رد: د.امجد قورشه يسأل البخيت : 5/2/2011, 21:01

لا هاد هو الظلم بعينه

لو فيه عدل ما كان حقك انهضم

بتعرف شو اللي بيصير عنا ؟ كل الفساد و الرشاوي و التخبيص بيتم بكلمة ( اوامر من فوق ) وهاد اللي خلا سيدنا المرة الماضية يحكي انه هاي الكلمة بديش اسمعها مرة تانية لانه فعلا فقرنا و بطالتنا و غلاء اسعارنا صار بهاي الكلمة

موضوع: رد: د.امجد قورشه يسأل البخيت : 5/2/2011, 22:07

المهم انو في طرق للاصلاح مبلشه لندعمها بدل ما نوقف بوجها

موضوع: رد: د.امجد قورشه يسأل البخيت : 5/2/2011, 22:28

لعله خير

موضوع: رد: د.امجد قورشه يسأل البخيت : 5/2/2011, 23:50

ان شاء الله