سعد الشاذلى حدوته مصريه ...............................................................
الشاذلى
بقلم : جمال النجار .................... إهداء إلى الأب الشرعى الحقيقى لنصر أكتوبر 1973 إلى الفريق / سعد الدين الشاذلى رئيس أركان حرب القوات المسلحة المصرية الأسبق الفترة من 16/5/1971 - ديسمبر 1973 سعد الشاذلى هو الرجل الذي استطاع أن يفرض الإرادة العربية على أمريكا وإسرائيل رغم ضعف الإمكانيات ورغم قوة أمريكا وإسرائيل فقد خاض الحرب وانتصر رغم استحالة ذلك منطقيا للتفوق الساحق لإسرائيل فى ذلك الوقت ولكنه استخدم العلم وتحدى المنطق وحقق المستحيل بإيمانه بجنوده وقواته هو الرجل الذى اثبت أن النصر يرتبط بقوة القلب وليس بقوة السلاح هو الرجل الذى اثبت أن رغبة الشعوب فى الحياة هى ما يحقق النصر :
النهارده أنا جاى أحكي حدوته بس موش إي حدوته موش بتنتهى بالتبات والنبات وجواز الصبيان والبنات أنا حاحكى عن ولد !! ولد شاف الديب بيسرق فى أرضه وماشى يهتك فى عرضه والكل خايف يصده
قال حاصده ... وبالضافر والناب حعضه ولو كان التمن موتى حاصده ما هو ولد راضع من أمه اسمه سعد والنيل أبوه ومصر هى أمه وأبو الهول خاله والهرم عمه أنا شفته قبل كده فى صلاح الدين فى حطين وفى أحمس .. ورمسيس.. ومينا وفى خالد ..وابن الزبير.. والحسين ده أمه حبلى فيه من آلاف السنين ما هو حورس ابن إيزيس ..الأمل الدفين
اللى شايلينه جوه الهرم ساعة الخطر يطلع يقول قلبى وحياتى فداك يا مصر يا ارض الطيبين هى دى بداية الحدوته يا مصريين بس يا خسارة أخرتها من النوع الحزين عن الغول ..والعفريت..والخاينين قول يا تاريخ قول .... بس يكون كلام معقول.. منين أجيب ناس يا قاهرة لمعناه الكلام يتلوه عملوا ادهم ..وأبو زيد ..وعنترة ..وسعد الشاذلى نسيوه
كلهم بطل !!خطط وحارب وانتصر!!!حتى التاريخ سرقوه!!؟؟ فاكرة يا قاهرة السادات لما وقف وقال أحارب ..وكلهم خذلوه!! ووقف البطل قال معاك يا ريس ولا اليهود هموه قالوا له عايزين نووى وذرة ..رد قال المصري مافيش أخوه سيد الخلق قال احسن جنود الأرض. هو بس لو تراعوه خطط ..ونفذ ..وعبر..وحارب وانتصر..وبرضك ظلموه!!!! خافوا قالوا العسكر بتحبه..على لندن بعتوه والآخر قالوا خان الأمانة !!وباح بالسر ونفوه!! سر إيه يا بلد ؟!!ما قبل كده قطز قتلوه
عملوا عملتهم الاندال وباسم القانون سجنوه فى يوم حيقف التاريخ ويحاسب اللى خانوه ويقول عيب عليك يا مصر.. جاسوس اليهود يسيبوه!!! وابنك الحر سعد الشاذلى تسيبيهم يحبسوه!!؟؟؟ عجبى
الفريق سعد الشاذلى أرجو أن تقبل اعتذاري يا سيدى إذا عجزت كلماتي أن توفيك بعض حقك ولكن عذري انك دائما اكبر من كل الكلمات فكل الكلمات فى كل بحور الشعر باللغه العربيه لن تستطيع ان توفيك حقك علينا
kingsam
موضوع: رد: سعد الشاذلى حدوته مصريه 3/2/2011, 18:21
يسلمو هشام
jistcoirbid
موضوع: رد: سعد الشاذلى حدوته مصريه 3/2/2011, 18:26
والله ياسام اعصابي وفكري مشوشة للذي يحصل في مصر العروبة لااجد شئ اقدمه لثوار يعلموننا دروسا" حية . ورست افكاري على الشاذلي . ثوري أمي ,,النيل أحمرُُ !!
Jasmine collar
موضوع: رد: سعد الشاذلى حدوته مصريه 4/2/2011, 04:48
رائع
theredrose
موضوع: رد: سعد الشاذلى حدوته مصريه 4/2/2011, 04:53
موضوع: سعد الشاذلى حدوته مصريه 
3/2/2011, 18:14
