وجه الشبه بين كندرة الفقير ولحمة الغني

إثنيناتهِنْ ؛ بيظل عند صاحبو على طول ..فكندرة الفقير هيّ وحدة ما فيش غيرها بتظل مرميّة بوجهه على طول ..و اللحمة عند الغني ما بتخلص ..دايما يفطروا لحمة ويتغدوا لحمة و يتعشوا لحمة و يتسحروا لحمة ..عشان هيك ( مربربين ) و بناتهم وأولادهم لحمهم نظيف ..!!
إثنيناتهِنْ ؛ يقعد على نار ..فالفقير رجل دايماً مولِّع نار؛ الكندرة برجلو تغلي غلي من كثر ما هراها و يجوز بتطلِّعْ شرار من كثر الاحتكاك ..واللحمة عند الغني دايما عَ النار و بانتظار مين يلهطها ..!!
إثنيناتهِنْ ؛ ما بيقعد عند صاحب الثاني ..يعني لو الغني شاف كندرة الفقير عند باب بيتهم ؛ بسرعة وزي الملسوع يزتها على طول إيدو أو يحرقها من الأصل ..واللحمة إذا دخلت بيت الفقير ما تبات ولا تنام ..يعني تنقرض من البيت بسرعة الضوء..!!
إثنيناتهِنْ ؛ يموتن في إشي إسمو لَتْ وعَجِنْ ..يعني اللحمة مع إيش ما عجنتها و لتنتها بتمشي و أزكى منها ما فيه ...وكندرة الفقير ؛ لا تخشى من شيء ؛ بتنزل في وحلة ؛ بتخبط على بعر ..بتدعس على كرشة ..بِتْلِتْ وتعجن حالها في كل شي..!!
إثنيناتهِنْ ؛ في البيت ما حدا بيطلع فيهن ؛ لا اللحمة ولا الكندرة إلاّ عند الحاجة ..أمّا إذا طلعن من البيت ..فعينك ما تشوف إلاّ النور ..اللحمة برّة البيت الكل يتطلع إليها و ينظر و يتحسر عليها ..وكذلك كندرة الفقير ؛ الكل برة البيت يتطلع إليها و يتحسر ؛ بس مش عليها ؛ بل على صاحبها ..!!
إثنيناتهِنْ ؛ ما بيشتغلوا على الكهربا ولا على البطارية و لا على بنزين ..بس إذا أجوا على النار انتهوا وما عادوا يرجعوا..!!
إثنيناتهِنْ ؛ يشعران بالعز و الفخار مع إصحابهن ..فاللحمة شايفة حالها على كل الأكل الموجود في بيت صاحبها وإنها المدللة بنت المدللة ..وكذلك كندرة الفقير ؛ تشعر بهيبة وهو لابسها أو راكبها ..تقول إنو صاحبها واحد ربنا فاتحها عليه ..!!
إثنيناتهِنْ ؛ مهما كبروا و مهما عليوا ومهما كانوا يعزّوا على صاحبهن ؛ ما بيقدر يحطهن على راسو ..!! فلا الفقير يحط الكندرة على راسو ..ولا الغني ينطِّزْ باللحمة فوق راسو..!!
أمّا أهم فرق بين كندرة الفقير و لحمة الغني ..فهو : اللحمة تجيب الكلاب للغني ..أما كندرة الفقير فيبعد بها الكلاب عن الغني ..!! عشان هيك : اضرب الدنيا بكندرة؛ يمكن في يوم تشتّي الدنيا لحمة..!!

موضوع في غاية الروعه

شو هالروابط العجيبة هاااااي افحمتينا وانشالله تصير الدنا تشتي لحمة مش غلط بس بتصير ريحة الشوارع زنخة

[ندعوك للتسجيل في المنتدى أو التعريف بنفسك لمعاينة هذه الصورة]

تسلم مستر والله انا اول شي اخدت فكره عن المواضيع الي بالمنتدىوبعدين سرت انزل مشاركاتي
تشتي لحمة تسير الشوارع زنخه مو مشكله المهم البال يكون مرتاح
[ندعوك للتسجيل في المنتدى أو التعريف بنفسك لمعاينة هذه الصورة]

كيف يعني مش فاهم اشي يا ريت توضحي لاني حاسس حالي تبهدلت؟؟؟؟؟؟؟؟؟؟؟؟

زائر

:affraid:

لا ما عاش الي يبهدلك
بحكيلك عن تنزيل مواضيعي انو اول شي اخدت فكره عن المنتدى بعدين سرت انزل مواضيع
وبالنسبه لراحت البال انو شو ما اكلنا لحمه ولا خبزه اهم شي يكون بالنا مرتاح
ما قصدت شي تاني
مشكوووور

فادي خير مالك خفت من شو ؟ :warda: :warda: :warda:

:shokran:

العفو رشاد ويا هلا فيك ما احلا السلام صح لا مضاهرات ولا شي
[ندعوك للتسجيل في المنتدى أو التعريف بنفسك لمعاينة هذه الصورة]

thank you >>>>> niceeeeeeeeee

يسلمو بي انسايد
[ندعوك للتسجيل في المنتدى أو التعريف بنفسك لمعاينة هذه الصورة]

زائر

يسلمووو يا لارا شو ما نوكل كله كذب بكذب

المهم البال يضل مرتاح وهذا اهم شي بالحياة

ويسلموو يا الماس

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
مشكوووره الله يعطيكي العافيه
[ندعوك للتسجيل في المنتدى أو التعريف بنفسك لمعاينة هذه الصورة]