KLIM
 |  موضوع: wolf fish السمكة الذئب  7/11/2010, 02:36 | |
| السمكه الذئب، Wolf Fish
هنتكلم النهارده عن سمكه جميله (طبعا بالنسبه للسمكويه المفتريين) هى السمكه الذئب ... للسمكه الذئب عده أسماء غريبه مثل(السمكه الذئب,السمكه الأسد,تترا الذئب ,تترا الأسد , أكله البرانا) . المهم نبدأ:
السمكه الذئب، Wolf Fish
[ندعوك للتسجيل في المنتدى أو التعريف بنفسك لمعاينة هذه الصورة]
- الاسم العلمى: Hoplias malabaricus
- درجه ال PH: سمكه قويه و مدى واسع 6-8 أهم حاجه الثبات فى طبيعه المياه بصفه عامه
- أماكن تواجدها بالطبيعه : لسه بنقول أكله البرانا يبقى أكيد أمريكا الجنوبيه والوسطى
- درجه الحراره المناسبه:21-25
- الحجم الأقصى حوالى 20 أنش يعنى 50سم بس طبعا فى الأسر مبتوصلش للحجم ده
- نتكلم بقى عن الحوض المناسب ::.....
أولا أحنا محتاجين حوض واسع يناسب حجم السمكه دى بس مع السمكه الأرتفاع ميفرقش لانها دايما موجوده (ملقحه الجته)فى القاع أو مباشره تحت سطح الماء ولازم يبقى مليان مساحات واسعه للسباحه وكهوف وهكذا وأهم حاجه فى الحوض هو تغطيه الحوض لانها بينها مصدقه نفسها وفكره نفسها ذئب بجد وتهوى القفز من الحوض ...
- شويه كلام بقى عن طبيعتها ..
1- السمكه دى ممكن تتنفس الهواء الجوى وفى الشتاء ممكن تلاقيها عايشه وسط الطين
2- السمكه الذئب سمكه ليليه (مش بقولكم مصدقه نفسها) يعنى تنشط أكتر فى الليل بس ممكن تتغلب على ده عن طريق أنك توفر أضاءه هاديه وأماكن مغطاه كثيره فى الحوض
3- سمكه الذئب سمكه كسوله بمعنى أنها مبتحركش من مكانها غير علشان تركن فى مكان تانى بس بالرغم من كده سمكه سريعه جدا فى أنقضاضها بس بتستنى الضحيه لما تقرب منها مبترحلهاش بنفسها
4- السمكه دى لونها يترواح بين الفضى والبرونز وفيها لطع سوده على جسمها
5- سمكه سريعه النمو جدا بمعدل من نصف الى انش شهريا ده لو الظروف مناسبه وتغذيه جيده
- التغذيه : طبعا زى باقى الأسماك المفتريه بتاكل الأسماك الحيه والميته واللحم وهكذا
- التفريق بين الذكر والأنثى صعب جدا وأن كانت الأنثى أكبر حجما والتفريخ صعب بعض الشئ ولكم ممكن فى الأحواض العملاقه ودى صوره لمراحل نموها
- السمكه الذئب صعب للغايه تواجدها وتربيتها مع أسماك أخرى لانها ستقتلهم أن أجلا أو عاجلا مهما كانو
[ندعوك للتسجيل في المنتدى أو التعريف بنفسك لمعاينة هذه الصورة] | |
|
mr lonely
| | موضوع: رد: wolf fish السمكة الذئب 7/11/2010, 02:46 | |
| يسلموو معلومات مفيدة ...... جد سمكة بتخوف | |
|
KLIM
| | موضوع: رد: wolf fish السمكة الذئب 7/11/2010, 03:05 | |
| بتخوف و عدوانية كتير نورت اخي | |
|
