وصلتني رسالة من صديق اردني رافض الزواج وارجو انو ما يزعلوا مني الصبايا

الفرق بين الزوجة الاردنية والسورية


اذا وقع زوجها عن الدرج:
السوريه:ولي على آمتي، سلامتك حبيبي أنشاء الله ، انا ولا انتا ابن عمي ( ميته خوف عليه )

الاردنية: شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)

اذا الزوج بدو يسافر:
السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

الاردنية:أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:
السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )

الاردنية: شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)

إذا طلبت شى منه :
السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

الاردنية: إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )

إذا جابلها هدية :
السورية: يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري

الاردنية: والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )

اذا بدك شي منها :
السورية: من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي

الاردنية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.

لو طلبت منها فنجان قهوة :
السورية: من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )

الاردنية :بدك قهوة ؟ هي اخوانك مرميين فى الحوش روح اشرب معهم، وللا أقلك روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

اذا حكالها (بدك شي؟) وهو طالع :
السورية:- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )

الاردنية: لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.

الذوق والتنويع فى الاكل:
السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة
بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

الاردنية: لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل. طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق.

بتمنا ما حدا يزعل مني بس هيك وصلتني
جد كتير اسف

ههههههههههههههههههه

والله ضحكت من قلبي.....بس للعلم الزوجه النكديه الها فايده بس لحتى يعرفوا الرجال انه الاردنيات بخافوا كتير على ازواجهم ....

جد انا كلي اعتزار من الصبايا بس مشان الجو
انا بترجا صبايا المنتدى انو ما حدا يزعل مني

عاشق هواكي انا عن كل بنات المنتدى بحكيلك انه مو زعلانين لحتى تعتذر ...لانه بصراحه فيش شي لتعتذر عليه

شكرا لمروركون
انتي العسل وعد

جد انا حاسسها تئيله
بس مجرد نكته او مزحه بس انا هيك بتحسس كتير وموسوس

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

والله انك عسل يا سهيل وما يهمك البنات ليشس انت اللي حكيته جايبه من برا مهو هاذ الواقع
يسعدك ربي
حبيبي سهيل اذا في حواليك شاميه متل هيك احكيلي تراني بدي اكرر بالجيزه وفتحت نفسي عالجيزه تؤبر ألبي ابن عمي يبي مزكاها

ههههههههههههههههه مقبولة منك يا سهيل

ههههههههههههههههههه
لا يا نايف انا ما بغدر باخواتي الاردنيات وبخرب بيوتهن

:oops:

جميلة لكن هل سألنا انفسنا عن تثقيف الاسرة من الاصل؟
احترم المرأة الاردنية لانها قتلت من الاصل في تربيتها وهية طفلة وشابة حتى في التعليم , ولا ننسى سلطة الرجال في الزمان الغابر !!! كانت التفرقة في ذروتها بين الولد والبنت !!!! هكذا نشأنا على عادات وتقاليد عمياء0
نحن لازلنا بحاجة ماسة الى التثقيف الاسري 0وعندما تشعر المرأة براحة نفس من الداخل نجدها اينما كنا في كل زوايا الحياة ليس في المطبخ وحسب 0
تحية الى كل نساء الاردن دون استثناء 0

بالعكس هن في عيوننا

حياك الله

يا جماعه هلا في شغله النساء السوريات هي هيه ميزتهن عن كافة النساء مو بس الاردنيات ورح اوضحلكون ليش نشائت هالميزه عند السوريات ومن التوضيح ما ذكرت الاخت

عفوا الاخ jistcoirbid

وهاد السبب انو السوريات فيون هالمواصفات
أكدت دراسة حديثة أن المرأة السورية جاءت كأجمل ثالث امرأة عالمياً بعد المرأة المجرية والبولندية.
واعتمدت الدراسة التي قام بها مركز ستارش البريطاني للأبحاث العلمية حول أجمل نساء العالم على عدة معايير للجمال ومنها الرقة التي تتمتع بها الفتاة السورية وكمية الحياء في تصرفاتها.
مواصفات أخرى تحدثت عنها الدراسة تمتعت بها المرأة السورية أبرزها قدرتها الفائقة على التفاعل مع الموضة دون أن يفقدها ذلك شيئا من أنوثتها.
واعتبرت الدراسة أن أحد أسرار انجذاب الرجال إليها الحنان الوافر الكامن في قلبها الذي يمدها بطاقة حب كافية.
وشددت الدراسة على أن الفتاة السورية تلبى طلباتها بدون عناء ودائماً يقوم أحد بخدمتها، إضافة إلى أنها ليست بحاجة إلى عمل فمصروفها متوفر لها من أولياء أمورها دون الحاجة للعمل ، وأن اهتمامهم بها منذ الولادة وحتى
وفاتها يدل على احترامها ، ولكن هي تفضل العمل كي تتساوى مع الرجل .
ووصف البحث الفتيات السوريات بأنهن ملكات العالم ، فالملكة لا تقود السيارة بل الخدم من يقوم بذلك و الفتاة السورية مثل الملكات تماماً .

معلومات جميلة اخي عاشق
ولكن عندنا من الجمال والتعليم والانوثة ما يضاهي
العالم ولكن باخلاق كبيرة

يا سيدي الله يخلي الاردنيات والسوريات ويحفظهم
تؤبشني ابش وتحفر ابري بابره هنيالكم يا عم هههههههههه