انا ساكن مقابل شارع رئيسي بعمان الي هو شارع الاستقلال بحب اوقف على البلكونة كتير بشوف سيارات خصوصي وعمومي وباصات واسعافات واطفاءيات وسيارات نجدة وجيش ومواكب ملكية وبرضو في ناس بتحب تتمشى تخيلو كم فكرة بتيجي براسي وانا واقف على البلكونة مثلا لما اشوف اسعاف بصير افكر رايح لمين ووين وشو صاير مع الشخص وكيف وبضل احلل لما يمرق اشي تاني ملفت زي فاردة العرس بكونو عرسان بالسيارة بفكر كيف تعرفو على بعض وياترى تزوجو عن حب بعد قديش رح يتطلقو ياترى مين الكسبان بمتش المصارعة الليلة وبضل افكر واحلل واستنتج لما يجي اشي تاني ملفت للنظر زي..........خلص وهكذا يعني ما بدي اطول عليكم المهم شايفين قديش انا متعزب بحاتي ونسيت احكيلكم ازا كانت الدنيا ليل وما في سيارات ملفتة للنظر ببلش اعد بالسيارات لا وبالتفصيل يعني بكونو مرات 100 سيارة و 7 باصات كبار و30بكم وهيك بصنفهم وهدا الموضوع بيتفرع عندي للتصنيف حسب اللون وبعدين حسب النوع وممكن توصل للموديل كمان الي بدي اوصلو اني شغل ادوش حالي بقصص ما الي فيها وبحشر منخاري بكل اشي فيا اعضاء المنتدى بالراحة علي ترا براسي مليوووووووووون موال انشالله ما اكون طولت سلام في صوت دورية خليني اروح اشوفها محملة ولا فاضية وازات كانت محملة يا ترى بعرفهم ولا لا او شو عاملين او شو رح يصيرلهم طيب يمكن مظلومين ويمكن...........................................................................................................................................................................................................................يلا سلام صوت معدتي طلع بدي لروح اكل ياترى شو في بالتلاجة؟؟؟؟؟؟؟؟؟؟؟
موضوع: موضوع ممل نصيحة لا تقرا والا بتنجلط 
21/12/2009, 08:28
