يعني ابليس يشتغل حارس مثلا .....

كان إبليس في غرفته , يلملم ملابسه في حقيبة إلى جانب باقي متعلّقاته ...
على المنضدة القريبة كانت استقالته موقّعة ومختومة حسب الأصول , وبجوارها تقبع تذكرة سفر إلى جزر برمودا الديمقراطية ..

كانت ملامح وجهه في تلك اللحظات تنطق بالحزن, والكآبة , والإحباط , واليأس , وقلّة الحيلة ...

مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل

إبليس راحلٌ عن بلادنا إلى غير رجعة...

وين يامسهّل ؟؟ ليش تجمّع بأغراضك !!

يا زلمة مالي قعدة عندكم, صارلي سنين عاطل عن العمل

وقرّبت أموت من الجوع ..

معك سيجارة بس ؟

ماني رايح أترك فيكم لا وسواس ولا خنّاس !

كنت من زمان أوسوس للوحدة تترك ولدها يبكي وهي تسولف مع جاراتها,

هلا صاروا لحالهم.. يرمون عيالهم أوّل ما ينولدوا

كنت أوسوس للواحد ينسى يسمّي بالله قبل ما ياكل,

الحين الواحد مابيلاقى شئ يأكله ! يا زلمة..

إذا أنا إبليس ... تسمّمت بالشاورما !!

كنت أوسوس للشاب إنه يرميله كلمة للبنت وهي ماشية بالشارع,

صاروا البنات يرمون للشباب كلام أنا بستحي أقوله !!

واحد يسرق 100 مليون عيني عينك .. بيسجنوه 3 سنين بفيلاّ عالبحر ,

وإثنين بيدوروا رزقة بالزبالة بتمسكهم الشرطة !!

إنتو بدكم إبليس إنتوا ؟؟؟؟

صار عندكم فائض بالفساد بيكفّي 100 سنة قدّام ,

صرت أخاف على نفسي منكم يا زلمة !!

صرت مرّات أوسوس بالمقلوب .. أقول للمسؤول إرحم

وللحرامي يكفّي .. خلّي شويّ للحراميّة اللي جايين بعدك ..

يعني إذا إنتو لحالكم بتسووا كل هالبلاوي,

أنا إبليس شو أسوي ؟ شو اشتغل ؟

اشتغل حارس أمن مثلا ؟؟؟؟