يا (وصفي) لم يكبر الرجال ولكن المواقع صغرت

[ندعوك للتسجيل في المنتدى أو التعريف بنفسك لمعاينة هذه الصورة]

وصفي لم يكن قديسا ولا نبيا لكنه كان اردنيا حقيقيا كان مثل قامته عاليا جدا ، كان مثل كل الاحرار سيد قراره.

لا زال صوت امي الفلاحة من اربد في اذني وهي تغني "شوباش عا مصر واللي فيها حبيبنا وصفي استشهد فيها".

وصفي كان ذا شكيمة تجعله يمضي بعيدا في افكاره مهما كلفه الثمن ،كان صاحب افكار قوية وارادة في تنفيذها، كان نظيف القلب والضمير ، سياسي خالي من الفساد والمراهقات السياسية ،(رجل دولة) و(دولة برجل).

كان لا يحب الطقوس الاجتماعية وجلسات الصالونات .كان يجلس كعابد متنسك في مزرعته بالكمالية لا يمارس الاعيبا للنيل من اعداءه ،او فهلوات ضد خصومه.

نفتقدك يا( ابا مصطفى) ونفتقد شاربك الكث و(بدلة الكاكي) وجموحك في عشق الاردن، نفتقد لغتك الاردنية الاربدية التي وان اختلفت عن لغة (عرار) الا انها مليئة بالصدق والانتماء ل الاردن. وصفي ،الاكبر من حياة، كان مؤمنا بالاردن والاردنيين وهو من استطاع ان يجهر امام مراسلي الصحف:" الاردني احسن العرب " واخال ان بعض سياسي اليوم لا يستطيع ان يقول ذلك الا امام شاشة التلفزيون الاردني فقط.

ووصفي وحده من استطاع ان ينال حب الاردنيين بلا استطلاعات مدعومة من الحكومة ، وهو من حلق باحلامه بعيدا واطلق العنان لطموحاته نحو اردن بلا فساد ، واردنيين متساويين لهم الحق بالاستمتاع برغد الحياة والامن والطمانينة ،كان غاضبا لرؤية الاردنيين ينامون كل ليلة على اصوات المدافع فكان ايلول رغما عنه وعنا وعن الفلسطينيين .

في اذار من 1970 كتب علي ان اولد وقبل ان احتفل بعيد ميلادي الثاني كان قد تناوب على رئاسة الحكومة ستة رؤساء وعندما جاء ايلول جاء الملك بوصفي ولكم ان تتخيلوا ما كان سيكون لو لم يات وصفي .

ذات (اردن) اتصلت مع (مريود التل): اريد الكتابة عن وصفي، اصطحبني الي بيت عرار والى الكمالية ،وقال لي: مات وصفي قبل ان يستطيع تسديد دفعات هذه المزرعة ،وعندما اخذني الى متحف عرار في اربد قال: لقد باعت بعض نساء عشيرة التل ذهبهن لنرمم منزل عرار ونحوله الى متحف .

كم رئيس حكومة مات مديونا، وكم من وزير باعت نساء عائلته ذهبهن ،وكم اردني يحمل اسم وصفي ،وكم مرة انتج التلفزيون برنامجا عن وصفي ، وحتى الشارع الشهير في عمان الذي يحمل اسم وصفي حولوه ل(الغاردنز).

وصفي كان شجرة السرو العالية شجرة اللزاب المنتمية ، لم يكن رئيس مجلس ادارة ولم يتحول ال رئيس مجلس ادارة، كان بسيطا مثلنا، كان فقيرا مثلنا ، كان شامخا مثلنا.

وصفي .. سامحنا لم نجد بديلا لك والرجال لم يكبروا ،والمراهين لم يبلغوا ، ولكنها فقط المواقع صغرت، انشد يا عرار ،اصرخ :" باربد والكرامه وبالصريح والمنشيه وارمي سؤالك في وجوهنا : هل سياتي يوما على الرجال يصبحون كما الرجال واسأل :"يا أخت رم ،كيف رم ، وكيف حال بني عطيـة وكيف حال الاردن الذي دفع عزيزك وصفي حياته ثمنا لبقائه.

يا وصفي .. في بلادي رؤساء الحكومة لا زالوا يتبدلون كل بضعة اشهر ، والوزراء في وطني يعدون حقائب الرحيل في اليوم التالي من تعيينهم ، والصحفيون صامتين، والمثقفون مغيبين، وشعبي ضائع بين كل هؤلاء .

يا وصفي .. كبر الاردن وعمان لم تعد قرية صغيرة ولكن المراهقين السياسيين لم يكبروا بعد لكنها المواقع صغرت.

يا وصفي سياسيونا ادمنوا الصالونات، واعلامنا يغني فقط للاقوياء ، وتكثر السكاكين على الشاة المذبوحة ، وانتخاباتنا يربحها اهل المال ، واستطلاعاتنا مزورة ، وقرانا مليئة بالعانسات، وشبابنا مخدرون وضائعون يرنون ل(فيزا) تنشلهم خارج البلد ، وتذكرة سفر بلا عودة.

وصفي .. نم بسلام ،لا تهمك استطلاعاتهم، فانت لازلت في القلب ،وهم فقط على صفحات الصحف وانهم لا محالة راحلون ويبقى الاردن و من عشقوا الاردن، بدون رصيد في البنك ، وبمزرعة يموتون قبل تسديد ثمنها.

وصفي .. انهم ليسوا مثلك فهم على استعداد لتوقيع المعاهدات مع العدو، ومستعدون لبيع البلد لمن يدفع اكثر، ومستعدون لقمع الشعب وعهرنة الوطن والمواطنة ليحافظوا على مناصبهم، لا بل انهم مستعدون لاعطاء اموال الوطن لمن ينافق لهم ومن وراء حجاب يهاجم خصومهم، ومستعدون لرفع اسعار الخبز والوقود، ومستعدون لتغيير اسماء المهرجانات ، انهم مستعدون ان يخلعوا ملابسهم من اجل البقاء .

"انا وما بعدي الطوفان" هو شعارهم في الحياة ، و"الغاية تبرر الوسيلة " هي مقتطفات كتاب (الامير) التي يقرؤونها قبل الخلود للنوم ، و"البقاء للاقوى" هو ما يعلمونه لابنائهم، اما الانتماء فهو موضة قديمة مارسها وصفي ودفع ثمنها حياته وذهب نساء عائلته .

وصفي.. لا استطيع البوح اكثر ولكن البلد ليست هي البلد ... وآآآآآآآآآه يا بلد.

بالفعل رجل عظيم ....... يسلموو

لن يتكرر على مدى التاريخ

وصفي التل صنع بلد لرجال سلموها لغيرهم ..... وصفي التل استشهد وقدم روحه ليافظ على الاردن للاردنيين ولكن الاردنين يشكرونه على هذه الهدية و يقدمونها لغيره ....
ومن لم يذد عن حوضه بسلاحه... يهدّمْ ومن لا يظلم الناس يُظلم
لما سلم الاردنيون بلدهم لغيرهم ليديروها استحقو ان يعيشو تحت الاقدام يعانون الغلاء ومر الايام ويكابدون التهميش والتطنيش واصبحو لما بمدو اديهم على جيابهم بلاقو مفيش
لو لم يصبح الاردنيون كلهم وصفي التل لاصبحو .....بلاش

ردك جميل يا زيد وفعلا رجالات لن تتكرر والمشكلة الي بكون هيك بكون عمره قصير ويد الغدر تطاله وبكل بساطة

رحمك الله يا وصفي والله رجل والرجال قليل

في مثل اردني بقول نفس الرجال بيحيي الرجال والاردن كلها رجال بس الكل مابده يبلش هو وبقول اشمعنا انا بس لو بلش واحد رح تظهر رجال الاردن بجد وهينا قاعدين ساكتين وصامتين و بنمارس طقوسنا اليوميه بمقولة العين بصيرة والايد قصيرة بس الحقيقة ان الايد الاردنية مش قصيرة لا طويلة وحديدية بس لساتها نايمة
هاي البلد ما بتعمر الا برجالها الاردنيين مش من كمشة مرتزقة اجو يجمعو المال ويهربو برا واول كلمة بحكوها مابحب الاردن ولا الاردنيين
انا عايش برا الاردن ومعاشر الناس اللي اكلو خيرها وبسبو عليها يعني ماضل شي نخجل منه لانهم علنا بعادونا وبيظهر الكره للاردنيين
بس كندرة الاردني احسن من راس احسن واحد فيهم

وصفي .. نم بسلام ،لا تهمك استطلاعاتهم، فانت لازلت في القلب ،وهم فقط على صفحات الصحف وانهم لا محالة راحلون ويبقى الاردن و من عشقوا الاردن،

الاخ زيد ردك رااااائع ....الله محييك

يسلمو ياوعد وفعلا رجل لن يتكرر

شكرا يا مجد

العفو لكن والله (فشيت غلي)بردك عبرت عن الاشي اللي انا مااقدرت اعبر عنه

الله محيي اصلك

فعلا زيد وين كنت مخبي هالمواهب بالردود الجميلة والرائعة يا رجل خلينا نشوف هيك حكي رائع وجميل والله انك رائع

مجد روعة الموضوع بمرورك يا غالية

الله يرحمك يا وصفي
يا رجلا خلت من بعده الرجوله والفحوله
مت شهيدا لتروي بدمائك ارض الكرامة والبطوله
تغنت بك الاشجار والانهار قبل ان تتغنى بك النساء صبح مساء

فعلا اخي زيد كلامك مزبوط صاروا المرتزقه هم اصحاب الاموال والاراضي لا يربطهم بالاردن سوا املاكهم والتراب ولا يكنون اي مشاعر للاردن
اذا المرتزقه بيعمل شغله منيحه بيحكي انه من (بيرجع لاصله)..........
واذا بيعمل اشي مش كويس وبيستعروا منه بيحكي انه اردني
مش الاردن هيه اللي ضبتك لما بعت وطنك ولحم اكتافك من خير هالبلد

والله يا اخوان بستغرب لما بتحكو مش عارفين نعبر .... احنا اردنية وهدا فخر مش عار مافي داعي نحاسب بكلامنا لانه المرتزقة ما بخجلو باظهار كرههم النا ....... عالعموم فيهم ناس محترمين واحنا بنحترم المحترم بس الوسخ بيندعس على راسه وبقولكم ابشرو باردن جديد ..... كثر الضغط بولد الانفجار
بعد كل الاوضاع اللي صارت من غلاء اسعار وتخبط سياسي واحتكار مناصب وتهديد امني ووعود اسرائيلية بالوطن البديل وتولية المناصب لغير اهلها ولغير الكفاءات والبطالة وال........
كل هاي الامور رح تفجر الوضع بالاردن رح تشهد البلد مظاهرات ومواجهات وقتل وخربطة كبيرة ( طبعا هدا وضع مابنحبه للارجن وللاردنيين) بس جهل الحكومات وعدم اهتمامها واللامبالاة للمواطنين رح تقلب الطاولة على روسهم
الاردنيين بصبرو بس ما بذلو ولا بنذلو..... واكبر دليل اللي عمله وصفي التل لما احتضن الفلسطينية وقدملهم اللي ماحدا قدمو وصبر على قلة اصلهم وانكارهم للجميل بس لما وصلو لحد اتعدو على اسيادهم حرقهم......ز وبوعدكم لو ضل الوضع هيك رح ينحرق الرفاعي وزبانيته وشلل العلوج ومتسولي المناصب ومحترفي النصب
انا من زمان بشوف مواضيع المنتدى وما برد على حدا بس بقدر جهدكم ...... لكن لما الموضوع بمس الاردن لازم كلنا نكتب...
المهم ... رسالة للمسؤول بالبلد واللي بتهمه المصلحة الوطنية (( احنا ماشيين الى الهاوية واقتربنا كتيييييييييييير )) اللي خايف على مصلحته ومنصبه لازم يتحرك اما المواطن بكل الحلات ربحان فالغريق لايخشى البلل

كلامك سليم اخ زيد الم ترى الكثير منا في فمه ماء هل ياتي يوم حتى يتجاهل اصابته بالشردقة و يبتلع الماء ..............؟ هاي مشكلتنا في الوقت الحالي لا نتكلم لانه في فمنا ماء سياتي اليوم لنفثه خارجا

الوطن بحاجة لنقلة نوعية غير حتى يتغير ولكن الوضع من سيء الى اسوأ والشعب صابه نوع من القرف والملل واللامبالاة ولكن ما دام الحيتان في هالبلد ما رح يتغير شي

الحيتان رح تنحرق وبوعدك وبوعدهم والله على كل شيء قدير ولا يحب الظلم

الحيتان مدعومة ومسنودة ياخوي ولو شو ماتحترق بتطلع ولافيها البلا

لكن هاد حلم كل الاردنيين انه اللي مخربين البلد يحترقوا حرق

طول مهو في ناس زيك رح نضل ورا ..... ومابقول هيك عشان اجرح فيك بس انت مثال سيء للاردنيين ان كنت اردني و انت بير تشاؤم حرام ينشرب منه

المشكلة هلا في حيتان من نوع ثاني دخلو البلد وصاحبين نفوس مريضة وعنجهية حقيرة

مين قصدك ؟؟؟؟؟؟ ما تحكي بالرموز

العراقيين

اكيد هم اوسخ من اللي قبلهم بس اتحدد عددهم وانفرضت قيود عليهم
بس جهل الحكومات دخلتهم علينا بعدد كبير كلهم حرامية رفعو اسعار العقار للسما واللي اكل هوا المواطنين وبرجع بقول ربنا قدر النا يتولي المناصب عنا جحوش كبيرة الكروش مش همها الا بالفلوس تحوش

فرضت قيود بعد ما ابتلعوا ما يكفيهم برايي صار ليخة الوضع و الحق الاول و الاخير عنا شعب بيكف على الغلا ما بيحكي لا برايك لو في شعب ايد وحدة ما بتلاقي هيك الوضع شعب بفمه مية

لازم كل شي يتغير ابتداء من الشعب بس كل حركات الاصلاح بالتاريخ اخدت وقتها بس المهم ما بناخد وقت طويل

بس المشكلة انتشارهم وانتشار عقاراتهم بشكل جنوني واستثمارات لا تأكلها النيران

اكتر مت تلات ارباع العقارات اللي اشتروهو اتسفرو صحابها بعد انتهاء اقاماتهم وحجز على عقاراتهم البنك المركزي وطبعا بالواقع راحت لناس من اصحاب المناصب ......والعراقيين ما قدرو يرجعو لهاي البيوت وماضل الا نسبة قليلة
لاتنسو انه دخل مليون عراقي وحاليا مافي اكتر من 200 الف
يعني الحكومة نصبت عالعراقيين كمان

بس يا زيد انتشارهم بعمان بشكل مش طبيعي وصاحب ما بعرفو يحكو الا بالملايين

zaid99z كتب:: طول مهو في ناس زيك رح نضل ورا ..... ومابقول هيك عشان اجرح فيك بس انت مثال سيء للاردنيين ان كنت اردني و انت بير تشاؤم حرام ينشرب منه

يارجل انت حطمتني .......الله يسامحك بس انت مابتعرف مجد ومابتعرف انه مافي حد بفتخر وبعتز انه اردني قدها ومافي حدا بحب الاردن اكثر منها

بتعرف مين اللي بخلي الشعب ورا ؟؟انا بحكيلك اللي بحكوا بالهوا وببنوا بطولات من رمل اقلها هبة هوا بتطيرلهم اياها ........اعرفت مين

بعدين انا بنحر حالي قبل مااكون مثال سيء للاردنيين .........وانا اصلا مش عارفة انت على اي اساس بتحلل وبتحكم على الناس !!

عمو زيد خليك واقعي انا اللي حكيته واقع احنا عايشينه الحيتان ماكلة البلد ومدهورة الاقتصاد عندنا .......واللي قصدته لما حكيت انها شو ماتحترق رح تطلع ولافيها البلا انها مابتتأثر والوضع عندها عادي لانها بكل بساطة حيتاااان

طيب بناء على حكمك علي (اللي انت ظلمتني فيه كثير) ايدي بزنارك حطني على الطريق الصحيح وغيرلي نظرتي السلبية واعطيني خطوة عملية تنهض الاردن والاردنين وبوعدك رح اكون اول المطبقين الها بس بدي خطوات عملية مابدي حكي

ردك يا مجد عجبني وفعلا اصلا اردنية حرة وما فيها جدال وبعرف قديش انتي بتحبي الاردن وكلنا عنا مبادئ وشعارات بس وين التطبيق

» صور استشهاد وصفي التل , فيديو يوتيوب لحظة اغتيال وصفي التل , كيف استشهد قتل اغتيل وصفي التل 2013 , اسباب وتفاصيل استشهاد اغتيال وصفي التل
» من هو وصفي التل , السيرة الذاتية وصفي التل , صور وصفي التل , وصفي التل ويكيبيديا
» اسماء المواقع الامريكية المخترقة من طرف المسلمون 2012 , تفاصيل سقوط عدد من المواقع الامريكية في هجوم عنيف من طرف الهاكرز المسلمون , كيف تم اختراق المواقع الاميريكية
» صور وصفي التل , احدث صور وصفي التل , اجدد اخر صور وصفي التل
» كاريكاتير سقوط اسرائيل الكترونيا في هجمات الانونيموس , صور مضحكه عن اختراق المواقع الاسرائيلية , صور اساحبى على اختراق المواقع الاسرائيلية. اجمل كاريكاتير مضحك عن اختراق المواقع الاسرائيلية