من واحنا اطفال صغار واحنا بنشوف دعايه لمعجون سنان سيجنال تو الجديد فعمر هاد المعجون صار كبير كثير ورغم
هيك كل يوم والتاني بتلاقيهم حطوله دعايه بحكو فيها سيجنال تو الجديد ضد التسوس بعد شهرين بصير اسمه سيجنال ضد التاكل بعد سنه برجعو بحكو سيجنال الجديد ضد الاسباب السبعه للتلف بعد كمان سنه برجعو بحكولنا سيجنال الجديد الرائحه الفم وكل ما تشتري علبه من هاد المعجون بتلاقيهم كاتبين عليه سيجنال الجديد الله اكبر صار نفسي يحكو عنه سيجال المعجون الوحيد الي حضر ايام النكبه
ولكن ليش نستغرب مهو عنا كمان سيجنال مابصير قديم فلمسؤول ببلش مسؤول جديد بلاسواق بعدين بصير هو نفسه مسؤول جديد في ادارة مؤوسسه حكوميه كبيره بعدين بصير صاحبنا نفسه وزير بس بشكل جديد وبعد فتره بصير وزير لوزارة تانيه لكن بضل اسمه منتج جديد اسف قصدي وزير جديد بعدين بصير رئيس وزارة وبشكل جديد وبعد فتره لما يترك رئاسه الوزراء برجعلنا نفس المنتج قصدي المسؤول بشكل وتصميم جديد وبنقلب سبحان الله وبصبغ شعرة وبصير بقدرة قادر ضد التسوس الحكومي هاد حسب هو الي بحكيه وبصير بده يزيل كل الترسبات الحكوميه وبصير نائب وبصير بده يحاسب الحكومه الحاليه وبنسى كل التسوسات والترسبات والثقوب الي تركها وراه .
سبحان الله صاحبنا هاد اكيد حامل شعار شكل جديد لكن بنفس المضمون الرائع ويدوم ويدوم ويدوم
موضوع: المسؤول يدوم ويدوم ويدوم 
15/10/2010, 09:23
