رائعة من روائع تركي الميزاني( مختارة )

الله ولا الهاجـس اللـي مايريحنـي
اسهـر عيونـي وعنانـي وعنيتـه
احاول اخفيه مير الحـزن يفضحنـي
متمركز بالحشى كن الحشـى بيتـه
ياللي تعاتب غموضـي لاتوضحنـي
ماباقـي فـي الخفـوق الا تناهيتـه
اصافح الهـم قبـل انـه يصافحنـي
واحب خشمه واردد في الخفى ليتـه
ليته قبل لاتـزل خطـاي ينصحنـي
ولا يريّـح خفوقـي مـن عفاريتـه
والغالي اللي عليه الشـوق ذابحنـي
اقفى به الوقـت ماجانـي ولاجيتـه
ياسيد الغيد قبـل اقـول لـك بحنـي
بخبـرك عـن كـلام عنـك خفيتـه
تدري وش اكبر خطاي الله يسامحني؟
اقفايتي عنك وانـت اللـي تمنيتـه
وهذا هو اللـي معذبنـي وجارحنـي
اقـول ابنسـاه وانـا ماتناسيـتـه

صح لسان شاعرها وناقلها

قصيدة رااائعة وجميلة جداا ....صدقا من اروع ما قرأت

اختيار موفق ورائع ياغالية

تسلمي يا مجد رائعة جدا كلماتها حلوة نورتي خيتو

يسلمو كلام روعه

هلا لين نورتي خيتو ^_^