لماذا يقال عن فلسطينيي الاردن بلجيكيين؟!! منقول

بدون مقدمات غزلية مثل" الأردن رئة فلسطين التي تتنفس بها" أو" الأردن فشة وكلاوي وآباط وكراعين وكواسيح وعنقور فلسطين " وغيرها من المصطلحات التي تعج بها الصحف والمجلات الأردنية والفلسطينية التي توصف العلاقة بين الشعبين , وخليني أجي من الأخر, ونزل بالقص و الشايب , وأقولها على بلاطة, ليش الأردنيين بقولوا للفلسطينية " بلجيكيه" أو ليش الفلسطينية بالأردن بقولوا عن حالهم بلجيكيه؟ وهل هي مسبة أم مدح؟

تعالوا معي لنقرأ الاستطلاع التالي المكتوب باللهجة الأردنية المحكية (بالعربية المطبشة) الذي تم أجراؤه مع مجموعة من ختيارية الأردن لنشوف أصل التسمية.

أولا: أبو العبد (والذي يفضل أن نسميه بجوز الثنتين) التقيناه على باب" بقالة كل شيء بدينار ما عدا اللحمة والجاج" في داون تاون كفر سوم فقال: سيدي أصل ألتسميه يعود إلى أيام النزوح في عام 1948 فعندما جاء الفلسطينيون على الأردن كانت وكالة الغوث توزع عليهم علب سردين وباكيتات جبنه وغيرها من المعلبات وكان معظمها صناعة بلجيكية أو مهداة أو مقدمة من الحكومة البلجيكية . بعض الفلسطينيين كان يبيع هذه المعلبات في الأسواق لشراء أغراض أخرى وكانت المعلبات البلجيكية تباع بأسعار أغلى من بقية المعلبات فكان الفلسطيني يصيح بالشارع جبنه بلجيكية أو علب سردين بلجيكية. ولان الإذن الأردنية في ذلك الوقت لم تكن معتادة على سماع كلمة بلجيكيا أو بلجيكي , وكنوع من الهزار أو المزاح كان الأردنيون يقولون للفلسطينيين بيش هالجبنة يا بلجيكي .... ومن يومها بنقللهم بلجيكية كنوع من الفرفشة .

ثانيا: الحاج مخلد (سائق قلاب الزبالة \بلدية منشية بني حسن) التقيناه على تقاطع ففث افينيو مع برود ويه في منشية بني حسن كان له رأي مغاير لرأي ابو العبد حيث قال: سيدي صلي على النبي , السولافه وما فيها إنهم البلجيكيين كانوا أول لاجئين في أوروبا , لأنه هتلر أول ما بلش ببلجيكيا فهرب الشعب البلجيكي على فرنسا وأصبح لاجئ هناك. وفي أل 19948 عندما شرد اليهود الفلسطينيين من ديارهم صاروا السياسيين يقولوا بوسائل الإعلام لا تبلجكوا الفلسطينيين , وكان المقصود لا تعملوهمش لاجئين زي البلجيكية على أيام هتلر .... يعني للتوضيح ,تبعين السياسة ألان عندما تكون ألشغله طعه وقايمه بقولوا لا تلبنن البلد , يعني لا تعملهاش زي لبنان كل واحد على رأسه , أو لا تعرقن البلد , يعني لا تخليهاش زي العراق كل طائفة تعمل دولة لحالها ...يعني مختصر الحديث انه البلجيكية والفلسطينية فيه شيء مشترك بيناتهم هذلاك كانوا أول لاجئين في أوروبا وهذول أول لاجئين في الشرق الأوسط. فالأردنية مسكوها عليهم وأصبحوا يقولوهم بلجيكية, والفلسطينية صاروا يقولوا عن حالهم يا حسرتنا صار بينا زي البلجيكية, والله فعلا إننا صرنا بلجيكية.

ثالثا: حسني الخياط (صاحب مخيطة دشاديش رجالية) التقيناه على ايقزت فورتين صبحا وصبحيه–عمان اكسبريس هاي ويه وبعد دحضه للآراء السابقة قال : ألشغله بسيطة جدا, الأردنيين يحبوا اللون الأحمر, فلذلك تجدهم يلبسون الشماغ الأحمر المخطط بالأبيض ولذلك يقال لهم ربع الكفاف الحمر, أما الفلسطينية فيحبون اللون الأسود ولذلك تجدهم يلبسون الشماغ الأسود المخطط بالأبيض ولذلك يقال لهم ربع الكفاف السود. وتشاء الصدف أن يكون اللون المحبب لدى البلجيكية هو الأسود أو الأزرق المسود وهو اللون الذي كان يميزهم عن الفرنسيين أثناء الاحتلال الألماني بينما يعتبر اللون الأحمر اللون المفضل لدى الفرنسيين . وبما أن أصحاب اللون الأسود هم اللاجئون في هذه الحالة فتم تسمية الفلسطينيين بالبلجيكيين لتشابه اللون المفضل لديهم مع تشابه حالتهم كلاجئين في دول مضيفه تفضل اللون الأحمر.

رابعا: مطلق المدفعجي( ضريب شفرات ومواس كباس) التقيناه على اتستراد الزرقاء مقابل بركة البيبسي كان له الرأي التالي: عندما جاء الفلسطينية على الأردن وبعد تشكيل المليشيات الفلسطينية كانوا يستخدموا البندقية البلجيكية بينما كان الأردنيون يستخدمون البندقية الكندية , وكانت الموضة هي شراء البندقية البلجيكية من المسلحين الفلسطينية ,. فعندما كان واحد يسأل الأردني من أين لك هل البلجيكية (المقصود البندقية)؟ كان الجواب: والله اشتريتها من واحد بلجيكي, لان الأردني كان يحرص على أن لا يورط المسلح الفلسطيني الذي باعة السلاح. وأصبحت مقولة متداولة كل واحد معه بندقية بلجيكية يقول اشتريتها من واحد بلجيكي.

خامسا: ألأستاذ أبو سعود (مدير مدرسة هارد نوك سكول) التقيناه في منطقة بفيري هيل بمحافظة معان حيث قال بعد نحنحة وقحة خفيفة تدل على انه سوف يقول شيء مهم وعلى انه زلمة عارف شوه راح يسولف قال : شوف يا ابني ,إنا عارف انك من جيل اليوم ,وانك واحد لطخه ولا بتعرف كوعك من بوعك ولا بتعرف ربك وين حاطك, بس بدي أجاوبك على سؤالك : هذا يا صحفي أخر زمن بقلك في عام 1948 عندما جاء الفلسطينية على الأردن كانت أسامي العائلات الأردنية والعادات والتقاليد متشابهه(زي ماصار مع البلاجكة والفرنسيين) والاختلاف البسيط كان بين لهجة فلسطينيي الساحل و فلسطينيي الجليل الأعلى واللهجة الأردنية فما كان من احد الخبثاء إلا أن قال بأن عربية الفلسطينيين زي فرنسية ألبلجيكيه, والمعروف أن البلجيكيين يتحدثون الفرنسية بلكنة تختلف قليلا عن فرنسية الفرنسيين. وأصبحت دارجة بالأردن بأن من يتحدث اللهجة الفلسطينية فهو بلجيكي.

سادسا: أبو العود( بائع دخان هيشي وسجائر مهربة) التقيناه على باب الصب وية على تقاطع الفورتي سكند والمين ستريت في الكرك ايست صايد حيث قال: سيدي الصحفي المتدرب سجل عندك اذ انك بتعرف تقرأ وتكتب , هذا في مطلع الخمسينيات يا سيدي العزيز قبل ما يجيء عبد الناصر طلعت موضة انه الشعوب كلها صارت تتبرأ من العروبة , فلبنانية صاروا يقولوا إنهم فينيقية والمصاروه يقولوا إنهم أقباط والعراقيين إنهم بابليين وأشوريين والسوريين إنهم سريانيين وآراميين.... فبعض المثقفين الفلسطينية ركب الموجه وقالوا إن أصل الفلسطينية من جزيرة أكريت في البحر المتوسط وما كان من الأردنيين والفلسطينية وكنوع من الاستهجان لفكرة جزيرة كريت إلا أن قالوا إنهم لا يا عمي, الفلسطينية أصلهم من بلجيكيا مش من جزيرة أكريت, طبعا كنوع من الاستهزاء....ودبت سولافة بلجيكيا زي النار بالهشيم فصار الجميع يقول انه الفلسطينية أصلهم بلجيكية.

ولنا كلمة: يتضح من الإجابات السابقة أن هناك أراء متعددة وأفكار مختلفة وتحليلات متباينة حول سبب تسمية فلسطينية الأردن ب "البلجيكية" ولا يجرؤ أي من الباحثين الاجتماعيين في الأردن على التطرق لسبب التسمية لاعتبارات مختلفة . فما رأيكم في أصل التسمية يا رعاكم الله ؟
(مقتبس)

من رأيي اقفال الموضوع او حذفه مع خالص حبي لكم جميعا دون استثناء :warda:

انا المواضيع الطويلة بتمغصني و ما بحب اقراها
لو حدا يلخص الموضوع

ماشي انسايد انت شايف هيك ؟ خلينا انشوف بائي الاراء

وانا كمان معك انسايد لانو الموضوع عنصري بحت ويسخر من كرامة الشعب الفلسطيني في معظمه وكلمة بلجيكية لا تعني الا انو الشعب الفلسطيني غريب عن الاردن وشكرا

الموضوع ما في شيء يمثل العنصرية او ومو شايف فيه شيء يسخر من كرامة الشعب الفلسطيني ، ثم اني اعترض على مصطلح ( الشعب الفلسطيني ) ، لأنه ما في بالاردن الا شعل واحد من اصول ومنابت مختلفة ، انما الهوية واحدة والجنسية واحدة ، ايضا ً المقال لو لاحظتم مقال ساخر ودمه خفيف وبيسخر كمان من الشعب الاردني من الاصول الاردنية في توصيف مهنه ومكان تواجده ، بس مو واصلة لدرجة الاهانة ، انا شايف الموضوع عادي جدا وما بيستدعي حذفه .
مشكورة لارا

وانا بحكي لو يتم حذفه احسن شي...مشكورة

؟؟؟؟؟؟؟؟؟؟؟؟؟؟؟؟؟؟

انا مااااااااااااااااااااااااااااااارح احذف الموضوع لانو مو شايفي في اشي ورح يضل ..................

الموضوع احسن تقفليه يا لارا

لان نزعته عنصريه

والرد الي بتدوري عليه وما حطيتيه ضمن ماسبق

هو ان الفلسطينيه ابان الحرب

كان عتادهم بلجيكي

وعند دفن الشهداء وتعدادهم كان يميز الفلسطيني من البسطار البلجيكي

اتوقع انها كانت اهانه تميز انسان شهيد من حذائه

واذا كنتي يا لارا لاتري في الموضوع شيء

فانت ستفتحي على المنتدى مشاكل وتزعات عنصريه انتي بغنى عنها

بنستنى راي الاخت لارا بس شكلها مو سائلة؟؟؟؟؟؟؟؟؟؟؟؟؟؟؟؟

مو ئصة مو سائلي سائله اكتر وحده

اقتباس :

الموضوع ما في شيء يمثل العنصرية او ومو شايف فيه شيء يسخر من كرامة الشعب الفلسطيني ، ثم اني اعترض على مصطلح ( الشعب الفلسطيني ) ، لأنه ما في بالاردن الا شعب واحد من اصول ومنابت مختلفة ، انما الهوية واحدة والجنسية واحدة

انا شايف انو الموضوع ما في اي أشي وانا مع كلام أمجد وشكراً لارا على جهودك

العفووووو عمران وشكرا لمرورك وضع رايك

للأخ امير الغرباء : - ما في اي اهانة في تمييز الشهيد من بسطاره ، وليس هذا بموقف تممييز للشهيد عن غيره ، وإن الشهيد الذي كرمه الله عز وجل لا يهينه ان يميز بأي طريقة كانت ، ولو مثل بجثته او تعرض جسده لابشع انواع التمثيل او التشريح او التقطيع او الصلب ، فإنه مكرم عند ربه وإذا كان في هذا ما يهينه لم يرضاه له ربه عز وجل وهو الذي اكرمه وميزه عن باقي البشر ، ورغم ان هذا ليس الموضوع الرئيسي الا اني احببت ان اعلق عليه .
واما مسألة ان الموضوع بيفتح مجال للنزعات العنصرية ، فلا ارى من وجهة نظري ان هذا الموضوع بالذات وصل الى هذه الدرجة ، بالعكس تماما ً فإنني ارى ومع كل الاحترام ان هناك توقيع لأحد الاعضاء وهو ربما مشرف في المنتدى تفوح منه رائحة العنصرية ، مع كل الاحترام له ولغيره من الاعضاء ، والاجدر ان تطلب منه الادارة تغيير توقيعه لأنه يعبر عن معنى عنصري باعتبار انه يظهر في جميع مشاركات صاحبه ، اما الموضوع المطروح فلا اعتقد ان طريقة الطرح فيه لها معاني عنصرية او غير ذلك .

مرة اخرى اقول كل الاحترام للمنتدى الجميل ولكل اعضائه ومشرفيه ، ومعذرة على طول تعليقاتي ، اما رأيي الشخصي فلا اعتذر عنه ما لم اكن مخطئا ً ، وإن ثبت خطأي فيه فلن اتردد في الرجوع عنه والاعتذار عنه .
شكرا لصاحبة الموضوع وللجميع :warda:

شكرا مجدي لهتمامك وشرح الاخ امير الغرباء بقد هالشي شكرا

بتمنى الموضوع ينحذف و مع احترامي الكم جميعا ولارائكم انا بشوف انه الموضوع في عنصريه

هههههههههههههه
اخلى شي انه ما حدا عارف شو معنى بلجيكيه وانا ما بدي احكي المعنى
لأنه يا أخ امجد هو عبارة عن اهانه واختقار للشعب الفلسطيني
ازا عرفت معناه
والشباب الموضوع ما في اي عنصريه ابدا ,
انا بتمنى انه يتم مناقشة الموضوع بعقلانيه منك بس الأول تعرفوا شو معنى بلجيكيه ومن اول من اطلقها والسبب

بما انو اعرفنا شو معنى بلجيكيه انا رح احذف الموضوع ومابدنا انخوض في نقاشات من بعد اذن ميمو طبعا ماشي حبيبي

المسؤول عن هالقسم يحذف الموضوع

عادي واقل من عادي حبيبتي

ليش لارا بدك ينحذف الموضوع احنا لنا بالمكتوب مش بالمعنى الحقيقي الي بحكي عنو ميمو الموضوع لا يوجد به أي أهانه لأي طرف وكمان حدا يفهمني وين العنصريه الي فيه

انت شايف هيك اخ عمران انا مابعرف حاسي انو الكل مو راضي عنو

شكرا اخ عكرمه
انا اظن انك تعرف معناها جيدا ولا اريد تعريفه حتى لا تحصل مشاكل بين الأعضاء

طيب عكرمة والاراء الي طالبت بحذف الموضوع ما اعطيتها اي اهمية مع انو كانو اكتر من رأي ولا رأينا ما الو اهمية زبرضو الموضوع ضل عشان في ناس ((( شايفة انو الموضوع مافي عنصرية ))) يعني راي خاص وانا الي بتحكو عني بموضوعكم كوني فلسطيني الاصل ما اخدتو برأيي و انا بشوف انو هدا الموضوع في اساءة شخصية وبالفعل دايقتني وبظن انو من حقي اطالب بحذف موضوع بيحكي عني ولا لا سيد عكرمة؟؟؟؟؟؟؟؟؟؟؟؟؟؟؟؟؟؟؟؟؟ ياريت الاجابة على سؤالي

اخواني و أخواتي
الموضوع مجرد نقاش ما فيه اثارة للعنصيرة علما اني فلسطيني أباً عن جد
بالعكس الموضوع رائع وجميل

وما فيه اي اشي

لو سمحتي لي اخت لارا انا بدي اوضح وجهت نظري بالنسبة للاختلاف اللي صار
يا اخوان الاختلاف اللي صار مشابه لامثلة كثيرة
في الدنيا
مثال 1
تنين شباب بيمزحو مع بعض الاول بيقول للثاني ييلا يا ابن الكندرجي عملا بانو ابول الاول بيشتغل كندرجي
الاول ماشي ياابن الزبال
هون عمليه مزاح بالاباء مش عيب ولا حرام لانو اذا ما مزحنا بأمور زي هيك بشو بدنا نمزح
مثال 2
صاحب بيقول لصاحبو ليش اخوك بيسكر
الصاحب الثاني والله منا عارف قلة عقل منو مدايقني فاضحني بين الناس
هون عمليه نقاش ما زعل منها صاحبو لانو موضوع نقاش انفتح وراح يتسكر في الاخر وما راح يضر ولا واحد من التنين
مثال 3
بنت بتقول لصاحبيتها انتي شكلك ساكنة بمنطقة بيئة
علما انو البنتين اصدقاء اعزاء وما كان الهدف الاستهزاء انما توضيح تصرفات الثانية
الثانية شو بدي اعمل ولدت لقيت حالي ساكنة بالمنطقة هاي

اخواني اللي بدي اوصلو للكل مش كل كلمة لازم ندقق عليها
بالعكس لازم يكون عنا حب النقاش والمزاح والتقبل هاد منتدى وتعريف المنتدى هوة ملتقى للحوار والنقاش ضمن شروط وهية احترام قوانين المنتدى عدم الاسائة للاخرين وعدم سب باقي الاعضاء
وانا بصراحة شايف موضوع لارا عادي ما فيه اسائة او شتم
بالعكس موضوع مسلي وقابل للنقاش
مع احترامي للجميع كل واحد بيقول انو فيه عنصرية بالموضوع بيكون هوة العنصري
لانو العنصري من صفاتة ما بتقبل اي مزاح او كلام عن موضوع اللي معنصر فيه
لازم نكون بعقليه اكبر من هيك ونتفهم بعض ضمن محبة واخوية اكتر

مشكور اخ عكرمة
بما انو المنتدى هاد الاصفى والانقى والابهى المفروض نكون احنا الاعضاء الصافيين مش الموضوعات حتى لو كان فيه موضوع مش صافي لازم تضل نيتنا وقلوبنا الصافية تصفي الموضوع هاد بتقبلو من غير اعتراض عليه اللا اذا احنا ما بنحب انا نكون صافيين ونبين في الموضوع عيوب ونكبرها
انا شاكر اللك مجهودك بس لازم توخد كمان ارآء من الموافقين على بقاء الموضوع عشان تكون عادل

اخ عكرمة الموضوع موجود باكتر من منتدى بأمكانك تشوف كيفية طرح الموضوع والردود الي عليه بتعرف هو اساءة ولا لا

مشكور مستر لونلي
:jazak :

اظن اخ عكرمة بعد اللي قدمو الاخ مستر لونلي بطل فيه مجال
لفرض الموضوع
بالعكس لانو احنا الابهى والاصفى والانقى
لازم يضل
مع خالص شكري الك اخ عكرمة

وبالنسبة لتوضيح الاخت لارا انا حاولت احكيلها ترد على الموضوع بغرفة الدردشة ولكنها غيرت الموضوع وقالت مو شايفني بحكي بموضوع تاني ؟؟؟؟؟؟؟؟؟؟؟؟

اضرب عن الخروج من المنتدى حتى ورح اضل هون صاحي ولو شهر حتى احصل على رد من الاخت لارا وانا جاد بكلامي ولما احكي بعمل

وشرط يكون رد مفسر يشفي غليلي موعارف ليش بتحطو المواضيع وتنسب الى اسمائكم وبتنسوها وما بتردو عليها

وعشان تصدقو كلامي الكم كل نصف ساعة رد على هذا الموضوع

بتعرفو اجا على بالي فكرة حلوة كوني بحب المنتدى ومستحيل اتركو ولا استطيع منع عطائي له فقررت اكتب مواضيعي هون ما شاء الله موضوع مميز ومشاهداتو كتير

ساعتبر نفسي اسير لهذا الموضوع الى ان يتم تلبية طلبي من الاخت لارا او طلبي بحذف الموضوع او اقفاله؟؟؟؟؟؟؟؟ اه صحيح شفت منتدى جديد مبروك وشفت تغيير في ترتيب المواضيع الله يوفقكم والى الامام

يعني منتديات حول اربد صارت فوق والله تمام فكرة حلوة عشان في ناس مو شايفينها والجديد اسمو منتدى برجك وفي مشاركة وحدة من الاخت لارا والله تمام لو في عضو يجيبلنا حظك كل يوم وبشكل منتظم اخ لو اني برة قصدي برا هدا الموضوع كان عملتها انا لاني بحب اعمل اشياء جديدة للمنتدى كمان زيكم

يا الله هلا اجت على بالي حبيبتي السابقة هو انا لسا بحبها بس جد يمكن حكيتلكم عنها قبل هالمرة بالعادة كل ما تيجي على بالي بحط اغنية بقسم الاغاني بس اجت على بالي هلأ ولازم احط اغنية رح احطها هون هي اغنية بحبها كتييييييييييير للفنانة انغام شنطة سفر

جد اغنية حلوة سمعتها هلأ تلت مرات ورا بعض متزكرن شو كانت كلماتها للي مو متزكر جبتلكم الاغنية مكتوبة كمان حتى شوفو





لسة ناوى ع الرحيل ...تفتكر ملهوش بديل
اعمل ايه ..اعمل ايه فى الوحدة وانت مش هنا..اعمل ايه
وازاى اجيب صبر لسنة.....اعمل ايه
من سؤال مهزوم بيترجى الجواب مش بتقصد عينى يا حبيبى العتاب
سيبك انت من دموع العين وقولى خدت ايه فى شنطة سفر ...او ايه فاضلى
خدت من صبر وطريقى منتهى مش معاك نبضى اللى تاه
خدت صورتى؟...شوف كدة لتكون نسيت عمرى وصباه...ولا احساسى بكيانى والحياه
اما حيرتى والعذاب ملكى انا ..هما اصحابى فى غيابك طول سنة
يا حبيبى... يا حبيبى ...يا حبـــــــــــــيبى قد عمرى قولتها لك وانت جنبى ببقى لسة مشتقالك
ما انت عارف ..انت سامع انة الليل والشوارع
كل حبة رمل بتقولك حرام ..حرام ..اتحرم حضن الخطاوى وفين انا
والطريق مايل بحمله من العتاب..والنسيم حس بفراقك سحره بان
كل حاجة رافضة بعدك مش هتفضل هى بعدك
صعب اصدق
لو ضرورى تفوتنى خد مني الحنين واختصر بعد السنة خليه يومين
لو ضرورى قبل ما تسافر بعمرى اسجن الشوق والمنى واطلق الصبر فى وريدى قبل ما يطول بعدنا
لو ضرورى
حتـــــــــــــــى لوطـــــــــــــــــــــــــــــــــــــــال بعدنا
حتى لو طــــــــــــــــــــــــــــــال بعدنا
انت هنــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــا

والله من هاي الاغنية نزلت دموعي على فكرة انا لهلا عم بعيد فيها من ساعة