تعاطيت الحزن جرعه ورى جرعه وعشت ادمان

تعاطيت الحزن جرعه ورى جرعه وعشت ادمان
....................وصرت التاجر الرسمي من الاحزان تعطيني
دخيلك خاف من ربك دخيلك ارحم الولهان
.....................انا عايش عشان ارضيك وانت حيل تبكيني
انا جيتك من اديار البعاد وصرتلك اوطان
........................عطيتك كل احساسي وملكتك شراييني
تمالكت الغلا فيني وصرت بداخلي سلطان
.......................بغيتك ترحم العاشق بغيتك تلحق سنيني
زماني راح وايامي من الفرق تعد احزان
....................لقيت الحزن في جوفي يعيش وجالس فيني
لقيته عايش بصدري وقلبي صارله اركان
.......................لقيته يشرب بدمي ودمعه ذارف بعيني
ولقيت السعد في قلبك يعيش وداخلك فرحان
......................عطيتك فرحت ايامي خساره كيف تجفيني
تعاطينا انا وانت غرام العاشق الضميان
.....................رويتك بالفرح وانت من الاحزان ترويني
خساره هذي اخرها خساره عيش بالقيفان
......................كتبت الشعر من بعدك حبيبي ليه تقريني
ابيك اتعيشي في حزني وابيك اتشوفي النيران
.....................اعيش الجرح كل لحضه ونار البعد تكويني
امانه ارحمي ارضن غدة موطن بلاسكان
.....................ابيك اتشرفي ارضن على الاحساس تبنيني
دخيلك شوفي احوالي مثل زرعأ يبي امزان
....................وصار القيض في قلبي وضاعت مني سنيني
انا ضامي على شوفك انا في غيبتك عطشان
.......................ابي ارواء انا حبك وابي بالايد ضميني
انا مثل الذي عايش كحيط ودايمن بردان
........................ابي في حبك الدافي حياتي دوم دفيني
رسمت احساسي بلوحه تعيش وناقصه الوان
......................ابي بحساسك الراقي غلاي انتي تلونيني
ابي اوصف من احساسي شعور العاشق الهيمان
......................ابي اكتب قصايد حب بالاحساس تدويني
نسجت احساس من قلبي وصفتك يا غلاي اوطان
......................لقيتك موطن احزاني من الاحزان تعطيني
شعرت اني انا بحبك حبيبي عاشق وربحان
....................وشعرت اني ملكت الكون والافراح تلقيني
وجيت احسب مرابيحي طلعت بحبكم خسران
..................كسبت الهم من هجرك ودمعة شوق في عيني

الله يبعد عنك الحزن يا د مجد وظلك دووم بسعادة