هام جدا الى جميع الأعضاء

مرحبا بكل اعضاء المنتدى الجدد والقدامى
اليوم رح افتح موضوع جديد وبتمنى انه ينال اعجابكم
هاد الموضوع هو الشاكل الخاصه التي تحصل معكم
يعني انه اي عضو عنده مشكله ومو عارف يحلها بحياته
انه يطرحها هون عندي بموضوع جديد
ويشوف ردود الأعضاء لمشكلته طبعا هو رح يستفيد من خبرات الناس والأعضاء كمان
وبطلب من كل الأعضاء عدم التساهل او المزح باي موضوع لخصوصية الناس وبتمنى انه يعجبكم هو مجرد دردشه لكن لأمور ومشاكل تحصل في حياة الشخص
من الآخر ما خاب من استشار

شكرا الك وانا رح ابلش يا سيدي اكبر مشكلة بحياتي هي اني كنت او لسا بحب وحدة بس تركنا بعض من سنة تقريبا بالمناسبة كان اسمها هديل طبعا هي زميلتي بالجامعة بس من 4 اشهر بلشت علاقتي تتحسن معاهايعني صار في اخد وعطا وحكي بس كلو طبيعي وما الو دخل بالحب طبعا انا رجعلي الامل من جديد انا نرجع لبعض بعد ما بلشت انسى اتفاجأت من اسبوعين بسماع خبر خطوبتها على شب انا بعرفو منيح ومن يومها وانا بالبيت وما بطلع ابدا ولا بروح على الجامعة ولا بعمل اي اشي قاعد قدام هالجهاز طول اليوم وما بتحرك شو اعمل لسا بحبها ومش متخيل اني اشوفها مع شخص تاني وزا صار وشفتها معاه الله يستر ممكن اقتلو شو برأيك الحل

اسمحلي انا اعطيك رأيي لو ممكن
انا مو شايف في مشكلة اساسا حتى يكون في حل
اما انك بتحبها من طرف واحد وهذا ما بيعطيك الحق اساسا انك تعمل اي شي ، ولا المفروض انك تضغط على نفسك كثير لانو ما في شي بايدك تعملو ، ولا اي حد مكانك ممكن يقدر يعمل شي حتى يخلي الطرف الثاني يحبو .
وإما انك كنت وما زلت تعتقد انها وبتحبك ، واذا كان الموضوع هيك ، اسمحلي يا صاحبي احكيلك (( اصحا )) لو كانت بتحبك ما كانت تركتك وراحت لواحد تاني ، وبهالشكل كمان بتكون بتزعل نفسك بدون داعي ، لانو انا متأكد هي الخسرانة واذا بتفكر بهالطريقة رح تسهل الامور على نفسك ، يعني قول بينك وبين حالك (( هي الخسرانة )) لأنو اذا كنت واثق بنفسك ومتأكد انك بتنحب وما شاء الله عليه بتكون هي العميا ( مع احترامي الها طبعا وللشخص اللي ارتبطت فيه .
واسمحيلي احكيلك بصراحة اكتر وبدون ما تزعل مني ، اذا كنت بتفكر بهالطريقة اللي حكيت عنها انك حابس نفسك ومحطم وما بتطلع من البيت وهي ما شاء الله عايشة مرحلة حلوة بحياتها وخاطبة ومبسوطة عالاخر اسمحيلي احكيلك انها معها حق ما تحبك لانو انا برأيي المرأة ما بتحب الرجل الضعيف المهزوم ( وما بعرف اذا كانوا الصبايا هون بيعارضوني بهالفكرة )
ما في داعي تزعل نفسك كتير وواجه مشكلتك وشوف يمكن المشكلة عندك وحاول تصلحها حتى ما تمر بهالتجربة مرة تانية .
اعذرني اذا كانت نصيحتي دمها ثقيل شوي بس انا صريح وبحب الصراحة وانت ان شاء الله اخ عزيز .
شكرا

بالعكس استاذ امجد انا متقبل ردك تماما بس يمكن لسا الشغلة جديدة وبدي شوية وقت مع نفسي في البداية وانشالله بتهون وشكرا الك

بالفعل العطر الذي تتكلم اسعدني ولازالت رائحته عالقة في انفي ولكن اتضح لي انه عصر سام وقد بدأت مضاعفاته تضهر

والله الحيا ادامك لا انت اول شخص ولا اخر شخص بتعرض لهيك موقف يا ماناس حبت سنين وما عاشو مع بعض انا بتمنى من ئلبك ازا بتحبها تتمنالها حياة سعيدة مع الي اختارتو وخد الامور بعقلانيه

(لسا بحبها ومش متخيل اني اشوفها مع شخص تاني وزا صار وشفتها معاه الله يستر ممكن اقتلو )هههههههه اصحى شو هالحي هاد

مشكورين جميعا على ردودكم
بس بصراحه كانت قاسيه بعض الشئ ولكنها صحيحه
صديقي العزيز انا بعرف انها بالنسبه الك مشكله كبيرة جدا وهي اهم شي بحياتك لكن خليك على اقتناع تام انها ازا كانت الك لو يجي ملوك وعظماء الدنيا علشان يغيروا هالحكي ما رح يغيروا والعكس صحيح لكن المطلوب منك حاليا انك تثبت لحالك انك رجل بالرغم من كل الصعاب وانك على قدر من المسؤوليه المفروض حاليا انك ما تدمر حياتك بايدك ما بتعرف النصيب ممكن البنت تفسخ وتصير من نصيبك حاليا لازم ترجع لحياتك الطبيعيه لأنه ما حدا من الناس حاسس بمشاعرك (يعني انت وحيد) فنصيحتي الك انك تعمل تحدي بينك وبينك نفسك ومشاعرك ويكون عندك مبدأ بحياتك
ومتل ما حكيتلك ازا الك نصيب فيها رح ترجعلك كون على ثقه يا صديقي هاد رأيي الشخصي وانت مو مجبور فيه بس نصيحه مني الك

ومشكور على ثقتك فينا وعرضك المشكله علينا
ورججاء ازا عرفت حالك انك لقيت حل انه تبعت رد النا هون وازا حابب كمان انه نناقشك بالموضوع اكتر احنا بخدمتك


مع احترامي وكامل حبي وتقديري
:memo:

مشكلتي مش لاقي انسانه فعلا احبها او احس اني بحبها لانه ما في وحده احبها

hخرتك توقع اخ صالح
ههههههههههههههه