قصة ليلي والتشلب باللهجة الكركية

كانت ليلى بتتبرطع مع الغنم في الوطاة ورا الدار لمّا سمعت أمها في الحوش بتنادي عليها: "ليلاااا! تعي جاي!"

أجت ليلى وقالت ليها: "ويش أدّك يمّا؟"

قالت أمها: "خذي هاللّبنات وديهن لجدّتكي تمرسهن عشان ودنا نطبخ منسف بكرى"
ردّت ليلى: "حاظر يمّا"

أخذت ليلى اللّبنات بالسّلة وبدت تمشي وهيّه تهيجن, ومافي شوي ولا ّ ليلى بتسمع صوت بقول ليها: "قوكي ياخيّة!"

اتطلّعت وقالت: "قويت, بس منو إنت؟"
قال ليها: "أنا, ويش أدكي فيّي, وين موجها؟"
قالت ليه: "عند جدّتي"

فكّر شوي و قال ليها: "هانا اقرب ليكي من الطريق تبعتكي, شو رايكي تيجي من هانا معاي؟"

قالتله: " روح يا رجل فكني من شرك و امشي من قدامي احسن لأصمتك بزعموط اللبن أجيبك أرض"

قاللها: "يا بنت الأوادم, هاي الطريق بتوصّل اسرع لجدتكي, ردي عليّ وخلينا نطيح من هان أقرب لينا"

قالتله: "اسمع ترى منا شايفه الظو , إقلب وجهك!" ولمّا شاف التشلب انّو ليلى معيّه ترد عليه راح ركاض من طريق قريبة و سبق ليلى على بيت الجدّة.

وصل البيت ودفش الباب بإجره ودخل, قالت الجدّة (بخوف واستغراب): "منو هاظا؟!"

لفّت وجهّا و لمّا شافت التشلب, قالت ليه: "البين يطسّك خرّعتني, وشّو اللّي جابك يا مسخّم؟"

قاللها التشلب: "مالك انطبزتي؟ هو انشبي عاد واسكتي!" نط عليها ودملها بين اللّحف و حشاها بلخزانة!
لبس التشلب ثوب الجدّة ونام مطرحها.

وما شوي ولا ليلى بتدق الباب. وقال التشلب (بصوت الجدة): "افتح الباب وفوت!"
فتحت ليلى الباب و قالت: "هاذي أنا يا تيتا!"

قال التشلب: "اقربي جاي! أنا تلفانه, مني قادره أقوم!"

قرّبت ليلىِِ عند الجدّة و هي متعجبة وقالتها: "شايفيتك كايسه! شو مال صوتك مبحوح؟" >
قال التشلب بصوت الجدّة: "أيوا يا تيتا, امبارح نمت متكشفه!

قالت ليلى: "هاي فهمتها, بس لويه أذانكي كبار؟"

جاوب التشلب وقال: "عشان اسمعكي مليح"

قالت ليلى: "اه اه اه, طب و علام عيونكي, كبرانات؟"

قال التشلب: "عشان اشوفكي كويّس, مهو الكبر عبر يا تيتا"

قالت ليلى: "سالامتكي يا تيتا, بس لاويه زقمك كبير هيه؟"

قال التشلب: "عشان ازلطك فيه!" ونط التشلب على ليلى وبدو يوكلها!!!
صرخت ليلى على طول صوتها:

"ويلييي, يا غبصة يا حزينة!!! ساعدوني ....!!!"

ولحسن حظ ليلى كان أبوها قريب في السيل بتصيّد, و لمّا سمع صراخها: "ساعدوني ساعدوني!" تناول البارودة و راح يحجل حجل عل عرقوب و ركاظ على بيت الجدّة! :شاف التشلب ناط على ليلى بدو يوكلها, هو شاف هيك طار ظبان عقله, ويهكّة دمسه عفرخ الهام وإنه مجحّظ.
بعدين راح لا ليلى وطلّعو الجدّة من الخزانة!

و ثاني يوم طبخوا مناسف و شرّبوا لبن و سمن و عاشوا مبسوطين.

قرأت قصص متل هيك قصه ما قرأت
جد جد يسلمو ايديك
عجبت بيتنا كله

هلا وغلا يا عديل الروح نورتي

هههههههههه يسلمو يوف واحلى لهجة

والله جديدة اخي يوسف وجميلة والله
الله يعطيك العافية

theredrose كتب:: هههههههههه يسلمو يوف واحلى لهجة

ويسلم ايديك على المرور وعد و يامحلى لهجاتك يا الاردن

ههههههههه يسلموا اخ يوسف

يسلموا يوسف كتير حلوة

ام ادم كتب:: ههههههههه يسلموا اخ يوسف

دووم الضحكة يا ام آدم

ملاك الغرام كتب:: يسلموا يوسف كتير حلوة

مرورك الحلو يا ملاك

و الله يا اخي يوسف ابدعت بنقل القصة باللهجة الكركية غريبة شوي عليّ استمتعت و انا اقرأ القصة لقيت كلمة دخيلة هاذي انا يا تيتا الكركية ما يحكوا تيتا يحكوا يا جدة ههههههههههههههه مشكور يااخ يوسف من كثر ما هي حلوة قراتها مرتين تقبل مروري

klam555 كتب:: و الله يا اخي يوسف ابدعت بنقل القصة باللهجة الكركية غريبة شوي عليّ استمتعت و انا اقرأ القصة لقيت كلمة دخيلة هاذي انا يا تيتا الكركية ما يحكوا تيتا يحكوا يا جدة ههههههههههههههه مشكور يااخ يوسف من كثر ما هي حلوة قراتها مرتين تقبل مروري

العفو يا klam555 مرورك عطر صفحتي

هههههههههههههههههههههههههااااااااااااااااااااااي
الله حيهم الكركية احلى لهجة واجدع ناس على الراس والله
يسلمو يوسف يارائع

هلا وغلا مجد منورة

يسلموا كتير حلوة ياتيتا
عفوا يايوسف

لالالا يا ابني حسين نورت

عزيز اخي يوسف
منورة بوجودكم

هلا وغلا يا حسين

احلى ناس واحلى لهجة

الله يبسطك..دائما ترسم الابتسامة على وجوهنا

دوووووووووووم الضحكة على وجوهكم يا رنين

الله يفرح قلبك

الله يستر عليك دنيا واخره

ههههههههههههههههههههههههههههههههههه
وش ذا ياخوي
ولويه اتحتشي هيِتش يا يوسف
لا يكون مو عاجبونك الكركيه اتعلق عليهم هههههههههه

هههههههههههههههههههههههه

على راسي الكركيه يا نايف

هههههههههههههههههههههههههههه
يسلم راسك يا ابو ادم

هلا وغلا حبي نايف

ههههههههههههههههههههههههههههههههههههههههههههه
هلا وغلا حبي يوسف
بس عن جد من الاخر

هلا وغلا حبي نايف نورت

ميرسي اكتييييير

تسلم ع القصة
وكل الناس خير وبركة كركية او مش كركية

الله يسلمك صحيح الله يحي اصل الاردنيين كلهم

» صور و فيديو فضيحة تامر يحيي في ملهي ليلي ممتليء بالخمور , صور للدى جيست تامر يحيي في ملهي ليلي و زجاجات خمر
» البنت الكركية
» النسخة الكركية من قصة جليبيب
» نكت من الكرك , نكت عن الكركية , نكت كركية
» فيديو و صور رؤساء بلديات بسكرة يمارسون الجنس بملهى ليلي في باريس , فيديو و صور فضيحة ابراهيم بن عمران رئيس بلدية برج بن عزوز الجنسية في باريس , فيديو و صور فضيحة عبد القادر شعبان رئيس بلدية ليشانة الجنسية في ملهى ليلي بباريس