من ديرة الذنـب جيـت ادور التوبـه
..................على مطايا قصيـدي راكـب شـدادي
مليت والشعر فينـي يجـرح جنوبـه
........................والليل وجهـه حزيـنٍ ثايـرٍ هـادي
راح العمر والمعنـى طالـت دروبـه
..................ما بين شوق السحاب ووحشة الوادي
شكيت من ليلي اللـي ضايقـه ثوبـه
...............من جرحي اللي بكى جرحي من عنادي
من شعري اللي يسلي القلب بكذوبـه
.....................من غربتي اللي تنادي تربـة بـلادي
نعم شكيـت الزمـان وكثـرة ذنوبـه
....................نعم شكيت القصيـد وزيـف ميعـادي
ومع كـل ذا والله انـك دوم محبوبـه
..................رغم العذاب انتي اغلى عيد بأعيـادي
انتي شموخ البـدو بالخيـل مهيوبـه
...................وانتي هلي ديرتي يا صيحة اجـدادي
من دونك الشمس خلف النو محجوبـه
.......................وبرقي يشيع وفاته صـوت رعـادي
مكتوب رحلة شقانـا فـوق مكتوبـه
.....................مكتوب نحيا .. نموت .. نحب ونعادي
ويبقى عذاب القدر مع كثـرة عيوبـه
....................عادي من اجلك بعد واكثر من العادي
ايضاً وتبقين فـي دنيـاي محسوبـه
......................زهرة ربيع العمر.. موتـي وميـلادي
موضوع: ..................موتي وميلادي........................ 
7/7/2010, 15:51
