ليش ما حد رد على مواضيعي ....اشي بضايق

السلام عليكم
اكثرنا بزعل لما ما حد برد على مواضيعة و بستغرب و بتضايق كثير بس للاسف ما حاول يفكر بالسبب و على طول بعملها زعلة كبيرة
بس انا بحكيلكم شو الاسباب
اولا بكون العالم كلة بوادي و الشب ابو جل بشعرة الي منزل الموضوع بوادي ثاني يعني الفترة هاي الكل مهتم بالرياضة و كاس العالم و المفروض تكون بنسبة 70 بالمئة من المواضيع عن هذا الحدث
انا لاحضت انة في ناس عم بتنزل شعر و خواطر و الكل مهتم بكاس العالم او بكون العالم كلة مقلوب على حدث حصل بفلسطين و واحد بنزل شعر او موضوع عن الرياضة او ..... الخ
المفروض لما بكون في حدث عالمي مثل رياضة او انتخابات او رمضان او نتائج توجيهي او اي شيء بخص الي بصير بالعالم اتكون المواضيع كلها موجها نحو الحدث
هذا اهم سبب و نيجي للسبب الي بعدة
بنزل العضو موضوع و بيجي عضو بنزل رد مرتب و قوي ولاكن صاحب الموضوع بحبط صاحب الرد و بقولة يعطيك العافية و المفروض يناقشة بردة و يكون الرد اقوى حتى يصير في نقاش على الموضوع و اذا صاحب الموضوع حط شكر للي رد بكون هيك انهى موضوعة بايدة

كلامك مزبوط يا سامو وكمان بحب اضيف انو ومعلش اذكر الاسم طارق لما كان ينزل تقريبا ثلاثين قصيدة ورا بعض ومرات كان يزعل ليش ما حدا برد وبتوقع لو نوع بالمواضيع رايح يكون وضعه غير وكل مواضيعه وبدون استثناء قصائد وعشان هيك رح تكون الردود قليلة او بمل الواحد وما برد وفعلا مرات الواحد ما بتابع موضوع اله وكمان اجيب مثال بسيط جدا بالنسبة لموضوع اويس سجل حضورك ببيت شعر تقريبا وصل 22 صفحة لمتابعته لموضوعه وردوده المتواصلة وبتمنى الفكرة وصلت

معك حق سام خلص من يوم وطالع راح اتابع كل المواضيع وراح ارد عليها مع انه ردودي بريئ
شكل الاشاعه لزقت فيني وماراح اخلي حد يزعل منى
حتى لو مانت راح ارد على كل المواضيع
يسلموو على جهد سااام

صحيح كلامك وعد و امثلتك كملت موضوعي
عشان هيك ما لازم حد يزعل و الكل يشتغل على هاي النقاط الي انا حطيتها و الي عندة نقطة يا ريت يضيفها حتى كلنا نتفاهم و تكون الامور واضحة النا كلنا
و اهم نقطة نوعية المواضيع تكون عن الحدث الي احنا عم بنعيش فية

ههههههههههههههه

عجبني موضوعك

مزيج بين الفكاهه والجديه والنصيحه والنقد

وابو جل بشعره حلو فلمه ابدع فيه

كلامك صحيح

بس مو كل الاعضاء اهتمامهم بالرياضه سام

والبنات اذا ماشافوا مواضيع ثانيه مثل الخواطر او الازياء او غيره رح يملوا ويزهقوا

التنوع مطلوب وشرط اساسي كثير

بس لازم يعرف صاحب الموضوع طبعا انه اهتمام اغلب الاعضاء بالرياضه

ومايزعل من قله الردود

غزل كتب:: معك حق سام خلص من يوم وطالع راح اتابع كل المواضيع وراح ارد عليها مع انه ردودي بريئ
شكل الاشاعه لزقت فيني وماراح اخلي حد يزعل منى
حتى لو مانت راح ارد على كل المواضيع
يسلموو على جهد سااام

بس اهم شي نوعية المواضيع غزل تكون عن الحدث الي بنعيش فية
و متابعة مواضيعك و مناقشة الردود الي بموضوعك

وعندي اضافة يا سامو وبتمنى تتحملني
صارت عنا مناسبة وطنية مهمة جدا وهي عيد الاستقلال وكتبت انا موضوع بهذا الخصوص وكان والحمد لله حلو وردود كثيرة عليه وكنت اتمنى حد ينزل موضوع بهالخصوص واستنيت يومين وما نزل موضوع بهالمناسبة

اصلا هاد صلب الموضوع الي انا بحكي عنة وعد
يعني العالم بوادي و هون بنكون نازلين بمواضيع عفى عنها الزمن

و انا كمان بدي اضيف نقطة و اتحمليني فيها اصلا ما الي غيرك يسمعني

عناوين المواضيع بتكون ما بتعبر عن الموضوع مع انة الموضوع حلو بس العنوان ما الة دخل بالموضوع او بحط رموز و شخابيط بالعنوان و هذا بقلل من اهمية الموضوع

بتعرف انا درست ادارة اعمال ومن ضمن تخصصي اعلانات تجارية وكيف ممكن تجذب الزبون باعلانك
وبتوقع عنوان الموضوع هو الي بجذب القارئ ومش المحتوى ومرات بكون الموضوع حلو زي ما حكيت بس العنوان غلط وما بجذب حدا واذا في مجال تعمل للعنوان خليني احكيها funny وما بعرف اذا زابطة هالكلمة بس بتمنى الفكرة وصلت

kingsam كتب:: اصلا هاد صلب الموضوع الي انا بحكي عنة وعد
يعني العالم بوادي و هون بنكون نازلين بمواضيع عفى عنها الزمن

و انا كمان بدي اضيف نقطة و اتحمليني فيها اصلا ما الي غيرك يسمعني

عناوين المواضيع بتكون ما بتعبر عن الموضوع مع انة الموضوع حلو بس العنوان ما الة دخل بالموضوع او بحط رموز و شخابيط بالعنوان و هذا بقلل من اهمية الموضوع

بحب اسمعك دائما يا صديقي ... ووعد ما شاءالله عليها عقلها كبير ومثقفة وبجد دائماً مصغيه .

:shock: :shock: :shock:

هههههههههههههههههههه
سامو عجبتني ابو جل بشعره
الله يقويك

والله يا اخ سام كل واحد الو اهتماماتو الخاصة في ناس ما بتهتم الا بالرياضة ( مثلي ) وفي ناس ما بتعرف اشي عن الرياضة انا بخالفك الراي

مزبوط كلامك يا معتز والرياضة غير عن الشعر وما الى ذلك
يعني بقصد انت اهتمامك بالرياضة بس الرياضة شي متجدد يوميا يعني ما بتمل منها واحكيلك انا بنت ومع ذلك عندي شوية بسيطة من الاهتمام بالرياضة وبحب كمان اناقش بالرياضة ومع انه معلوماتي كثير بسيطة عنها

مو مشكلة بس بيني وبينك في ناس بس تساليهم مين بتشجع بقولك بشو ؟؟؟؟

معقول فيه ناس ما بتعرف بكأس العالم ولووووووو وين عايشين هدول
انا بعشق الرياضة وكمان بحب الرجل الرياضي

الله يعطيك العافية سام

انا بتوقع كل شخص وله

اهتمام معين يعني في ناس تعشق الرياضة وفي ناس تعشق الشعر

وفي ناس الاخبار وغيرها من موضيع

لا نستطيع ان نجعل المنتدا كله رياضة او شعر

هناك زوار للمنتدا ويجب ان يكون هناك موضيع منوعة

وانا معك اننا يجب ان نواكب العصر والتغيرات وان نكتب ما يجري في وقتنا الحالي

ولكن هذا لا يعني ان نهمل باقي الاقسام هو في النهاية منتدا شامل ثقافي بكل ما تحمل الكلمة من معنى

كلا منا يزعل حين لا يرى ردود على موضوعه ولكن مع ذلك نستمر ونأمل من الله ان يكون غدا افضل في كل موضوع

وان يكون مجال للنقاش في كل موضوع

وقد قلت في يوم يجب ان تكون الموضيع في الاقسام محدودة كل يوم حتى يتسنى للجميع المحاورة

ويكون متسع من الوقت للنقاش

وعندي اقتراح

لماذا لا نجعل كل اسبوع موضوع يخص مجتمعنا للنقاش فيه

والدخول عليه اجباري حتى

ولماذا لا يكون من يناقش فيه ويعطي حلول او حوار جميل

ان يكون له مكافئة

اليس هذا حل كمان بهذا يكون حوار بين الكل ونقاش وتعارف اكثر بين الاعضاء ونصل لفكر كل شخص

اسف ع الاطالة ولكن هذا من وجهةنظري وفي النهاية كلنا في سبيل خدمة المنتدا الراقي

يعطيك العافيه اخ سام انت والجميع يعني ردودكواما شاء الله عليها وزي ما حكوا الشباب (وانا مع اسمر) انه الاهواء والميول وحده يعني متلا انا مش من المشجعين والمهتمين بالرياضه مع اني بحب الرياضه وبحب امارسها وما الي متلا عالشعر مشان هيك ما بدخل على هيك مواضيع ( مع احترامي للكل) وانا معكم انه الموضوع لازم يكون مواكب الاحداث والتطورات بس مش غلط نشوف معلومه مهمه ومفيده وما نشارك فيها لانه فيه مباريات ومش فاضيين

Mo chuisle كتب:: ههههههههههههههه

عجبني موضوعك

مزيج بين الفكاهه والجديه والنصيحه والنقد

وابو جل بشعره حلو فلمه ابدع فيه

كلامك صحيح

بس مو كل الاعضاء اهتمامهم بالرياضه سام

والبنات اذا ماشافوا مواضيع ثانيه مثل الخواطر او الازياء او غيره رح يملوا ويزهقوا

التنوع مطلوب وشرط اساسي كثير

بس لازم يعرف صاحب الموضوع طبعا انه اهتمام اغلب الاعضاء بالرياضه

ومايزعل من قله الردود

كلام سليم ولا غبار علية و بالتاكيد ميول الجميع مختلفة بس على الاقل لمى بكون في قضية عامة الكل يشارك فيها
مثلا بكون احيانا في قضية عالمية مثل قضية اسطول الحرية و ما بشوف مواضيع او متابعة للحدث
هذا قصدي و التشكيل بالمواضيع بالتاكيد مطلوب بس لازم انركز على القضية المطروحة على الساحة العربية

theredrose كتب:: بتعرف انا درست ادارة اعمال ومن ضمن تخصصي اعلانات تجارية وكيف ممكن تجذب الزبون باعلانك
وبتوقع عنوان الموضوع هو الي بجذب القارئ ومش المحتوى ومرات بكون الموضوع حلو زي ما حكيت بس العنوان غلط وما بجذب حدا واذا في مجال تعمل للعنوان خليني احكيها funny وما بعرف اذا زابطة هالكلمة بس بتمنى الفكرة وصلت

معتز الحارس كتب:: والله يا اخ سام كل واحد الو اهتماماتو الخاصة في ناس ما بتهتم الا بالرياضة ( مثلي ) وفي ناس ما بتعرف اشي عن الرياضة انا بخالفك الراي

اكيد العنوان اهم شي بس اذا كان واضح و يدل على محتوى الموضوع بكون افضل
وعد لاحضي اكثر مواضيعي عليها مشاهدات فوق 400 مشاهدة بس ما حدا فيكم عرف السبب
انا بحكيلك السبب
قبل ما احط العنوان بفكر بشو ممكن الباحث عن الموضوع يكتب في محرك قوقل
ابسطهالك
انا كتبت اليوم موضوع عن فوائد خل التفاح و حطيت العنوان فوائد خل التفاح في تخسيس الوزن
و شوفي كيف بحصل على اعلى مشاهدات على مواضيعي الي عم ببحث بقوقل على فوائد خل التفاح بالتاكيد سيضع في مربع البحث
فوائد خل التفاح
لو كان عنوان موضوعي غير ذالك فلن احصل على نسبة مشاهدات و للعلم نسبة 95% بالمئة من الاعضاء المسجلين بالمنتدى سجلو من خلال مواضيعي لانها تحتل المراكز الاولى
يعني بنضرب 10 عصافير بحجر واحد
الموضوع نفسة و فوائدة و بنفيد المنتدى بالزوار و تقدم المنتدى

اسمر66660 كتب:: الله يعطيك العافية سام

انا بتوقع كل شخص وله

اهتمام معين يعني في ناس تعشق الرياضة وفي ناس تعشق الشعر

وفي ناس الاخبار وغيرها من موضيع

لا نستطيع ان نجعل المنتدا كله رياضة او شعر

هناك زوار للمنتدا ويجب ان يكون هناك موضيع منوعة

وانا معك اننا يجب ان نواكب العصر والتغيرات وان نكتب ما يجري في وقتنا الحالي

ولكن هذا لا يعني ان نهمل باقي الاقسام هو في النهاية منتدا شامل ثقافي بكل ما تحمل الكلمة من معنى

كلا منا يزعل حين لا يرى ردود على موضوعه ولكن مع ذلك نستمر ونأمل من الله ان يكون غدا افضل في كل موضوع

وان يكون مجال للنقاش في كل موضوع

وقد قلت في يوم يجب ان تكون الموضيع في الاقسام محدودة كل يوم حتى يتسنى للجميع المحاورة

ويكون متسع من الوقت للنقاش

وعندي اقتراح

لماذا لا نجعل كل اسبوع موضوع يخص مجتمعنا للنقاش فيه

والدخول عليه اجباري حتى

ولماذا لا يكون من يناقش فيه ويعطي حلول او حوار جميل

ان يكون له مكافئة

اليس هذا حل كمان بهذا يكون حوار بين الكل ونقاش وتعارف اكثر بين الاعضاء ونصل لفكر كل شخص

اسف ع الاطالة ولكن هذا من وجهةنظري وفي النهاية كلنا في سبيل خدمة المنتدا الراقي

والله اقتراح حلو و انا بقول كل يوم نختار موضوع و كلنا نتناقش فية

nayef al-zo'uby كتب:: يعطيك العافيه اخ سام انت والجميع يعني ردودكواما شاء الله عليها وزي ما حكوا الشباب (وانا مع اسمر) انه الاهواء والميول وحده يعني متلا انا مش من المشجعين والمهتمين بالرياضه مع اني بحب الرياضه وبحب امارسها وما الي متلا عالشعر مشان هيك ما بدخل على هيك مواضيع ( مع احترامي للكل) وانا معكم انه الموضوع لازم يكون مواكب الاحداث والتطورات بس مش غلط نشوف معلومه مهمه ومفيده وما نشارك فيها لانه فيه مباريات ومش فاضيين

معك حق التنويع مطلوب بس كمان لازم انركز على حدث الساعة

شكرا لكم جميعا على المشاركة و بنتضار ردودكم و اكمال النقاش معكم

وااااااااااااااااااااااااااااااع
واااااااااااااااااااااااااااااااااااااع
ما رد علي رد على الكل الا علي

حقق علي ومن هون ورايح لحق ردود وفعلا مواضيع حلوه وشيقه لاشك
الله يعطيك العافيه

mido كتب:: وااااااااااااااااااااااااااااااع
واااااااااااااااااااااااااااااااااااااع
ما رد علي رد على الكل الا علي

حبيبي ميدو بس بدي اسالك
ابو جل بشعرة شو بقربلك

العدواني كتب:: حقق علي ومن هون ورايح لحق ردود وفعلا مواضيع حلوه وشيقه لاشك
الله يعطيك العافيه

هلا فيك اخوي نورت منتدانا بمواضيعك الرائعة

يا سامو احنا شو منطلع جنبك يا سيدي ومنكم نستفيد وبعجبني الذكي اصلا

شفت الشب ابو جل بشعرو
شفت شفت

» هل تعجبكم مواضيعي ؟؟