انواع الوداع

اخت ام احمد الوداع نوع واحد برأيي انا لكن بيختلف عند اختلاف محبتك للشخص مو شرط زميل جامعه او جار او صديق يلي بيختلف وجوده في قلبك والحب المتبادل يمكن ودع شخص ما صرلي بعرفه سنه وابكي عليه ويمكن ودع اخي ابن امي وابي ويكون الوضع عادي الوداع في شغلتين بيحددوه طبعا الشغلتين ما بيتجزئوا الصدق بالمشاعر والفتره يلي ضليتوها سوى هون بتحدد نوع الوداع ما بقدر قول نوعه بقدر قول قوة حرارته للوداع بس يمكن تضل قاعد مع شخص دهر وما دام ما في مشاعر بينكون معناتوا ما في اسهل من وداعه .
وبالنسبه لموضوع الموت والوداع الى ارض الحق هاد مو وداع ابدا ولا حتى لازم نحكي عنه بالمواضيع الاجتماعية لانه حق قصري رح يدوقه كل كائن نحنا اكيد بنزعل بس هالشي تحصيل حاصل بعدين هالشخص راح لعند ربنا ونياله ازا كانت اعماله صالحة فالموت مو وداع هو دخول بحياة جديدة ابدية